ព្រះវិហារ៖ កាលពីព្រឹកថ្ងៃទី០៥ ខែកក្កដា ឆ្នាំ២០១៤ឯកឧត្តម ឧត្តមសេនីយ៍ កង សៅគុណ មេបញ្ជាការកងរាជអាវុធហត្ថខេត្តព្រះវិហារអមដំណើរដោយលោកអនុសេនីយ៍ឯក ចាន់ សុភិណ្ណារា មេបញ្ជាការអាវុធហត្ថក្រុងព្រះវិហារ និងសហការីបាននាំយកអំណោយជាគ្រឿង
ឧបភោគបរិភោគ និងថវិការចំនួនធំយកទៅចែកជូនចាស់ជរាគ្នានទីពឹង និងគ្រួសារទីទ័លក្រនៅភូមិប៉ាលហាល សង្កាត់ប៉ាលហាល ក្រុងព្រះវិហារ ខេត្តព្រះវិហារ ។ គ្រួសារទីមួយឈ្មោះ លោកយាយ សៅ វិញ អាយុ៦៥ឆ្នាំចិញ្ចឹមចៅមានជំងឺស្វិតដៃជើងពីរនាក់ក្នុងបន្ទុកទទួលបានគ្រឿងហូបចុកនឹងសំភារៈប្រើប្រាស់មួយចំនួនធំ និងថវិការចំនួន៤០ម៉ឺនរៀល គ្រួសារទីពីរឈ្មោះ ប៊ុន លី អាយុ ៧២ឆ្នាំប្រពន្ធមានឈ្មោះ ពេជ្រ ស្រីនាង មានកូន ៣នាក់ក្នុងបន្ទុកមុខរបរស៊ីឈ្នូលគេទទួលបានសំភារៈ
និងគ្រឿងហូបចុកមួយចំនួនធំ និងថវិការ៤០ម៉ឺនរៀល ។ គ្រួសារទាំងពីរ មានទីលំនៅក្នុងភូមិឃុំខាងលើ ។ លោកអនុសេនីយ៍ឯក ចាន់ សុភិណ្ណារា បានឲ្យដឹងថាៈ ដោយសារជនទីទ័លក្រគ្នានទីពឹងទាំងពីរគ្រួសារខាងលើមានការពិបាកផ្នែកជីវភាពខ្លាំងពេក លោកបានរាយការណ៍ជូនឯកឧត្តមមេបញ្ជាការ និងសុំការណែនាំ ឯកឧត្តមមេបញ្ជាការក៍បានបញ្ជាឲ្យរៀបចំសំភារៈ និងគ្រឿងហូបចុកមួយចំនួនធំ រួមទាំងថវិការយកទៅចែកជូនភ្លាមៗដល់លំនៅឋាន ។
ឯកឧត្តម ឧត្តមសេនីយ៍ កង សៅគុណ មេបញ្ជាការកងរាជអាវុធហត្ថខេត្តព្រះវិហារមានប្រសាសន៍ថាៈ យោងតាមការណែនាំចង្អុលបង្ហាញពីឯកឧត្តមនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសឲ្យអាវុធហត្ថនៅក្រោមឱវាតក្រៅពីបំពេញភារៈកិច្ចការងារសន្តិសុខសណ្តាប់ធ្នាប់ជូនសង្គមជាតិ នៅមានភារៈកិច្ចជាច្រើនទៀតដែលត្រូវយកចិត្តទុកដាក់បំពេញក្នុងនោះក៍មានផ្នែកមនុស្សធម៍ផងដែរ ។
ឯឯកឧត្តមបានបន្តថាៈ ការចែករំលែករួមសុខរួមទុកជាមួយប្រជាពលរដ្ឋ អង្គភាពអាវុធហត្ថខេត្តតែងតែយកចិត្តទុកដាប់ខ្ពស់បំផុតនៅមានគ្រួសារក្រីក្រជាច្រើនទៀតនៅក្នុងខេត្តព្រះវិហារ និងនៅតាមបណ្តាស្រុកមួយចំនួនបានឧបត្ថម្ភប្រចាំខែមិនទុកឲ្យពួកគាត់ដាច់ពោះស្លាប់ដោយសារគ្មានបាយបរិភោគឡើយ ។ ហើយក៍នៅមានការងារជាច្រើនទៀតដូចជា ការសាងសង់ជំរកស្នាក់នៅជូនជនរងគ្រោះដោយសារគ្រោះធម្មជាតិនឹងរងគ្រោះដោយសាភ្លើងឆេះផ្ទះជាដើម ។