កីឡាករ Paul Pogba ត្រូវបានជ្រើសរើសជាកីឡាករវ័យក្មេងលេងបានល្អជាងគេបំផុតក្នុង ការប្រកួត World Cup បន្ទាប់ពីរូបគេលេងបានយ៉ាងល្អឲ្យក្រុមមាន់គកបារាំង ។ ខ្សែបម្រើកណ្តាលរបស់ក្លិបសេះបង្កង់ Juventus រូបនេះបានដើរតួនាទីដ៏សំខាន់ក្នុង ក្រុមជម្រើសជាតិបារាំង
ចាប់តាំងពីការប្រកួតក្នុងវគ្គចែកពូលមកម្ល៉េះហើយរូបគេក៏បានក្លាយជាកីឡាករលេងល្អប្រចាំការប្រកួតក្នុងជំនួបដែលបារាំងយកឈ្នះនីហ្សេរីយ៉ា២-០នៅវគ្គ១៦ក្រុមចុងក្រោយ ផងដែរ ។
កីឡាករវ័យ២១ឆ្នាំរូបនេះបានចូលលេងចំនួន៥ប្រកួតឲ្យបារាំងសម្រាប់ tournament នៅរដូវក្តៅនេះហើយរូបគេស៊ុតបញ្ចូលទីបាន១គ្រាប់ក្នុងការប្រកួតជាមួយនីហ្សេរីយ៉ាព្រមទាំង បានបញ្ជូនបាល់ឲ្យដៃគូផងដែរក្នុងការប្រកួតដែលបារាំងយកឈ្នះស្វីស៥-២ ។ គួរបញ្ជាក់ថា Pogba ក៏ធ្លាប់ឈ្នះពានរង្វាន់បាល់មាសផងដែរក្នុងការប្រកួត World Cup យុវជនអាយុក្រោម២០ឆ្នាំដែលធ្វើឡើងនៅប្រទេសទួរគីកាលពីឆ្នាំ ២០១៣ ៕
