ខេត្តកំពង់ធំ៖ ម៉ូតូ២គ្រឿងបានព្រលះគ្នា យ៉ាងពេញទំហឹង បង្ករភាពគ្រោះថ្នាក់ដល់ក្មេងតូចម្នាក់សម្លប់ស្តូក នៅនឹងកន្លែង កាលពីវេលាម៉ោង ៧.១០នាទី ក្បាលព្រលប់ ថ្ងៃទី ១៧ ខែ កក្កដា ឆ្នាំ ២០១៤ នៅត្រង់ចំនុច ភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ។ តាមប្រភពពត៌មាននៅកន្លែងកើតហេតុ បានបញ្ជាក់ថា មុនពេលកើតហេតុ មានម៉ូតូចំនួន២គ្រឿង បានជិះ ស្របទិសគ្នា ក្នុងគោលដៅពីជើងទៅ
ទិសខាងត្បូង លុះមកដល់ចំនុចកើតហេតុ ម៉ូតូកូនទាម៉ាក ATTILa អត់ ស្លាកលេខ ពណ៌ ក្រហម បើកបរដោយក្មេងស្ទាវម្នាក់ ត្រូវបានគេស្គាល់ឈ្មោះ ហ៊ុន គឹមសួរ ភេទ ប្រុស អាយុ ១៦ឆ្នាំ រស់ នៅភូមិ ស្ទឹងសែន សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ បានបើកនៅសុខៗក៏ ឈប់មួយរំពេច ត្រៀមនឹងឆ្លងផ្លូវ ក៏ស្របពេលដែលម៉ូតូម៉ាកគុប អត់ស្លាកលេខ ពណ៌ប្រផេះ ដែលកំពុងតែ បើកបរ ពីក្រោយក៏បុកយ៉ាងពេញទំហឹង បណ្តាលឲ្យដួលនៅកណ្តាលថ្នល់ និងបានបណ្តាលឲ្យក្មេងតូច អាយុ ៧ឆ្នាំរងរបួសសម្លប់មួយសន្ទុះផងដែរ។
ចំណែកអ្នកបើកបរម៉ូតូម៉ាកគុប ឈ្មោះ ហុក សេង ភេទ ប្រុស អាយុ ២០ឆ្នាំ រស់នៅបល្ល័ង្គលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ ក្មេងតូចត្រូវបានសាច់ញាតិ បញ្ជូនទៅមន្ទីរពេទ្យ ចំណែកវត្ថុតាងមាន ម៉ូតូ២គ្រឿង ខណៈនេះភាគីទាំងសងខាង សម្របសម្រួលគ្នាដោយសន្តិវិធី ដោយមិនចង់ឲ្យរំខាបដល់សមត្ថ កិច្ច ។