ប្រធានាធិបតីអាមេរិកលោកបារ៉ាក់ អូបាម៉ា នៅថ្ងៃទី១៤ ខែមិថុនា បាន ថ្លែងថា លោកពិនិត្យមើលជម្រើសមួយ ដើម្បីជួយដល់ប្រទេសអ៊ីរ៉ាក់ប្រយុទ្ធ ប្រឆាំងពួកសកម្មប្រយុទ្ធសាន់នី នៅ ពេលដែលមេដឹកនាំសាសនាក្នុងប្រទេស អ៊ីរ៉ាក់អំពាវនាវឱ្យពលរដ្ឋកាន់អាវុធទប់ ទល់ជាមួយពួកភេរវករដើម្បីការពារ ប្រទេសដោយខ្លួនឯង។ នៅឯទីក្រុងវ៉ាស៊ីនតោន កាលពីថ្ងៃ សុក្រលោកអូបាម៉ា បានថ្លែងថា «យើង មិនបញ្ជូនកម្លាំងទាហានឱ្យវិលត្រឡប់ ទៅកាន់ប្រទេសអ៊ីរ៉ាក់សាជាថ្មីម្ដងទៀត ទេ ប៉ុន្ដែខ្ញុំបានស្នើដល់ក្រុមការងារសន្ដិ សុខជាតិរបស់យើងឱ្យត្រៀមលក្ខណៈ ជ្រើសរើសនូវជម្រើសផ្សេងក្រៅពីនេះ ដើម្បីជួយដល់កម្លាំងសន្ដិសុខអ៊ីរ៉ាក់»។
មេដឹកនាំសាសនានិកាយស៊ីអីដ លោក Ayatollah Ali al-Sistani បាន អំពាវនាវឱ្យពលរដ្ឋអ៊ីរ៉ាក់ការពារប្រទេសរបស់ខ្លួនទប់ទល់ជាមួយពួកជីហាដ អ៊ីស្លាមអ៊ីរ៉ាក់ និងក្រុមISIL ដែលកំពុង តែវាយប្រហារពង្រីកទីតាំងគ្រប់គ្រង របស់ខ្លួននោះ។ នាយករដ្ឋមន្ដ្រីអ៊ីរ៉ាក់ លោក Nuri al-Maliki បានប្រកាសថា កម្លាំងសន្ដិសុខចាប់ផ្ដើមការងារបោសសម្អាតពួកភេរវកម្មឱ្យអស់ចេញពីទី ក្រុងដែលជាទីស្រឡាញ់ទាំងនោះ។ ក្រុមភេរវកម្មISIL បានចូលកាន់ កាប់ទីក្រុងMosulរបស់អ៊ីរ៉ាក់កាលពី ថ្ងៃពុធ នៅក្នុងការប្រយុទ្ធគ្នាដ៏ស្វិតស្វាញ មួយកម្លាំងសន្ដិសុខរដ្ឋាភិបាលអ៊ីរ៉ាក់។ ក្រុមនេះបានប្ដេជ្ញាវាយប្រហារដណ្ដើម គ្រប់គ្រងទីតាំងផ្សេងទៀតឆ្ពោះទៅកាន់ ភាគខាងត្បូងទីក្រុងបាដាដ។ ថ្លែងនៅឯសេតវិមាន លោកអូបាម៉ា បញ្ជាក់ថា «អាមេរិកមិនពាក់ព័ន្ធក្នុង សកម្មភាពយោធានៅអ៊ីរ៉ាក់ទៀតទេ ខណៈដែលប្រទេសនេះត្រៀមលក្ខណៈរួប រួមគ្នាវាយប្រហារពួកភេរវកម្មដោយ ខ្លួនគេផ្ទាល់នោះ»។
លោកបន្ដថា «យើង មិនអាចវិលត្រឡប់ទៅរកស្ថានការណ៍ ដូចមុនទៀតទេ។ យើងបានបូជាយ៉ាង ច្រើនលើសលប់នៅពេលដែលយើងវត្ដ មាននៅទីនោះ ហើយភ្លាមៗបន្ទាប់ មកនោះស្រាប់តែអ៊ីរ៉ាក់បញ្ឈប់សកម្ម ភាពដើម្បីការពារស្ថិរភាពក្នុងប្រទេស របស់ពួកគេឱ្យបានយូរអង្វែងទៅវិញ»។ ទីក្រុងវ៉ាស៊ីនតោនបានចំណាយប្រាក់ រាប់ពាន់លានដុល្លារហ្វឹកហ្វឺន និងបំពាក់ បរិក្ខាដល់កម្លាំងសន្ដិសុខអ៊ីរ៉ាក់នៅមុន ពេលដកទាហានកាលពីឆ្នាំ២០១១។ ទាហានអាមេរិកខ្ទង់៤៥០០នាក់បាន បាត់បង់ជីវិតក្នុងសង្គ្រាមនៅអ៊ីរ៉ាក់។
ពាក់ព័ន្ធជាមួយបញ្ហានេះដែរ មេដឹក នាំសាសនានៃក្រុមស៊ីអ៊ីដក្នុងប្រទេស អ៊ីរ៉ាក់ដែលកម្របង្ហាញវត្ដមាននៅតាម ទីសាធារណៈនោះបានអំពាវនាវឱ្យ់ពលរដ្ឋអ៊ីរ៉ាក់ទាំងមូលក្រោកឈរឡើងកាន់ អាវុធ ប្រឆាំងពួកភេរវកម្មដើម្បីការ ពារប្រទេសរបស់ខ្លួន
