ប្រភព camsports ភ្នំពេញ៖ ខ្សែប្រយុទ្ធជួរមុខទាំង៣នៃក្រុមជម្រើសជាតិកម្ពុជា ចាន់ វឌ្ឍនាកា, ប្រាក់ មុន្នីឧត្តម និង កែវ សុខផេង ទំនងជាចាប់ដៃគ្នានៅតំបន់ប្រយុទ្ធសម្រាប់ក្រុមបាល់ទាត់ជម្រើសជាតិកម្ពុជា ជាលើកដំបូងក្រោមការដឹកនាំរបស់គ្រូបង្វឹកថ្មី លោក Félix Dalmás និងអ្នកចាត់ការថ្មី Keisuke Honda។ ចាំបានថា ខ្សែប្រយុទ្ធទាំង៣រូប ដែលជាទីចំណាប់អារម្មណ៍របស់អ្នកគាំទ្រ ពុំដែលត្រូវបានគ្រូបង្វឹក លោក Felix Gonzalez Dalmas និងអ្នកចាត់ការទូទៅ Honda ដាក់អោយចូលលេងជាជម្រើស១១នាក់ដំបូងរួមគ្នាឡើយចាប់តាំងពីលោកទាំង២ចូលមកដឹកនាំក្រុមជម្រើសជាតិ កាលពីខែសីហាមក ជាមួយនឹងការប្រកួតចំនួន៥ប្រកួតរួចមក ទាំងពានរង្វាន់ផ្លូវការ និងការប្រកួតមិត្តភាពអន្តរជាតិ នេះបើយោងតាមប្រភពមួយបានបង្ហើប។
ប្រកួតចុងក្រោយដែល ចាន់ វឌ្ឍនាកា, ប្រាក់ មុន្នីឧត្តម និង កែវ សុខផេង ចាប់ដៃគ្នានៅតំបន់ប្រយុទ្ធគឺស្ថិតនៅក្រោមការដឹកនាំរបស់ លោក ប្រាក់ សុវណ្ណារ៉ា ពោលគឺនៅក្នុងការប្រកួតទល់នឹងជម្រើសជាតិអាហ្វហ្គានីស្ថាន ក្នុងពានរង្វាន់ជម្រុះជើងឯកទ្វីបអាស៊ី AFC Asian Cup 2019 នៅលើទឹកដីកណ្ដាលប្រទេសតាជីគីស្ថាន កាលពីថ្ងៃទី២៧ ខែមិនា ឆ្នាំ២០១៨។សម្រាប់ជម្រើស១១នាក់ដំបូងដែលជាការព្យាករណ៍របស់ក្រុមការងារ Camsports៖
អ្នកចាំទីៈ អ៊ុំ វិចិត្រ
ខ្សែការពារៈ សារ៉េត គ្រីយ៉ា, ហុង ផេង, សឿយ វិសាល និង សេត រ៉ស៊ីប
ខ្សែបម្រើៈ អ៊ន ចាន់ប៉ូលីន, សុះ សូហាណា និង គួច សុកុម្ភៈ
ខ្សែប្រយុទ្ធៈ ប្រាក់ មុន្នីឧត្តម, ចាន់ វឌ្ឍនាកា និង កែវ សុខផេង
សូមបញ្ជាក់ថា ការប្រកួតរវាងក្រុមជម្រើសជាតិកម្ពុជា ជាមួយ ក្រុមជម្រើសជាតិឡាវ នឹងធ្វើឡើងនៅវេលាម៉ោង ៦:៣០ នាទីល្ងាច លើទីលានពហុកីឡដ្ឋានជាតិ៕
អត្ថបទ៖ ណារ៉ុង