ខេត្តសៀមរាបៈ ឃាតករអាករសម្លាប់មនុស្ស៣នាក់ តែស្លាប់២នាក់ របួសធ្ងួនម្នាក់ ក្នុងគោលបំណងប្លន់យកលុយ ដែល២នាក់ប្តីប្រពន្ឋគ្រោងនិងទិញរថយន្ត ត្រូវបានសមត្ថកិច្ចបាន់បានហើយ នៅស្រុកជីក្រែង ខេត្តសៀមរាប នាល្ងាចថ្ងៃទី៤ ខែមករា ឆ្នាំ២០១៧នេះ។លោក ភឿង ចិន្ដារ៉េត ស្នងការរងនគរបាល និងប្រធានការិយាល័យកណ្ដាលព្រហ្មទណ្ឌខេត្តសៀមរាប បានប្រាប់អង្គភាព Fresh News នៅយប់ថ្ងៃទី៤ ខែមករានេះថា មុខសញ្ញាដែលជាឃាតក ប្លន់សម្លាប់ជនរងគ្រោះ៣នាក់ ដល់បន្ទប់ជួលនោះត្រូវបានកម្លាំងនគរបាលចាប់ខ្លួនបានហើយ ដោយឃាតកឈ្មោះ ជា សុខជីន អាយុ២៣ឆ្នាំ មានស្រុកកំណើតនៅស្រុករលារប្អៀរ ខេត្តកំពង់ឆ្នាំង។
ប្រតិបត្តិការតាមចាប់ខ្លួន ជនជាឃាតកនេះត្រូវបានធ្វើឡើងដោយកម្លាំងនគរបាលរបស់លោក បានសហការជាមួយកម្លាំងនគរបាលនាយកដ្ឋានក្រសួងមហាផ្ទៃ កម្លាំងនគរបាលតាមបណ្តាខេត្ត ព្រមទាំងកម្លាំងពាក់ព័ន្ធ និងប្រជាពលរដ្ឋល្អដែលបានជួយរាយការណ៍ពីករណីនេះ។
លោកស្នងការរង បានបន្តថា កម្លាំងជំនាញ និងកម្លាំងអធិការក្រុងបានបែងចែកកម្លាំងពិសេសជា៣ក្រុម ដោយមួយក្រុមសហការជាមួយកម្លាំងនគរបាលរាជធានីភ្នំពេញ ស្រាវជ្រាវនៅភ្នំពេញ, ក្រុមមួយទៀត សហការជាមួយកម្លាំង នគរបាលខេត្តកំពង់ឆ្នាំង ស្រាវជ្រាវនៅខេត្តកំពង់ឆ្នាំង និងមួយក្រុមទៀតស្រាវជ្រាវនៅខេត្តសៀមរាបតែម្ដង ដែលទីបំផុតជនសង្ស័យត្រូវបានចាប់ខ្លួននៅ ស្រុកជីក្រែង ដោយកម្លាំងនគរបាលបានចាំស្ទាក់នៅទីនោះ។ ជាមួយគ្នានេះ លោក ភឹង ចិន្តារ៉េត ក៏សូមថ្លែងអំណរគុណដល់កម្លាំងនគរបាលពាក់ព័ន្ធទាំងអស់ ដែលបានចូលប្រតិបត្តិការ រហូតតាមចាប់ជនដៃដល់រូបនេះបាន។
ទោះជាយ៉ាងណា លោកមិនទាន់អាចបញ្ជាក់បានថា ឃាតកមានបក្ខពួកប៉ុន្មាននោះទេ ព្រោះខណៈពេលនេះ កម្លាំងនគរបាលជំនាញកំពុងសួរចម្លើយបន្ដទៀត។សូមបញ្ជាក់ថា មនុស្ស៣នាក់ ត្រូវបានឃាតកចិត្តឆៅចូលអារ-ក ប្លន់សម្លាប់ដល់ក្នុងបន្ទប់ជួល បណ្តាលឲ្យស្លាប់២នាក់ក្នុងថ្លុកឈាម និងម្នាក់ទៀតរបួសធ្ងន់។ ហេតុការណ៍ឃាតកម្មដល់សាហាវនេះភ្ញាក់ផ្អើលនៅព្រឹកថ្ងៃទី០១ ខែមករា ឆ្នាំ២០១៧ នៅចំណុចបន្ទប់ជួល ស្ថិតក្នុងក្រុមទី៦ ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។មន្ដ្រីនគរបាលមូលដ្ឋានបានឲ្យដឹងថា ក្នុងហេតុការណ៍ឃាតកម្មនេះបណ្ដាលឲ្យជនរងគ្រោះ២នាក់ដេកស្លាប់ក្នុងថ្លុងឈាម ដែលទី១៖ ឃុន សុយិន ភេទប្រុស អាយុ២៧ឆ្នាំ មុខរបរធ្វើការក្រុមហ៊ុនអាហារបំប៉ន មានស្រុកកំណើតនៅស្រុកឈូក ខេត្តកំពត, ទី២៖ ឈ្មោះ វេត រដ្ផា ភេទប្រុស អាយុ២៥ឆ្នាំ មានស្រុកកំណើត នៅស្រុកអូរជ្រៅ ខេត្តបន្ទាយមានជ័យ និងទី៣៖ ឈ្មោះ ឡេង ស្រីពៅ ភេទស្រី អាយុ២៨ឆ្នាំ រងរបួសធ្ងន់ ក្នុងចំណោមជនរងគ្រោះទាំង៣នាក់នេះ ក្នុងនោះ២នាក់ជាប្ដីប្រពន្ធនឹងគ្នា គឺឈ្មោះ ឃុយ 
សុខយឹន និង ឡេង ស្រីពៅ បច្ចុប្បន្ន ជនរងគ្រោះបានដឹងខ្លួន និយាយបានហេីយ រួចផុតពីជីវិតស្លាប់ ខណៈត្រូវបានក្រុមគ្រូពេទ្យបង្អែកខេត្តសៀមរាប បានដុតដៃ ដុតជេីង ជួយសង្គ្រោះទាន់ កុំអីសៃសង្ខារទាំបីនាក់។
ក្រោយពីធ្វេីការសួរនាំនៅការិយាល័យនគរបាលព្រហ្មទណ្ឌកំរិតធ្ងន់ នៃស្នងការខេត្តទាំងយប់រួចមក ជនសង្ស័យបានសារភាពថា រូបគេពិតជាបានប្រព្រឹត្តអំពេីរទៅលេីជនរងគ្រោះទាំងបីនាក់ ដោយម្នាក់ឯងមែន ដោយរូបគេបានដាក់ថ្នាំសណ្តំចូលទៅក្នុងទឹក ឲ្យជនរងគ្រោះផឹក ឲ្យសន្លប់ រួចយកពូថៅកាប់មកលើជនរងគ្រោះឲ្យស្លាប់ភ្លាមៗ ដើម្បីយកទ្រព្យ។បច្ចុប្បន្ន ជនសង្ស័យត្រូវបានកម្លាំងជំនាញកំពុងរៀបចំសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់៕ដោយ ប៊ុន រដ្ឋា
