សៀមរាប : នៅវេលាម៉ោង៤ទៀបភ្លឺថ្ងៃទី០៩ខែកក្តដាឆ្នាំ២០១៤នេះលោកវរសេនីយ៍ទោ ភឹង ចិន្តារ៉េត នាយការិយាល័យព្រហ្មទ័ណ្ឌកំរិតស្រាលនៃស្នងការដ្ឋាននគរបាលខេត្តសៀមរាបបានសហការណ៍ជាមួយកម្លាំងអធិការដ្ឋាននគរបាលក្រុងសៀមរាប ។ ក្រោមការបញ្ជាដឹកនាំកម្លាំងពីសំណាក់លោកព្រះរាជអាជ្ញារងសាលាដំបូងខេត្តសៀមរាបចំនួនពីររូបបានចុះប្រតិបត្តិការណ៍ធ្វើការបង្ក្រាបកន្លែងបើកបំរើសេវាអ៊ិន ធើ ណេត ដែលមានយាហោ ឈ្មោះ ផ្សារញ៉ែ ណេត កាហ្វេ ស្ថិតនៅក្នុងភូមិតាភុល សង្កាត់ស្វាយដង្គំ និងមួយទីតាំងទៀតស្ថិតនៅក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ក្នុងពេលតែមួយ ផងដែរ ដោយទីតាំងអ៊ិន ធើ ណេត ខាងលើទាំងពីរបានលួចប្រព្រឹត្តបទល្មើសបើកឲ្យមានការភ្នាល់បាល់បាត់តាមប្រព័ន្ធអ៊ិន ធើ ណេត ដោយខុសច្បាប់ ។
តាមប្រភពពត៌មាន ទីតាំងនេះបានបង្កប់ល្បែងស៊ីសងដុះស្លែរ ជាយូរយាណាស់មកហើយ តែដោយ សារតែមានការត្រូវដង ត្រូវផ្លែរគ្នាជាមួយអាជ្ញាធរ ទើបទីតាំងនេះ បានប្រកបមុខរបរល្បែងស៊ីសង ដោយខុសច្បាប់ដោយរលូន តែពុំត្រូវបានបង្ក្រាបម្តងណាឡើយ ក្នុងនោះដែរក៏ត្រូវបានគេដឹងថា សមត្ថកិច្ចមូលដ្ឋានមានការដឹងលឺផងដែរ ពាក់ព័ន្ឋទៅនឹងការបណ្តែតបណ្តោយឲ្យមានការ បើកបន ល្បែងស៊ីសង ជ្រកក្រោមផ្លាកអ៊ិនធឺនេត តែម្តងនេះប្រហែលជា បែកការទៅដល់លោក សត ណាឌី ទើបបានជា ទប់ស្កាត់នូវអំពើ ឃុបឃិត ពុករលួយទើបបានជា មានការបង្ក្រាប ក្នុងនោះដែរប្រជាពល រដ្ឋបានសម្តែងនូវការរីករាយ អបអរសារទរ ជាខ្លាំង ខណៈពេលដែលបាន ឃើញលោក សត ណាឌី ស្នងការនគរបាលខេត្តសៀមរាបបានបញ្ហាញស្នាដៃ ចុះបង្ក្រាបមមាញឹកដូចភ្លៀងរលឹម ទៅលើបនល្បៃស៊ីសង និងបងស្រីក្នុង ក្រុង សៀមរាប ។ 
ដោយនៅក្នុងកិច្ចចុះប្រតិបត្តិការណ៍ធ្វើការបង្ក្រាបនេះដែរ លោកវរសេនីយ៍ទោ ភឹង ចិន្តារ៉េត នាយការិយាល័យព្រហ្មទ័ណ្ឌកំរិតស្រាលនៃស្នងការដ្ឋាននគរបាលខេត្តសៀមរាបបានឲ្យអ្នកយកព័ត៍មានយើងដឹងថាដោយអនុវត្តតាមការយកចិត្តទុកដាក់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំ មានសុវត្តិភាព ឲ្យកាន់តែមានតម្លាភាពនោះបើទោះបីជាជនខិលខូចបានប្រើគ្រប់រូបភាពបែបណាក៏ដោយក្នុងការប្រព្រឹត្តបទផ្សេងៗក៏មិនអាចរត់គេចពីសមត្ថកិច្ចជំនាញបានឡើយ ។
ជាក់ស្តែងទីតាំងអ៊ិន ធើ ណេត ខាងលើទាំងពីរបានលួចប្រព្រឹត្តបទល្មើសបើកឲ្យមានការភ្នាល់បាល់បាត់តាមប្រព័ន្ធអ៊ិន ធើ ណេត ដោយខុសច្បាប់នេះសមត្ថកិច្ចយើងបានរកឃើញវត្ថុតាងទាំងពីរទីតាំងមនុស្សប្រុសស្រីចំនួន១៧នាក់ដែលកំពុងតែនាំគ្នាលេងភ្នាល់បាល់ទាត់ និង ខ្លះទៀតលេងបៀរ តាមប្រព័ន្ធអ៊ិន ធើ ណេត ផងដែរ ។ 
លោកវរសេនីយ៍ទោ ភឹង ចិន្តារ៉េត បានបន្តឲ្យដឹងទៀតថាបន្ទាប់ពីសមត្ថកិច្ចបានធ្វើការឃាត់ខ្លួននិងប្រមូលបាននូវវត្ថុតាងជាកុំព្យូទ័រ និង ទិន័យសម្រាប់អ្នកភ្នាល់បាល់ទាត់ទាំងពីរទីតាំងរួចមកសមត្ថកិច្ចក៏បាននាំខ្លួននិងវត្ថុតាងព្រមទាំងម្ចាស់ទីតាំងយកមកកាន់ការិយាល័យជំនាញដើម្បីចំណាត់ការទៅតាមនិតិវិធីជាបន្ត ៕ដោយ ខេង ខេមរា
