ខេត្តប៉ៃលិន ៖ មន្ទីរសាធារណការ និងដឹកជញ្ជូនខេត្ត ដឹកនាំកម្លាំងចុះទៅជួសជុលផ្លូវថ្នល់ និងសាងសង់ស្ពានលូ ដែលបានទទួលរងនូវការខូចខាតជា ច្រើនកន្លែង កាលគ្រោះទឹកជំនន់ពីចុងឆ្នាំ២០១៣កន្លងទៅ ដើម្បីឱ្យប្រជាពលរដ្ឋងាយស្រួលធ្វើដំណើរ និងដឹកជញ្ជូនកសិផលទៅមកយ៉ាងងាយស្រួល ព្រមទាំងមានការបញ្ជាពីអាជ្ញាធរខេត្តប៉ៃលិន ។
ជាក់ស្តែងនៅលើ កំណាត់ផ្លូវ ល្បាយក្រួសលេខ១៥៩៣ ស្ថិតនៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ ដែលបែកចេញពីផ្លូវជាតិ លេខ ៥៩ ត្រូវមន្ទីរសាធារណការនិងដឹកជញ្ជូនប្តូរពីលូមូលមុខពីរ មកដាក់ជាលូប្រអប់មុខពីរវិញ ដើម្បីទប់ទល់នឹងកម្លាំង ទឹកជំនន់បុក គំហុកខ្លាំងនៅរដូវវស្សាម្តងៗ ។ លោក ឌឹន គឹម ប្រធានមន្ទីរសាធារណការ និងដឹកជញ្ជូនខេត្តបានឱ្យដឹងតាមទូរស័ព្ទថា កាលពីប៉ុន្មានថ្ងៃមុនខាងមន្ទីរ បា
ន ទទួល បញ្ជាពីអាជ្ញាធរខេត្ត ឱ្យដឹកនាំកម្លាំងយកគ្រឿងចក្រ ទៅជួសជុលផ្លូវលូទឹកហូរមួយកន្លែង ដែលបានទទួលរង ការខូច ខាត ដោយសារគ្រោះធម្មជាតិទឹកជំនន់កាលពីឆ្នាំ២០១៣កន្លងមក ។ លោកបានបន្តទៀតថា កាលពីមុនខាងលោកធ្វើផ្លូវនេះ ដោយដាក់លូមុខពីរតែដោយសារទប់នឹងកម្លាំងទឹកជំនន់មិនឈ្នះ ទើបនៅពេលនេះខាង លោកបានទៅធ្វើ
ការជួសជុល ដោយឱ្យបុគ្គលិកដាក់លូប្រអប់មុខពីរជំនួសវិញ គឺធ្វើមុខប្រវែង៥ម៉ែត្រ និងកំពស់៣ម៉ែត្រ ហើយចំណាយ ថវិកាចំនួន១៩៧ លានរៀល ។ លោកបានបញ្ជាក់ទៀតថា ផ្លូវលំមួយទៀតដែលបានរងការខូចខាតស្ពាន ទាំងស្រុងស្ថិតនៅក្នុងភូមិបរឌិននៀវ សង្កាត់ប៉ៃលិន ក្រុងប៉ៃលិន ខាង លោកបាននឹងកំពុងតែឱ្យកម្មករចាក់បេតុងនៅកន្លែងការដ្ឋាន
ដើម្បីនឹងយកទៅក្រាលបាត ហើយនឹងដាក់ជញ្ជាំងស្ពាន ដោយ រួចរាល់ឆាប់ៗខាងមុខនេះ ខាងមន្ទីរនឹងចាប់ផ្តើមធ្វើផ្លូវតែម្តង ។ ចំណែកចិញ្ចើមផ្លូវជាតិលេខ៥៧ ដែលបានទទួលរងការបំផ្លាញដោយទឹកជំនន់កាលពីឆ្នាំកន្លងទៅខាងលោក កំពុងតែរៀបចំចាក់បេតុងនៅកន្លែងការដ្ឋាន បន្ទាប់មកនឹងយកទៅដាក់ជួសជុលនៅកន្លែងខូចខាតឆាប់ៗខាងមុខនេះ ដែលមានប្រវែង៦០០ម៉ែត្រ ហើយនឹងចំណាយ ថវិកាចំនួន៥០២លានរៀល ។
