កំពង់ធំ៖ ប្រកាសចូលកាន់តំណៃង ក្រុមប្រឹក្សាក្រុងស្ទឹងសែន ខេត្តកំពង់ធំ ត្រូវបានប្រារព្វឡើង នៅសាលាក្រុងស្ទឹងសែន ក្រោមអធិបតីភាព ឯកឧត្តម សុខ លូ អភិបាលរងខេត្តកំពង់ធំ និងលោក ហុក រិន អភិបាល ក្រុងស្ទឹងសែន ដោយមានការចូលរួម ពីសំណាក់ ប្រធាន អនុប្រធានមន្ទីរជុំវិញខេត្តចូលរួមផងដែរ។
នៃឳកាសនៃពិធី លោក ហុក រិន អភិបាលក្រុងស្ទឹងសែន បានអានរបាយការណ៍ ស្តីអំពីចំនុចទីតាំងនិង ភូមិ សាស្ត្រ ព្រមទាំងសមិទ្ធផលមួយចំនួន ដែលបានសម្រេចហើយ ដូចជាប្រព័ន្ឋរចនាសម្ព័ន្ឋ ផ្លូវ ស្ពាន សាលា រៀន មណ្ទលសុខភា ប្រឡាយរំដោះទឹក ព្រមទាំងយុទ្ធនាការផ្តល់ថ្នាំវ៉ាក់សាំង សម្រាប់ការពារជំងឺដល់ កុមារ ជាច្រើនលើកផងដែរ។
លោក អ៊ឹម សារឿន នាយករង រដ្ឋបាលសាលាខេត្តកំពង់ធំ បានអានសេចក្តីសម្រេចតែងតាំង ក្រុមប្រឹក្សាថ្មី ចូលកាន់តំណែងយោងតាមអនុក្រឹត្យ លេខ៧២៥ អ.ន.ក្រ របស់រាជរដ្ឋាភិបាល ដោយសម្រេចតែងតាំង លោក គឹម សួរ ជាប្រធានក្រុមប្រឹក្សាក្រុងស្ទឹងសែន ព្រមទាំង១៤រូបទៀតជាសមាជិកក្រុមប្រឹក្សា ដើម្បីឲ្យ រចនាសម្ព័ន្ឋរដ្ឋបាលថ្នាក់ក្រោមជាតិ ធ្វើការកែទម្រង់ជាបន្តបន្ទាប់ ។
ឯកឧត្តម សុខ លូ អភិបាលរងខេត្តកំពង់ធំ បានមានប្រសាសន៍ ផ្តាំផ្ញើរដល់ ប្រធាន និងសមាជិកក្រុមប្រឹក្សា ក្រុងស្ទឹងសែន ប្រឹងប្រែងអនុវត្តន៍ បន្តការងារស្នូល ដោយមានការឯកភាពផ្ទៃក្នុង និងសាមគ្គីគ្នា បែងចែក តួនាទីគ្នា ដោយមិនប្រកាន់បក្សពួក គឺស្របពេលដែលរាជរដ្ឋាភិបាល និតិកាលទី៥ នៃរដ្ឋសភា កំពុងបន្ត ជម្រុញការអនុវត្តន៍ កម្មវិធីកំណែទម្រង់ វិមជ្ឈការ និងវិសហមជ្ឈការ ឲ្យកាន់តែស៊ីជម្រៅថែមទៀត។
ដំណើរ ការកំណៃទម្រង់នេះ នឹងត្រូវធ្វើឡើងតាមរយះការអនុវត្តន៍ ផែនការ០៣ឆ្នាំម្តង និងជម្រុញការផ្ទេរមុខងារ និងធានាទៅឲ្យរដ្ឋបាលថ្នាក់ក្រោមជាតិ ជាស្ថាប័នអភិបាលកិច្ច ដែលមានសមត្ថភាពគ្រប់គ្រាន់ ក្នុងការឆ្លើយ តប ទៅនឹងតម្រូវការជាក់ស្តែងរបស់ប្រជាពលរដ្ឋ ។ 
