Besiktas ខ្សែប្រយុទ្ធក្លិបតោខៀវ Chelsea កីឡាករ Demba Ba ត្រូវបានគេរាយការណ៍ថា បានឈានដល់ កិច្ចព្រមព្រៀងផ្លាស់ទៅកាន់ក្លិប Besiktas ជាលក្ខណៈខ្ចីជើង ។ កីឡាករវ័យ២៩ឆ្នាំរូបនេះ បានចូលលេងឲ្យ Chelsea ក្រោយចាកចេញពីក្លិប Newcastle United កាលពី ខែមករាឆ្នាំ ២០១២ ប៉ុន្តែរូបគេមិនអាចដណ្តើមតំណែងជម្រើស១១នាក់ដំបូងក្នុងក្លិប Chelsea បាននោះទេ ។ ទន្ទឹមជាមួយគ្នានោះ ក្លិបទូកក្តោង Everton ក៏បានធ្វើការទាក់ទងកីឡាករ Ba ផងដែរប៉ុន្តែបើយោងតាម សារព័ត៌មាន The Telegraph បានចុះផ្សាយថា ក្លិប Besiktas បានព្រមព្រៀងខ្ចីជើងខ្សែប្រយុទ្ធរូបនេះ ជាលក្ខណៈខ្ចីជើងក្នុងកិច្ចសន្យារយៈពេលខ្លី ។
សេចក្តីរាយការណ៍ដដែលបានបញ្ជាក់ថា កិច្ចព្រមព្រៀងលើការខ្ចីជើងនេះក៏រួមបញ្ចូលទាំងលក្ខ័ណ្ឌមួយដែល អាចអនុញ្ញាតឲ្យក្លិបទួរគីនេះទិញយកកីឡាករ Ba ជាផ្លូវការណ៍តែម្តងពេលបញ្ចប់រដូវកាល ២០១៤-២០១៥ ៕