សៀមរាប៖ បច្ចុប្បន្នវិស័យពត៌មាន ត្រូវបានរាជរដ្ឋាភិបាលមានការយកចិត្តទុកដាក់ ផ្តោតសារៈសំខាន់ មកលើវិស័យពត៌មាន ដែលបានចាត់ទុកថា វិស័យសារៈពត៌មាន មានតួនាទីសំខាន់ ក្នុងការជួយអភិវឌ្ឍន៍ ប្រទេសជាតិ និងមានតួនាទីសំខាន់សំរាប់នាំដំណឹងទៅដល់មហាជន ។
ជាក់ស្តែង នៅមានអ្នកសារពត៌មាន ក្នុងស្រុករួមមានទូរទស្សន៍ កាសែត វិទ្យុ មកពីបណ្តាខេត្តក្រុង ត្រូវបានចូលរួមក្នុងសិក្ខាសាលា ស្តីពីសុវត្តិភាពចរាចរណ៍ ដែលត្រូវបានរៀបចំឡើង ដោយអង្កការសុខភាពពិភពលោក តាមរយះមូលនិធិប្ល៊ូមបឺតភីលែនត្រូភី ចំនួន២ថ្ងៃ គឺ១១.១២ ខែ មិថុនា ឆ្នាំ ២០១៤ នៅសណ្ឋាគារ អង្គរប៉ារ៉ាឌី ក្រោមការចូល រូមដោយលោកស្រី ម៉ែន ច័ន្ទសុកុល អគ្គលេខាធិការដ្ឋាន គ.ស.ច.គ លោក មឿន ឈានណារិន នាយកវិទ្យាស្ថានកម្ពុជា សំរាប់ការសិក្សាផ្នែកសារពត៌មាន លោក ស្ទិវិន អ៊ីឌីង ប្រធានក្រុមការងារជំងឺមិនឆ្លង អង្គការ សុខភាពពិភពលោក ។
លោក វេជ្ជបណ្ឌិត សៅ សុវណ្ណរតនៈ មន្ត្រីបង្ការអំពើហឹង្សា ការងរបួសនិង សុវត្តភាពចរាចរណ៍ បានបញ្ជាក់ថា គោលបំណងនៃអង្គរសិក្ខាសាលានេះ គឺបានផ្តោតទៅលើ ការនិពន្ឋអត្ថបទសារពត៌មាន ស្តីសុវត្តិភាពចរាចរណ៍ ដែលបានកើតឡើងនៅក្នុង ព្រះរាជាណាចក្រកម្ពុជា និងបានធ្វើការចុះផ្សាយតាមបណ្តាប្រព័ន្ឋ ផ្សព្វផ្សាយនានា និងបានឆ្លុះបញ្ចាំងឲ្យឃើញពីកំណើនបានកើនឡើង នូវមនុស្សស្លាប់ពីមួយថ្ងៃទៅមួយថ្ងៃ គ្រោះថ្នាក់ចរាចរពី១០ ទៅ១៥នាក់ក្នុងមួយថ្ងៃ ក្រោយពីបានចុះត្រួតពិនិត្យរបស់សមត្ថកិច្ច គឺបណ្តាលមក ពីមិនគោរពច្បាប់ចារចរណ៍ បោកក្បាលនឹងថ្នល់ ដោយមិនបានពាក់មួកសុវត្តិភាព ។
យោងតាមការសម្រួត មនុស្សស្លាប់ដោយសារគ្រោះថ្នាក់ចរាចរណ៍ ដោយសារមិនគោរពច្បាប់ចរាចរណ៍ បើកបរក្រោមឥទ្ធិពលគ្រឿងស្រវឹង មិនពាក់មួកសុវត្តិភាព បើកបរលើសល្បឿនកំណត់ ក្នុងនោះដែរវាបាន ជះឥទ្ធិពលដល់សុខភាព និងគ្រួសារ ខាតបង់ចំណូល បង់ថ្លៃព្យាបាល ខូចសុភាព បាត់បង់ការងារ ខាតបង់ពេលវេលា ស៊ើបអង្កេតរបស់តុលាការគ្រួសារក្រីក្រ ក្លាយជាជនពិការ។
ដោយឡែករាជរដ្ឋាភិបាល នឹងត្រូវបានដាក់ឲ្យប្រើប្រាស់ច្បាប់ចរាចរណ៍ថ្មី ដែលតម្រូវឲ្យមាន ទារកអាយុ ១០ខែ រហូតដល់៤ឆ្នាំ ត្រូវមានកៅអ៊ីសម្រាប់ទារក និងមានអ្នកអង្គុយមើល ចំណែកអ្នកបើកបរ និងអ្នកជិះ នៅកៅអ៊ីខាងក្រោយនៃរថយន្ត ក៏ត្រូវបានបញ្ជាឲ្យដាក់ខ្សែក្រវ៉ាត់ រួមទាំងរថយន្តក្រុង ករណីដែលមិនគោរព ច្បាប់ចរាចរណ៍ នឹងត្រូវបានផាក់ពិន័យគុណនឹង ៥ដង ចំពោះតំលៃផាកពិន័យបច្ចុប្បន្ន ពីសេសជាងនេះ ទៅទៀតគឺកុមារអាយុក្រោម១០ឆ្នាំ មិនអនុញ្ញាតិឲ្យ អង្គុយកៅអ៊ីមុខរបស់យានយន្ត ៕