ក្វាងទុង៖សម្រាប់ក្រុមអ្នកអផ្សុក អ្នកច្នៃប្រឌិតបង្កើតថ្មីតែងតែរិះរកវិធី មធ្យោបាយធ្វើយ៉ាងណាដើម្បីសប្បាយរីករាយ ឬក្នុក្នុងគោលបំណងអ្វីមួយ។ជាក់ស្តែងអ្នកលេងម៉ាចុងមកពីក្វាងទុង បាននាំគ្នារៀបចំការលេងល្បែងប្លែកកន្លែងមួយនៅក្នុងទឹកតែម្តង ដោយមានអ្នកចូលរួមលេង និងប្រកួតជាស្រីក៏មានដែរ។ នេះបើតាមវេបសាយបរទេសចិន ឆាយណាដេលីផ្សាយកាលពីថ្ងៃទី២៦ មិថុនា ឆ្នាំ២០១៤កន្លងទៅនេះ។
តាមប្រភពនេះ ពួកគេបានមកពីក្រុងហ្វូស្ហាន ខេត្តក្វាងទុង ប្រទេសចិនបានណាត់គ្នាមកប្រកួតក្នុងកន្លែងអាងហែលទឹកមួយកាលពីថ្ងៃទី២៤ ខែមិថុនា ឆ្នាំ២០១៤ ។ ពួកគេរាប់រយនាក់ដែលចូលរួមក្នុងព្រឹត្តិការណ៍នេះ ត្រូវស្លៀកពាក់សម្លៀកបំពាក់ហែលទឹក មានពណ៌ទាក់ទាញ និងអាចធន់នឹងអាកាសធាតុក្នុងអាងហែលទឹកនេះដើម្បីក្លាយជាអ្នកខ្លាំង។
ខេត្តក្វាងទុងបានរកឃើញវិធីដ៏ល្អឥតខ្ចោះដើម្បីរក្សាភាពធន់នឹងភាពត្រជាក់របស់ពួកគេដោយការផ្លាស់ប្តូរការប្រកួតរបស់ពួកគេទៅអាងហែលទឹក និងដើម្បីភាពសប្បាយរីករាយផងដែរ ។ សូមទស្សនារូបភាព និងសកម្មភាពរបស់ពួកគេដូចខាងក្រោមនេះ៕ 
