ខេត្តសៀមរាប ដើម្បីអនុវត្តឲ្យកាន់តែមានប្រសិទ្ធិភាពនូវគោលនយោបាយភូមិឃុំមានសុវត្ថិភាពនូវសន្តិសុខ សុវត្ថិភាពជូនប្រជាពលរដ្ឋភ្ញៀវជាតិ អន្តរជាតិនៅទូទាំងខេត្តសៀមរាបដោយការយកចិត្តទុកដាក់ខ្ពស់របស់ឯ.ឧបណ្ឌិតឃឹមប៊ុនសុង អភិបាលនៃគណៈអភិបាលខេត្ត និង ជាប្រធានគណៈបញ្ជាការឯកភាពរដ្ឋបាលខេត្តសៀមរាប និង ការចង្អុលបង្ហាញរបស់លោកឧត្តមសេនីយ៍ត្រីប៉ោ វណ្ណនិតមេបញ្ជាការកងរាជអាវុធហត្ថខេត្តសៀមរាបកងកម្លាំង សមត្ថកិច្ចរាជអាវុធហត្ថខេត្តឈរជើងប្រចាំការតាមបណ្តាស្រុកបានធ្វើការបង្ក្រាបនិង ឃាត់ខ្លួនបានជនសង្ស័យចំនួន០៥នាក់លើl២ករណីផ្សេងគ្នានាពេលថ្ងៃតែមួយ ដែលកើតមានឡើងនៅស្រុកជីក្រែង និងស្រុកស្រីស្នំ ក្នុងអំពើលួច នាថ្ងៃទី០៥ កុម្ភះ ឆ្នាំ២០១៦ ។
ករណីទី១នៅវេលាម៉ោង ១៧ និង ០៤នាទី នាថ្ងៃទី០៥ កុម្ភះ ឆ្នាំ២០១៦ កម្លាំងអាវុធហត្ថស្រុកជីក្រែងបាន ធ្វើការឃាត់ខ្លួនជនសង្ស័យចំនួន០២នាក់ នៅចំណុចភូមិ បាតត ឃុំគោកធ្លកក្រោមស្រុកជីក្រែង ខេត្តសៀមរាប ដែលពាក់ព័ន្ធករណី ធ្វើសកម្មភាពលួចប្រេងម៉ាស៊ូតរបស់ក្រុមហ៊ុនហ្វាងទុន (ចិន) នៅការដ្ឋានទំនប់ម្កាក់ ភូមិម្កាក់ ឃុំគោកធ្លកលើស្រុកជីក្រែង នៅពេលខណៈជនសង្ស័យទាំងពីរនាក់បានដឹកប្រេងពីផ្ទះរបស់ខ្លួន យកទៅលក់ក៏ត្រូវ បានឈ្មោះ ហាក់ នៅភូមិកោះដូនរាជ ឃុំគោកធ្លកក្រោម ស្រុកជីក្រែងចាប់ប្រគល់ឲ្យសមត្ថកិច្ចអាវុធហត្តតែម្តង ។ ក្នុងនោះជនសង្ស័យទី១ ឈ្មោះអ៊ិង លានភេទប្រុស អាយុ ១៩ឆ្នាំ ទី២ឈ្មោះចាន់ បញ្ញាភេទប្រុស អាយុ ១៩ឆ្នាំ អ្នកទាំងពីរគ្មានមុខរបរមិនពិតប្រាកដស្ថិតនៅភូមិគំរូឃុំពង្រលើ ស្រុកជីក្រែងហើយបក្ខពួកមួយចំនួនក៏បានគេចខ្លួនអស់ក្នុងចំណោមគ្នា០៦នាក់។ ក្នុងនោះកម្លាំងសមត្ថកិច្ចយើងបានដកហូតនូវវត្ថុតាងប្រេងម៉ាស៊ូត៥១០លីត្រនិងរឺម៉ក់ម៉ូតូ ជាមធ្យោបាយដឹកជញ្ជូន០១គ្រឿងផងដែរ ។
ករណីទី២ នៅវេលាម៉ោង ១៤និង៤៥នាទី នាថ្ងៃទី០៥ កុម្ភះឆ្នាំ២០១៦ កម្លាំងអាវុធហត្ថស្រុកស្រីស្នំ បាន ធ្វើការឃាត់ខ្លួនជនសង្ស័យចំនួន០៣នាក់នៅចំណុចភូមិ គោល ឃុំគោល ស្រុកអង្គរជុំ ខេត្តសៀមរាប ដែលពាក់ ព័ន្ធ ករណីធ្វើសកម្មភាពលួចម៉ូតូម៉ាកហុងដាឌ្រីម ស៊េរីឆ្នាំ២០០២ ពណ៌ខ្មៅ គ្មានស្លាកលេខ របស់ជនរងគ្រោះ ឈ្មោះយឿនប៉ើភេទប្រុស អាយុ ៥៧ឆ្នាំ ជាកសិករ មានទីលំនៅភូមិស្មាច់ ឃុំទឹកជោរស្រុកព្រះនេត្រព្រះ ខេត្ត បន្ទាយមានជ័យ ដែលបានទុកម៉ូតូនៅលើផ្លូវជាតិលេខ៦៨ដោយចុះទៅបង់សំណាញ់ក្បែរនោះ ដោយមិនបានដក សោរ នៅពេលនោះជនសង្ស័យដែលបានធ្វើដំណើរត្រឡប់ពីខេត្តឧត្តរមានជ័យបានឃើញម៉ូតូខាងលើ ដោយពុំ មានឃើញម្ចាស់ ក៏យកមកជឹះយកមកផ្ទះតែម្តង ដែលកើតឡើងនៅវេលាម៉ោង១១ និង៣០នាទី នៅចំណុចភូមិ ដង្កោ ឃុំស្លែងស្ពាន ស្រុកស្រីស្នំ ។ ដោយទទួលបាននូវពាក្យបណ្តឹងនិង ទទួលបានព័ត៌មានពីប្រជាពលរដ្ឋផងនោះ កម្លាំងសមត្ថកិច្ចអាវុធហត្ថយើងបានកំណត់មុខសញ្ញាច្បាស់ហើយ បានឈានដល់ធ្វើការឃាតខ្លួនជនសង្ស័យ ០៣ នាក់ក្នុងនោះជនល្មើសទី១ឈ្មោះកៃ កេងភេទប្រុស អាយុ២៤ឆ្នាំ ទី២ឈ្មោះហេម ខឿយភេទប្រុស អាយុ ២៦ឆ្នាំទី៣ឈ្មោះ ឈឿប តុចភេទប្រុស អាយុ ២៦ឆ្នាំ អ្នកទាំងបីមានមុខរបរជាកសិកររស់នៅភូមិ តាសែង ឃុំស្នួលស្រុកក្រឡាញ់ ខេត្តសៀមរាប ។ ក្នុងនោះសមត្ថកិច្ចយើងបានដកហូតនូវវត្ថុតាងមានម៉ូតូហុងដាឌ្រីម ចំនួន០២ គ្រឿង ។
បច្ចុប្បន្នកម្លាំងសមត្ថកិច្ចការិយាល័យជំនាញកងរាជអាវុធហត្ថខេត្តបានកសាងសំណុំរឿង បញ្ជូនជនសង្ស័យ និង វត្ថុតាង ទាំងពីរករណីនេះ ទៅកាន់សាលាដំបូងខេត្តដើម្បីចំណាត់ការទៅតាមនីតិវិធីនៃច្បាប់ ៕
