នៅទីបញ្ជាការដ្ឋានអង្គរក្សប្រចាំជួរមុខទិសទី១ ប្រាសាទព្រះវិហារ មានរៀបចំពិធីផ្សព្វផ្សាយ ការងារអប់រំចិត្តសាស្ត្រ ស្ដីពីសភាពការណ៍ និងសន្តិសុខសណ្ដាប់ធ្នាប់ទូទៅ ជូនចំពោះនាយទាហាន ពលទាហាន ក្រោមអធិបតីភាព ឯកឧត្តម នាយឧត្តមសេនីយ៍ នាង ផាត
អនុរដ្ឋលេខាធិការក្រសួងការពារជាតិ អមដំណើរដោយ ឯកឧត្តម នាយឧត្តមសេនីយ៍មាស សារ៉ន អគ្គនាយក នៃអគ្គនាយក ដ្ឋានឃោសនាសេវា ព្រមទាំងមានការចូលរួមទទួលស្វាគមន៍ពីសំណាក់ ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការកងពលធំអន្តរាគមន៍លេខ៣ និងឯកឧត្តមមេបញ្ជាការ មេបញ្ជាការរង នាយ ទាហាន ពលទាហាន ជាច្រើនរួបទៀតចូលរួម ។
ជួសមុខ ឯកឧត្តម នាយឧត្តមសេនីយ៍គតិបណ្ឌិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ ឯកឧត្តម ឧត្តមសេនីយ៍ឯក យង់ សារិទ្ធ មេបញ្ជាការ នៃបញ្ជាការដ្ឋានអង្គរក្សប្រចាំ ទិសប្រាសាទព្រះវិហារ បានឡើងរាយការណ៍សង្ខេបជូនដល់គណអធិបតី អំពីសកម្មភាពការងាររបស់ បញ្ជាការរដ្ឋាន ក្នុងការសំរេចភារៈកិច្ចសំខាន់ៗជាច្រើន តាមបទបញ្ជារបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្រសួងការពារជាតិ អគ្គមេបញ្ជាការ នៃ កងយោធពលខេមរភូមិន្ទ រួមជាមួយសភាពការណ៍មួយចំនួន ដែលពាក់ព័ន្ធទៅនឹងសន្តិសុខ សណ្តាប់ ធ្នាប់នៅតាមខ្សែរបន្ទាត់ព្រំដែនទិសទី១ប្រាសាទព្រះវិហារ ដោយស្ថានភាព សន្តិសុខសណ្តាប់ធ្នាប់ នៅតាមខ្សែរបន្ទាត់ព្រំដែនមានការល្អប្រសើរ មានកិច្ចសហការបានល្អរវាងកងកម្លាំងទាំងពីរ ដែលជា ឱកាសមួយអំណោយផលដល់ប្រជាកសិករ ក្នុងការប្រកបមុខរបរចិញ្ចឹមជីវិត ធ្វើស្រែចំការ និងបាន ផ្តល់នូវពេលវេលាដល់កងកម្លាំងយើង បានបំពេញការងារចាំបាច់ជាថ្មី ដូចជា បើកវគ្គហ្វឹកហ្វើនមុខជំនាញផ្សេងៗ ដើម្បីលើកកំពស់សមត្ថភាព យល់ដឹងអោយកាន់តែល្អប្រសើរ ។ អនុវត្តបទបញ្ជារបស់ ឯកឧត្តម នាយឧត្តមសេនីយ៍គតិបណ្ឌិត ហ៊ីង ប៊ុនហៀង អគ្គមេបញ្ជាការងនៃកងយោធពលខេមរភូមិន្ទ បញ្ជាការដ្ឋានបានបើកវគ្គរៀនសូត្រមុខជំនាញជាបន្តបន្ទាប់ រួមមានមុខជំនាញរថគ្រោះ រថពាសដែក មុខជំនាញប្រើប្រាស់អាវុធ BM14 កាំជ្រួចប្រតិកម្មបាញ់យន្តហោះ FN 6 ឋានលេខា និងយុទ្ធវិធីការពារទីតាំង ។
មានប្រសាសន៍សំណេះសំណាលនាឱកាសនោះ ឯកឧត្តម នាយឧត្តមសេនីយ៍ នាង ផាត អនុ រដ្ឋលេខាធិការក្រសួងការពារជាតិ បានកោតសរសើរអំពីស្នាដៃ និងសកម្មភាពដែលកម្លាំងបញ្ជាការដ្ឋាន សម្រេចបានកន្លងមក ទាំងការហ្វឹកហ្វឺនរៀនសូត្រ ក្នុងការបង្កើនបន្ថែមនូវចំណេះដឹង ទាំងការចុះជួយប្រជាពលរដ្ឋ ទាំងការបង្កបង្កើនផល និងការថែទាំសុខភាព ក៍ដូចជាស្នាដៃរបស់កងយោពលខេមរភូមិន្ទ ដោយបានអនុវត្តន៍គោរពតាមការដឹកនាំរបស់ ឯកឧត្តម មេបញ្ជាការ ក៍ដូចជាប្រមុខរាជរដ្ឋាភិបាល ។ ឯកឧត្តមក៍មានប្រសាសន៍បន្តថា ចំពោះការធ្វើរដ្ឋប្រហារបស់ថៃ នៅថ្ងៃទី២២ ខែមុននេះ បានធ្វើឱ្យមានការប៉ះពាល់ដល់បណ្តាប្រទេសជិតខាងនៅក្នុងតំបន់ ពិសេសគឺមានការប៉ះពាល់ចំពោះ កម្ពុជា មាន ៣ចំនុច, ទី១ ការរឹតបន្តឹង និងបិតច្រកតាមបន្ទាត់ព្រំដែន ដូច្នេះពេលមានការបិទច្រក របៀង និងច្រកអន្តរជាតិ គឺមានភាពតានតឹងបំផុត ពេលចេញចូលមានការកំណត់ម៉ោង និងត្រួវពិនិត្យ ឆែកឆេរយ៉ាងតឹងរឹងបំផុត, ទី២ បញ្ហាចាប់បញ្ជូនពលករចំណាកស្រុកអោយត្រឡប់មកវិញជាង២សែន នាក់គិតពីថ្ងៃមុន, ទី៣ ទំនាក់ទំនងបញ្ហារស់នៅ អាជីកម្មរបស់ប្រជាពលរដ្ឋមានការពិបាក ។ ដោយ អនុវត្តន៍យុទ្ធសាស្ត្រចតុកោនតំណាក់កាលទី៣ របស់រាជរដ្ឋាភិបាល ដូចនេះ កងកម្លាំងត្រូវបង្កើនការ យកចិត្តទុកដាក់ ខិតខំលើកកំពស់ស្មារតីរៀនសូត្រអប់រំចិត្តសាស្ត្រ ហ្វឹកហ្វឺនលើគ្រប់ជំនាញ ដើម្បី បង្កើនចំណេះដឹងថែមទៀត ខិតខំបង្កបង្កើនផល ចុះជួយប្រជាពលរដ្ឋ ពិសេស គឺការថែទាំសុខភាព ៕