ខេត្តក្រចេះ៖ យ៉ាងហោចណាសមានទូកម៉ាស៊ីនតូចធំចំនួន៧គ្រឿង រួមនិងឧប្ប ករណ៏នេសាទខុសច្បាប់មួយចំនួនធំទៀត គឺត្រូវកម្លាំងសមត្ថកិច្ចចាប់បង្ក្រាបបាននៅ កណ្តាល ដងទន្លេរ មេគង្គក្នុងស្រុកព្រែកប្រសព្វ កាលពីវេលាទាបភ្លឺថ្ងៃទី២៥ មិថុនា។ មន្ត្រីខណ្ឌរដ្ឋបាលជលផលខេត្តបានឲ្យដឹងថា កម្លាំងជំនាញខណ្ឌរដ្ឋបាលជលផល
ដឹកនាំដោយលោកម៉ុក ពន្លក នាយរងខណ្ឌសហការជាមួយ នគរបាលប្រឆាំងបទល្មើស សេដ្ឋកិច្ចខេត្ត បានឆ្មក់ចុះបង្ក្រាបបទល្មើសនេសាទពីរចំនុច ផ្សេងគ្នាក្នុងស្រុកព្រែក ប្រសព្វ ខេត្តក្រចេះ ។ ឧប្បករណ៏នេសាទទាំងនេះសុទ្ឋតែជាឧប្បករណ៏នេសាទខុសច្បាប់ដែល អាជ្ញាធរបាន ហាមឃាត់ការធ្វើនេសាទនូវរដូវត្រីពងកូន រឺហៅថា យាំងការអូសខ្ចៅ ។
មន្ត្រីខណ្ឌរដ្ឋបាលជលផល បានឲ្យដឹងថា ជាមួយនិងសកម្មភាពនេះ គឺសមត្ថកិច្ច បានចាប់រឹបអូសបានទូកម៉ា ស៊ីនអូសខ្ចៅ និងទូកម៉ាស៊ីនដឹកអួនប្រយុង បានចំនួន៧គ្រឿង សាច់អួនប្រយុងបានចំនួន ១វង់ជាង៧០មែត្រ របាំងស្បៃមុង ប្រវែងជាង១៥០មែត្រ លូស្បៃមុង៥គ្រឿង បង្គោលឬស្សី ជាង៧០ដើម។ នាយខណ្ឌរដ្ឋបាលជលផលខេត្ត លោក សៀន គិន បានឲ្យដឹងថា អនុវត្តលើច្បាប់ ស្តីពីជលផល និងដើម្បីរឹតបន្តឹងការធ្វើនេសាទខុសច្បាប់នារដូវបិទនេសាទ ដែលនិងត្រូវ អនុវត្តទៅតាំងពីដើមខែមមិថុនា នេះ គឺកម្លាំងនៃខណ្ឌរដ្ឋបាលជលផល សហការជាមួយ និងកម្លាំងប្រដាប់អាវុធមួយចំនួនក្នុងខេត្តបាន ចែកជាពីរក្រុមដើម្បីធ្វើយុទ្ឋនាការលើការ ចុះទប់ស្កាត់បទល្មើសនេសាទនៅទូទាំងខេត្ត។
លោកនាយខណ្ឌបានបញ្ជាក់ថា សកម្មភាពការធ្វើនេសាទដោយខុសច្បាប់ដោយ ប្រើឧប្បករណ៏នេសាទខាងលើ រឺក៏ហៅថា យាំងកាវអូសខ្ចៅនេះ គឺវាបានធ្វើឲ្យប៉ះពាល់ ធ្ងន់ធ្ងរ លើជីវចំរុះក្នុងទឹក ដែលជាចំណីសម្រាប់ត្រីពងកូន ។ លោកថា បទល្មើសនេះ ជាបទល្មើសថ្នាក់មជ្ឃឹមគឺមិនមានការចាប់ឃាត់ខ្លួនមនុស្សនោះទេ ដោយគ្រាន់តែធ្វើការ ពិន័យអន្តរកាលតាមមាត្រាទី៩៤ ចំនុចទី២ នៃច្បាប់ស្តីពីជលផល៕