ភ្នំពេញ៖ នៅថ្ងៃទី១៨ ខែមករា ឆ្នាំ២០១៩ ឯ,ឧ បណ្ឌិត ចាប សុថារិទ្ធ រដ្ឋលេខាធិការ នឹងត្រូវធ្វើជាតំណាងលោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក្នុងពិធីប្រកាសចូលតែងតាំងប្រធានមន្ទីរថ្មីនៅខេត្តបាត់បង។ នេះបើតាមការឲ្យដឹងពីឯ,ឧ ណុប ចាន់ណារិន្ទ អនុរដ្ឋលេខាធិការ និងជាអ្នកនាំពាក្យក្រសួងទំនាក់ទំនងជាមួយរដ្ឋសភា-ព្រឹទ្ធសភានិងអធិការកិច្ច នារសៀលថ្ងៃទី១៦ ខែមករា នេះ ។
អ្នកនាំពាក្យរូបនេះ បានឲ្យដឹងថា៖ លោក ប៊ុត ម៉ក់ ត្រូវបានតែងតាំងធ្វើជាប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ខេត្តបាត់ដំបង ជំនួសលោក អៀ វ៉ាន់នី ដែលត្រូវចូលនិវត្តន៍ ។
សូមបញ្ជាក់ថា៖ លោក ប៊ុត ម៉ក់ ធ្លាប់មានបទពិសោធន៍ និងសមត្ថភាព បំពេញការងារនៅខេត្តសៀមរាប ក្នុងឋានៈជាប្រធានការិយាល័យ អធិការកិច្ច បន្ទាប់មកត្រូវបានតំលើងឋានៈជាអនុប្រធាននាយកដ្ឋានរដ្ឋបាល ចំណុះឲ្យអគ្គនាយករដ្ឋបាល ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ។
ឯ,ឧ ណុប ចាន់ណារិន្ទ បានបញ្ជាក់ថា៖ការដាក់មន្ត្រីដើម្បីបន្តដឹកនាំមន្ទីរ នៅខេត្តបាត់ដំបងនាពេលនេះ គឺត្រូវបានយកចិត្តទុកដាក់ និងវាយតំលៃពីថ្នាក់ដឹកនាំក្រសួង ពិសេសពីលោកជំទាវកិតិ្តសង្ហបណ្ឌិត ម៉ែន សំអន លើការពិនិត្យលក្ខណៈសម្បត្តិ និងសមត្ថភាពពេញលេញ ដើម្បីបំពេញបេសកម្មការងារជាមួយអាជ្ញាធរខេត្តគ្រប់លំដាប់ថ្នាក់ និងបំរើប្រជាជនដោយស្មោះត្រង់ ទទួលភារកិច្ច ដឹកនាំ គ្រប់គ្រង សម្របសម្រួល លើគ្រប់វិស័យ ស្របតាមបេសកកម្មចំបងរបស់ក្រសួង គឺតាមដានការអនុវត្តច្បាប់ ទប់ស្កាត់អំពើពុករលួយ ភាពអយុត្តិធម៌ក្នុងសង្គម និងការរំលោភបំពានដោយប្រើអំណាច ដើម្បីបំរើប្រយោជន៍បុគ្គល និងបក្សពួក គ្រួសារ និងការពារសិទ្ធរបស់ពលរដ្ឋ ពោលគឺពង្រឹងអភិបាលកិច្ចល្អ ដែលជាស្នូល នៃយុទ្ធសាស្ត្រចតុកោណ ដើម្បីកំណើន ការងារ សមធម៌ និងប្រសិទ្ធភាព របស់រាជរដ្ឋាភិបាលដែលមានសម្តេចតេជោ ហ៊ុន សែន ជាប្រមុខ៕