រាជធានីភ្នំពេញ: បានមានប្រសាសន៍ នៅក្នុងឱកាសបិទ សិក្ខាសាលាកាយឫទ្ធិតំបន់អាស៊ីប៉ាស៊ីហ្វិក ស្ដីពីការគាំទ្ររបស់មនុស្សពេញវ័យ កាលពីល្ងាចថ្ងៃទី២៧ខែមិថុនា នៅវិមានសន្ដិភាពទីស្ដីការគណៈរដ្ឋមន្ដ្រីថា ក្រុមមនុស្សពេញវ័យត្រូវចូលរួមជួយ ដល់ក្រុមកាយឫទ្ធិ ដែលជា
មនុស្សជំនាន់ ក្រោយ ដើម្បីបំពេញការងារក្នុងសង្គម ឱ្យកាន់តែបានល្អប្រសើរឡើង។ ឯឧ.ឧបនាយករដ្ឋមន្ដ្រី បាន មានប្រសាសន៍ថា៖ “យុវជនបានដើរ តួនាទីមិនអាចខ្វះ។ អាចនិយាយបានថា មិនមានយុវជនមិនមានចលនាកាយឫទ្ធិ”។ កាយឫទ្ធិ គឺជាចលនាមួយ សម្រាប់មនុស្សវ័យក្មេងដែលត្រូវបាន គ្រប់គ្រងដឹកនាំ និងគាំទ្រដោយមនុស្ស ពេញវ័យ និងមេដឹកនាំមួយ។ ចលនា កាយឫទ្ធិ មិនអាចរីកចម្រើនយ៉ាងខ្លាំង ដោយគ្មាន
ការរួមចំណែក និងការគាំទ្រពីមនុស្សពេញវ័យទាំងខាងស្មារតី និងបញ្ញាបានទេ។ ឯឧ.បន្ដថា ខ្ញុំគិតថា វាជាការ សំខាន់ណាស់ដែលថា ការលើកកម្ពស់ នៃចលនាកាយឫទ្ធិត្រូវបានភ្ជាប់ជាមួយ នឹងការសិក្សាហ្មត់ចត់សមរម្យ និងការ អភិវឌ្ឍន៍បន្ដទៀតនៃគុណភាព ភាពជាអ្នកដឹកនាំ។ ទោះជាយ៉ាងណាការលើក កម្ពស់ចលនាកាយឫទ្ធិមិនត្រឹមតែត្រូវ ការគុណភាពភាពជាអ្នកដឹកនាំនោះទេប៉ុន្ដែ ក៏ជាការបំផុសគំនិតមនុស្សពេញវ័យ និង ការលើកទឹកចិត្ដមនុស្សពេញវ័យឱ្យចូលរួមជួយដល់យុវជនវ័យក្មេងផងដែរ។ សូមបញ្ជាក់ថា សិក្ខាសាលាថ្នាក់តំបន់នេះបាន ធ្វើឡើងនៅរាជធានីភ្នំពេញ ដោយមាន សមាគមកាយឫទ្ធិនៃប្រទេសចំនួន១០ បានចូលរួមក្នុងនោះមានបង់ក្លាដែស, ព្រុយណេ, សិង្ហបុរី,
ហុងកុង, កូរ៉េ, ម៉ាឡេស៊ី ,ហ្វីលីពីន ,អូស្ដ្រាលី, ម៉ាល់ឌីវ និងកម្ពុជា ។ សិក្ខាសាលាប្រព្រឹត្ដទៅ រយៈពេល៤ថ្ងៃពីថ្ងៃទី២៤ដល់ថ្ងៃទី២៧ ខែមិថុនា ដោយបានពិភាក្សាផ្ដោតទៅ សមត្ថភាពរបស់មនុស្សពេញវ័យប្រកប ដោយភាពឯករាជ្យលើការរៀបចំ សកម្មភាពនៃកម្មវិធីយុវជន និងបណ្ដុះ បណ្ដាល ។ ជាមួយនឹងការកត់សម្គាល់ និងថ្លែងអំណរគុណដល់ប្រតិភូ និងក្រុមកាយឬទ្ធិមកពីបណ្តាប្រទេសនានា រួមទាំងប្រទេសកម្ពុជាជាម្ចាស់ផ្ទះផងនោះ ឯឧ.ឧបនាយរដ្ឋមន្ដ្រី មាន ប្រសាសន៍ទៅកាន់សមាជិកកាយឫទ្ធិនៃ បណ្ដាប្រទេសនៅតំបន់អាស៊ីប៉ាស៊ីហ្វិក ថា ប្រទេស
កម្ពុជា គឺជាទីតាំងដ៏ល្អមួយ សម្រាប់ការរៀបចំបោះជំរំនៃចលនា កាយឫទ្ធិក្នុងតំបន់ និងពិភពលោក ព្រោះកម្ពុជាមានប្រាសាទអង្គរវត្ដដែល ជាបេតិកភណ្ឌពិភពលោកដ៏ល្អឯក និង ប្រាសាទបុរាណជាច្រើន សម្រាប់ឱ្យការ បោះជំរំ ដើម្បីចែករំលែកបទពិសោធន៍ ឱ្យគ្នាទៅវិញទៅមក។ គួររំឭកថា នេះជាសិក្ខាសាលាកាយឫទ្ធិតំបន់លើកទី៦ហើយដែលកម្ពុជា ធ្វើជាម្ចាស់ផ្ទះ។ កាយឫទ្ធិជាតិកម្ពុជា ត្រូវបានបង្កើតឡើងនៅឆ្នាំ ១៩៥៦ និងបានចូលជាសមាជិកកាយឫទ្ធិពិភពលោក នៅឆ្នាំ២០០០ដែលមាន ឯឧ.ឧបនាយករដ្ឋមន្ដ្រីសុខ អានធ្វើជាប្រធានក្រុមកាយឫទ្ធិជាតិកម្ពុជា៕