ខេត្តមណ្ឌលគិរី៖ វគ្គបណ្តុះបណ្តាលគ្រូបង្គោលលើមុខជំនាញ”បដិសណ្ឋារកិច្ច និងសុវត្ថិភាពចំណីអាហារ”ត្រូវបានមន្ទីរទសចរណ៍ខេត្តមណ្ឌលគិរីរៀបចំធ្វើឡើងក្នុងសាលប្រជុំរបស់មន្ទីរនៅព្រឹកថ្ងៃទី១០ ខែមិថុនា ឆ្នាំ២០១៤នេះ ក្រោមអធិបតីភាព ឯកឧត្តមប៉ាក់ សុខុម
រដ្ឋលេខាធិការក្រសួង ទេសចរ ណ៍ និងឯកឧត្តមយឹម លុច្ស អភិបាលរងខេត្ត។ វគ្គបណ្តុះបណ្តាលនេះមានការអញ្ជើញចូលរួមជាសិក្ខាកាមតំណាងមកពី រមណីយដ្ឋាន សណ្ឋាគារ ផ្ទះសំណាក់ ខ៉ារ៉ាអូខេ ព្រមទាំងអាហារដ្ឋានផ្សេងៗជុំវិញខេត្តផងដែរ។
លោក ជួបរតនា គ្រូឧទ្ទិសនាមក្នុងវគ្គបណ្តុះបណ្តាលនេះបានអោយដឹងថាវគ្គបណ្តុះ
បណ្តាលនេះមានរយៈពេលពីថ្ងៃគឺថ្ងៃទី១០និងទី១១មិថុនា សិក្ខាកាមដែលចូលរួមនាពេលនេះ គឺ តំណាងមកពីរមណីយដ្ឋានសណ្ឋាគារផ្ទះសំណាក់និងសេវាកម្សាន្តផ្សេងៗជុំវិញខេត្តសរុបចំនួនជាង៣០នាក់។លោកបានបញ្ជាក់ថាក្រោយពីបញ្ចប់វគ្គនេះសិក្ខាកាមនឹងទទួលបានអត្ថប្រយោជន៍មួយចំនួនដូជាចំណេះដឹងនិងបទពិសោធន៍ក្នុងវិស័យការងារទេសចរណ៍. របៀបអនុវត្តន៍ ជាក់ ស្តែងក្នុងការធ្វើបដិសណ្ឋារកិច្ច. ក្លាយជាគ្រូបង្គោលនៃវគ្គបណ្តុះបណ្តាលលើ ជំនាញទេសចរណ៍ ជាដើម។
បើតាមរបាយការណ៍របស់ឯកឧត្តម យឹម លុច្សអភិបាលរងខេត្តបានអោយដឹងថា ដោយ សារ ការមានកំណើនទេសចរណ៍ជាតិ និងអន្តរជាតិកើនឡើងជាលំដាប់ពីមួយឆ្នាំ ទៅមួយឆ្នាំ ចំ ណែកឯ សេវាកម្មបំរើអោយវិស័យទេសចរណ៍នៅមានកំរិតនៅឡើយនោះ ទើបក្រសួង ទេសចរ ណ៍ និងមន្ទីរទេសចរណ៍បានរៀបចំវគ្គបណ្តុះបណ្តាលនេះឡើង ដើម្បីបំរើដល់ភ្ញៀវទេសចរណ៍ និងចូលរួមប្រលងប្រណាំង”ទីក្រុងស្អាត រមណីយដ្ឋានស្អាត សេវាល្អ” ផងដែរ។
មានប្រសាសន៍បើកវគ្គបណ្តុះបណ្តាលនាពេលនោះ ឯកឧត្តម ប៉ាក សុខុម បានលើឡើង ថា បដិសណ្ឋារកិច្ចគឺជាតួនាទីដ៏សំខាន់ដែលត្រូវផ្តល់សំរាប់ភ្ញៀវទេសចរណ៍ ត្រូវធ្វើយ៉ាងណា អោយភ្ញៀវដែលមកម្តងហើយចង់មកម្តងទៀតទាំងភ្ញៀវក្នុងស្រុកក៏ដូចជាភ្ញៀវអន្តរជាតិ។ ឯកឧត្តមបានបញ្ជាក់ថា មិនមែនមានតែភោជនីយដ្ឋានម្ហូបឆ្ងាញ់ សណ្ឋាគារស្អាត ផ្ទះសំណាក់ ល្អ ប៉ុណ្នោះទេ អាជ្ញាធរដែនដីក៏ត្រូវតែមានភារៈកិច្ចធ្វើយ៉ាងណាកុំអោយភ្ញៀវទេសចរណ៍ចូលមកហើយមានការភ័យខ្លាចមិនហ៊ានមកម្តងទៀត ដោយសារមានអំពើឃាតកម្មនិងចោរកម្មអោយសោះ។
