ប្រទេសថៃ៖ បកប្រែ ប៊ុន រដ្ឋា នៅថ្ងៃទី១៤ ខែមិថុនា ឆ្នាំ២០១៤ លោក វ៉ាត់ លឺតមុខដា អភិបាលស្រុក សាត់តាហីប ខេត្តឈុនបុរី ព្រមកងកម្លាំងសន្តិសុខអចិន្ត្រៃយ៍ និងសមត្ថកិច្ចប្រឆាំងគ្រឿញៀន បានដឹកនាំកម្លាំងមកចាប់ឃាត់ខ្លួន ព្រះសង្ឃ២អង្គ ទី១ឈ្មោះ សិរិឆ័យ រ៉ាត់ណះវិកល អាយុ ២៤ឆ្នាំ និងទី២ ឈ្មោះ ឈុន ថាមឌី អាយុ ៤៤ឆ្នាំ អ្នកទាំងពីគឺជាព្រះសង្ឃគង់នៅវត្តមួយដែលមាន ឈ្មោះល្បី ក្នុង ស្រុកសាត់តាហីប រួមទាំងវត្ថុតាងមាន ឧបករណ៍សេពគ្រឿងញៀនចំនួនច្រើន ។
លោក វ៉ាត់ បានបញ្ជាក់ថា មុនពេលចាប់ព្រះសង្ឃ២អង្គនេះបាន គឺសមត្ថកិច្ចបាន ឃាត់ខ្លួនជនល្មើសចែកចាយគ្រឿងញៀន ចំនួន២នាក់ ក្នុងនោះដែរនៅពេលដែលសមត្ថកិច្ច កំពុងតែបើការសួរចម្លើយជនល្មើស ស្រាប់តែមាន ព្រះសង្ឃសិរិឆ័យ បានទូរស័ព្ទចូលមក ដើម្បីឲ្យ ជនល្មើសអ្នកចែកចាយគ្រឿងញៀន យកថ្នាំញៀន ប្រភេទយ៉ាបា ឬ ថ្នាំឆ្កួត ចំនួន៦គ្រាប់ ក្នុងតំលៃ
១៨០០បាត ទើបសមត្ថកិច្ចរៀបចំ ឆាកល្ខោនដើម្បីចាប់ព្រះសង្ឃទាំង២អង្គនេះ ខណៈពេលកំពុងតែ សេពគ្រឿងញៀន និងអង្គុយមើលរឿងស៊ិច ទើបសមត្ថកិច្ចសំរុកចូលទៅ ចាប់ភ្លាមៗ ក្រោយមកទើបសឹក ដើម្បីបញ្ជូនទៅតុលាការ ។ 
