មន្ដ្រីប្រទេសថៃ និងកម្ពុជាកាលពី ថ្ងៃទី១៧ ខែមិថុនា ឆ្នាំ២០១៤ បានរួមគ្នា ច្រានចោលពាក្យចចាមអារ៉ាមដែលថា អាជ្ញាធររដ្ឋាភិបាលយោធាថៃបានបាញ់ ប្រហារ ឬចាត់វិធានការបង្ក្រាបទៅលើ ពលករខុសច្បាប់ចំណាកស្រុកពីប្រទេស កម្ពុជា ខណៈដែលបច្ចុប្បន្ននេះពលករ ១៨៥.០០០នាក់ហើយដែលវិលត្រឡប់ ទៅកាន់ស្រុកកំណើត។
បាតុករចំណាកស្រុកដែលហូរចូល ប្រទេសថៃដើម្បីបម្រើការងារពលកម្ម នៅតាមឧស្សាហកម្មភាគច្រើនខ្វះ លក្ខណៈផ្លូវច្បាប់នោះបានបន្ដឆ្លងដែន ចាកចេញពីប្រទេសនេះយ៉ាងគំហុក ក្រោយពីរបបយោធាថៃប្រកាសកាលពី សបា្ដហ៍កន្លងថា ពលករបរទេសខុស ច្បាប់ទាំងអស់ក្នុងប្រទេសថៃប្រឈម មុខការចាប់ឃាត់ខ្លួន និងការបណ្ដេញ ចេញ។
ប៉ុន្ដែនៅក្រោយមកបន្ដិច រដ្ឋាភិបាលយោធាថៃអះអាងថា ខ្លួន មិនបានបង្ក្រាបទៅលើពលករចំណាក ស្រុកនោះឡើយ ហើយពាក្យចចាម អារ៉ាមទាំងនោះទំនងមានការប្រឌិត ឡើងតែប៉ុណ្ណោះ។ ឯកអគ្គរាជទូតកម្ពុជាប្រចាំនៅ ប្រទេសថៃ លោកស្រី អ៊ិត សុភា បាន អះអាងកាលពីថ្ងៃអង្គារថា «យើងត្រូវ ធ្វើការឱ្យបានជិតស្និទ្ធថែមទៀតដើម្បីកុំឱ្យមានការភ័យខ្លាចដល់ពលករចំណាក ស្រុករបស់យើងដែលកំពុងនៅក្នុង ប្រទេសថៃ»។
លោកស្រីបន្ដថា វាគ្មាន គោលនយោបាយនោះទេសម្រាប់រដ្ឋ បាលថៃដែលចាត់វិធានការបង្ក្រាបទៅ លើពលករចំណាកស្រុកដោយគ្រាន់តែ ខ្វះលក្ខណៈផ្លូវច្បាប់នោះ ។ ក្រោយជំនួបពិភាក្សាជាមួយលេខាធិ ការអចិន្ដ្រៃយ៍ក្រសួងការបរទេសថៃ Sihasak Phuangketkeow នោះ លោក ស្រីអ៊ិត សុភា បានច្រានចោលពាក្យ ចចាមអារ៉ាមស្ដីអំពីការបាញ់ប្រហារ ទៅលើពលករខុសច្បាប់កម្ពុជាពី សំណាក់អាជ្ញាធរថៃ ដែលបាន
បង្ខិតបង្ខំ ពលករឱ្យចាកចេញពីប្រទេសថៃនោះ។ លោកស្រីសុភាបញ្ជាក់ថា «សេចក្ដីរាយ ការណ៍អំពីការបាញ់ប្រហារ សេចក្ដីរាយ ការណ៍ស្ដីអំពីការរំលោភបំពានផ្សេងៗ ទៀតនោះគ្រាន់តែជាពាក្យចចាមអារ៉ាម ប៉ុណ្ណោះ វាមិនអាចយកជាការពិតបាន ឡើយ។ យើងបានសម្រេចធ្វើការរួមគ្នា ដើម្បីបកស្រាយបញ្ហាទាំងនេះ ។ យើង បានយល់ព្រមបង្កើតប្រព័ន្ធទំនាក់ទំនង មួយដើម្បីទាក់ទង និងជួយដល់ពលករ ដែលមានបំណងចង់វិលត្រឡប់ទៅកាន់ ប្រទេសកម្ពុជាវិញ»
