កំពង់ធំ៖ កិច្ចប្រជុំពង្រឹងវិន័យសណ្តាប់ របស់កងកម្លាំងវេរៈសេនាតូចលេខ១ និងការចុះត្រួតពិនិត្យសំណង់ អាគារសម្រាប់ប្រជុំរបស់វេរៈសេនាតូចលេខ១ ដោយមានការចូលរួម ពីសំណាក់ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងថ្នាក់ដឹកនាំតំបន់សឹក ព្រមទាំងកងយោធពលខេមរៈភូមិន្ទ ចូលរួមចំនួន ១២២រូប ស្ថិតនៅបន្ទាយវរៈសេនាតូចលេខ១ ភូមិតាឡែក ឃុំ សាលាវិស័យ ស្រុកប្រាសាទបាល័ង្គ ខេត្តកំពង់ធំ ។
នៅក្នុងពិធីនៃអង្គប្រជុំ ឯកឧត្តម បានធ្វើការណែនាំ របស់នាយទាហាន ពលទាហាន ដែលកំពុងតែសិក្សា រៀនសូត្រហ្វឹកហាត់នៅ ក្នុងបន្ទាយវេរៈសេនាតូចលេខ១ រួចមក ឯកឧត្តម សោម ស៊ុន បានថ្លែងអំណរគុណ ចំពោះនាយទាហាន និង
ពលទាហាន ដែលបានរួមសាមគ្គីគ្នា ក្នុងការចូលរួមក្នុងការស្ថាបនា និងជួសជុល រួមទាំងការអភិវឌ្ឍន៍បន្ទាយ ជាពិសេសគឺជាការចូលរួម ក្នុងការធ្វើបុណ្យផ្កាប្រាក់ នៅវត្តពោធិ ស្ថិតនៅស្រុក បារាយណ៍ កន្លងមក ដែលជាបុណ្យសាមគ្គីរបស់អង្គភាព តំបន់ប្រតិបត្តិការសឹកកំពង់ធំ ដោយពុំមានការបង្ខិតបង្ខំ តាមតែសទ្ធាក្នុងការចាប់កុសល់ផលបុណ្យ ។
នៃឳកាសនោះដែរ ឯកឧត្តម សោម ស៊ុន បានបន្តថាដោយឡែកកាលពីមុន វេរៈសេនាតូចលេខ ១ស្ថិតនៅ ចំនុចថ្នល់បែក ពលទាហានស្ទើរតែទាំងស្រុង បានទៅពិសារបាយនៅតាមផ្ទះ តែដោយមួយរយះកាលកន្លង មកនេះសភាពការក្នុងប្រទេសមានការប្រែប្រួល ទើបយោងតាមតម្រូវការរបស់ ឯកឧត្តម អ៊ុត សំអន អភិបាលនៃគណៈអភិបាលខេត្តកំពង់ធំ និងជាប្រធានគណៈបញ្ជាការឯកភាពរដ្ឋបាលខេត្ត និងយោងតាម បទបញ្ជារបស់ អគ្គមេបញ្ជាការកងយោធពលខេមរៈភូមិន្ទ បាន
ឲ្យវេរៈសេនាតូចលេខ១ ផ្លាស់មកបង្កើតទី តាំងនៅភូមិតាឡែក ជាប់ព្រំប្រទល់ខេត្តព្រះវិហារ ស្ថិតនៅក្នុងស្រុកប្រាសាទបាល័ង្គ និងបានបង្កើតជាអង្គភាព សម្រាប់អន្តរាគមន៍ចល័ត ដោយមាននាយទាហាន និងពលទាហាន ប្រចាំការ២៤ម៉ោង សម្រាប់អនុវត្តន៍ បទបញ្ជារបស់ខេត្តក្នុងកិច្ចការពារ នៅពេលដែលមានបទបញ្ជាពីថ្នាក់លើ ជាពិសេសកម្លាំងអន្តរាគមន៍ វេរៈសេនាតូចលេខ១នេះ បានចូលរួមក្នុងការ បញ្ជូនកម្លាំងទៅជួរមុខប្រាសាទព្រះវិហារ និងបានចូលរួមក្នុងការ បង្ក្រាបបទល្មើសព្រៃឈើ បទល្មើសនេសាទ ។
ដោយឡែកនាយទាហាន និងពលទាហាន បានរស់នៅ បែបសាមគ្គីគ្នា ដែលមានអាហារក្នុងមួយថ្ងៃ ៣លើក ពេលព្រឹក មានម្ហូប១មុខ ពេលថ្ងៃម្ហូប២មុខ ពេលល្ងាច ម្ហូប២មុខ ត្រង់ចំនុចនេះហើយទើបបានជា អង្គភាពមិនបានបើករបបអង្ករ និងប្រាក់ម្ហូបឲ្យបងប្អូន ដោយសារ តែបងប្អូនរស់នៅក្នុងបន្ទាយ ហូបក្នុងបន្ទាយ តែបើបងប្អូនណាចង់បានប្រាក់ហ្ហូប និងរបបអង្ករ លុះត្រាតែ អ្នកនោះរស់នៅជាមួយគ្រួសារ ឬក៏នាំគ្រួសារមកសាងសង់ផ្ទះក្នុងបន្ទាយក៏ជាការល្អប្រសើរ។
ជាចុងក្រោយឯកឧត្តម សោម ស៊ុន មេបញ្ជាការតំបន់សឹករងកំពង់ធំ បានមានប្រសាសន៍ថា បច្ចុប្បន្នវេរៈសេនាតូចលេខ១ កំពុងតែជួបនៃការខ្វះខាតនូវអាគារប្រជុំ និងសម្ភារៈជាច្រើន ដោយសព្វថ្ងៃនេះ នៅពេល ប្រជុំ និងរៀនសូត្រ ពលទាហានទាំងអស់ ត្រូវបានរៀននៅក្រោមដើមឈើ និងក្រោមតង់កៅស៊ូ ដែលបាន ជួបប្រទះនូវព្យុះភ្លៀង និងកំដៅថ្ងៃ វេរៈសេនាតូច
លេខ១ ទាមទារឲ្យមានអាគារសាលប្រជុំ ឲ្យបានសមរម្យ ជាក់ស្តែងនៅពេលនេះ គឺជាការចាប់ផ្តើមចាក់គ្រិះសាងសង់អាគាសាលប្រជុំ ដែលត្រូវបានចំណាយ ថវិការ អស់ជាង ២ម៉ឺនដុល្លាសហរដ្ឋអាមេរិក ទើបក្នុងនាមខ្ញុំបាទថ្នាក់ដឹកនាំសូមអំពាវនាវ ដល់ឯកឧត្តម អភិបាល ខេត្តកំពង់ធំ លោក ឧកញ៉ា ក្រុមហ៊ុន និងឯកជន មេត្តាជួយឧបត្ថម្ភ ថវិការ ឬសម្ភារៈ
ដើម្បីសាងសង់អាគា សាលប្រជុំ ខណៈពេលដែលកំពុងតែមានការខ្វះខាតជាច្រើន ដោយឡែក ការសាងសង់នេះគឺពុំបានជួល កម្មករនោះទេ គឺជួលតែមេជាងមួយនាក់ បូករួមជាមួយនិងកងយោធពលខេមរៈភូមិន្ទ ជាអ្នកជួយសាងសង់ ។