កំពង់ស្ពឺ=ផ្លូវមួយខ្សែដែលមានចម្ងាយ១៦គីឡូម៉ែត្រឆ្លងកាត់ឃុំចំនួន៣ក្នុងស្រុកសំរោងទងដែលបង្កភាពលំបាកដល់ការធ្វើដំណើររបស់បងប្អូនប្រជាពលរដ្ឋក្នុងមូលដ្ឋានជាយូរឆ្នាំកន្លមកដែលផ្លូវនេះគេចាត់ទុកជាផ្លូវយុទ្ធសាស្ត្រសំខាន់ដោយសារតែមានបន្ទាយកងទព័ចំនួន៣គឺបន្ទាយកងកាំភ្លើងធំ បន្ទាយនាំសារ បន្ទាយ បច្ចេកទេសយោធា ។ក្នុងនោះក៏មានបងប្អូន
កម្មករកម្មារីនីធ្វើការរោងចក្រក៏បាន ជួបការលំបាកយ៉ាងខ្លាំងរួមទាំងអ្នកដំណើរទូទៅតែងតែជួបគ្រោះថ្នាក់ដោយយថាហេតុ។ដោយសារស្ថានភាពកាន់តែលំបាកខ្លាំងទើបព្រះចៅអធិការវត្តស្រះឃ្លាំងនិងព្រះសង្សប្រជាពុទ្ធបរិសទ្ធ័ចំណុះជើងវត្ត បានចាប់ផ្តើមកសាងដោយ ជួលគ្រឿងចក្រនិងទិញដីមកចាក់បំពេញដែលក្នុងនោះត្រូវចំណាយទឹកប្រាក់
៦៩.៤៨០០.០០០.០០០រៀល(ប្រាំមួយពាន់ប្រាំបួនពាន់សែសិបប្រាំបីលានរៀល)ស្មើ១.៧៣៧០០០$(មួយលានប្រាំពីរយសាមសិបប្រាំពីរពាន់ដុល្លា)។ ព្រះចៅអធិការវត្តស្រះឃ្លាំងព្រះនាមពូន.វណ្ណអាទ បានមានសង្សដីកាថាផ្លូវនេះ ធ្វើ ឡើងតាមគំរោងរបស់មន្ទីរគមនាគមន៏ដែលមានចម្ងាយ១៦គីឡូម៉ែត្រដោយ ក្រាលកៅស៊ូ DBST ទទឹង៧ម៉ែត្រមានប្រពន្ធ័លូត្រឹមត្រូវតាមស្តង់ដាបច្ចេកទេស។
ព្រះចៅអធិការវត្តមានសង្សដីកាបន្តថាមកដល់ពេលនេះផ្លូវទើបកសាងបាន ប្រម៉ាណជា៣០%តែប៉ុណ្ណោះហើយព្រះអង្គបានធ្វើរោងរៃអង្គាស់បច្ចយ័បងប្អូនដែលធ្វើដំណើរឆ្លងកាត់ ដោយមានព្រះសង្សក្នុងវត្ត៥០អង្គមកជួយជាកំលាំង បន្ថែម ដើម្បីកាត់បន្ថយការចំណាយ។
ព្រះចៅអធិការវត្តមានសង្សដីកាសង្កត់ធ្ងន់ថាផ្លូវនេះបើមិនមានសប្បុរសជួយចូលរួមបានច្រើននោះទេដំណើរការកសាងអាចមានរយះពេលមិនក្រោមពី៣ឆ្នាំនោះទេតែបើមានសប្បុរសជនជួយច្រើនផ្លូវនេះអាចកសាងត្រឹម១ឆ្នាំឬជាង១ឆ្នាំក៏ថាបាន។ក្នុងការកសាងនេះដែរព្រះអង្គបានអំពាវនាវដល់ឯកឧត្តមលោកឧញ្ញ៉ាដែលមានចិត្តសប្បុរសមេត្តាជួយដល់ការកសាងនេះផងដោយអាចជួយជាប្រេងឬជាថវិកាក៏បាន។
ជាការពិតការកសាងផ្លូវហាក់បានជួយដល់អ្នកមានជំងឺឬមានផ្ទៃពោះដែលបានធ្វើដំណើរទៅកាន់មន្ទីរពេទ្យដូចបានជួយព្យាបាលឬជួយសង្គ្រោះដល់ជីវិតអ្នកទាំងនោះរួចទៅហើយនេះបើយើងគិតពីបុណ្យដូចបានធ្វើបុណ្យ៧វត្តដូច្នេះដែរ។ដោយឃើញពីភាពលំបាកនេះយើងទាំងអស់គ្នាគួរនាំគ្នាចូលរួមបរិច្ចាកឲ្យបានគ្រប់គ្នានិងចាប់មគ្គផលតាមសទ្ធាជ្រះថ្លាពីព្រោះការចំណាយដ៏ច្រើនលើសលុបបែបនេះទាល់តែមានការរួមចំណែកពីយើងទាំងអស់គ្នា៕