ភ្នំពេញ៖ ព្រឹកថ្ងៃទី១៩ខែ កុម្ភៈ ឆ្នាំ២០១៤ សមត្ថកិច្ចនគរបាលខណ្ឌ៧មករា បានបង្ហាញមុខជនសង្ស័យចំនួន២នាក់ ពាក់ព័ន្ធករណីឆក់កាបូបលុយ នៅចំណុចផ្លូវ២១៥កែងផ្លូវ៣៣៦ សង្កាត់វាលវង់ ខណ្ឌ៧មករា។ តាមរបាយការរណ៍ពីសមត្ថកិច្ចនគរបាលបានអោយដឹងថា ហេតុការណ៍ឆក់កាបូបនេះកើតឡើងនៅវេលាម៉ោង ៦និង៣០នាទីនៅចំណុចផ្លូវ២១៥កែងផ្លូវ៣៣៦ សង្កាត់វាលវង់ ដែលជនសង្ស័យទី១ឈ្មោះ គង់ ប៉ប៊ុង ភេទប្រុស អាយុ១៨ឆ្នាំ មុខរបរមិនពិតប្រាកដ និងជនសង្ស័យម្នាក់ទៀតឈ្មោះ ខឹង សុជា ភេទប្រុស អាយុ២៣ឆ្នាំ។
ជនសង្ស័យទាំង២ខាងលើត្រូវបានសមត្ថកិច្ចធ្វើការឃាត់ខ្លួនបន្ទាប់ពីបានធ្វើសកម្មភាពឆក់កាបូប ស្ពាយពីនារីម្នាក់ជាជនរងគ្រោះដែលកំពុងជិះម៉ូតូម៉ាកស្កុបពី តែក្រោយពីការឆក់ភ្លាមៗជនរងគ្រោះបានជិះដេញតាមហើយស្រែកថា ចោរចោរ ក៏បានអោយជនសង្ស័យទាំងពីរភ័យស្លន់ស្លោ ជិះម៉ូតូដួល ភ្លាមនោះនគរបាលប៉ុស្តិ៍ក៏ធ្វើការឃាត់ខ្លួនបញ្ចូនមកអធិការដ្ខានខណ្ឌតែម្តង។ បច្ចុប្បន្ន ជនសង្ស័យទាំង២ត្រូវបានសមត្ថកិច្ចនគរបាលកំពុងក៏សាងសំណុំរឿងដើម្បីបញ្ចូនទៅតុលាការ៕ 
