រាជធានីភ្នំពេញ ៖ អគ្គីភ័យមួយបានឆាប់ឆេះ ម៉ាស៊ីនវេចខ្ចប់ចានចង្កឹះក្នុងក្រុមហ៊ុនតាំងយី ធ្វើឲ្យផ្អើលដល់ ប្រជាពលរដ្ឋ និងសមត្ថកិច្ចអន្តរាគមន៍ហៅរថយន្តពន្លត់អគ្គីភ័យ មកបាញ់ទឹកពន្លត់ តែត្រូវបានបុគ្គលិកក្រុមហ៊ុននាំគ្នាជួយពន្លត់ទាន់ពេល ។ ហេតុការណ៍នេះបានកើតឡើងកាលពីវេលា ម៉ោង ១៧ និង ៣០នាទី រសៀលថ្ងៃទី២០ កុម្ភៈ ឆ្នាំ២០១៤ នៅក្នុងក្រុមហ៊ុនតាំងយី ចំណុចផ្ទះលេខ២៦១K ផ្លូវលេខ៦២R ក្រុមទី១១ ភូមិទួលគោក សង្កាត់ទួលសង្កែ ខណ្ឌឬស្សីកែវ។
តាមសំដីបុគ្គលិកក្រុមហ៊ុន បានឲ្យដឹងថា មូលហេតុនៃការឆាប់ឆេះខាងលើនេះបណ្ដាលមកពី ឆ្លងម៉ាស៊ីនវេចខ្ចប់ចានចង្កឹះ ធ្វើឲ្យខូចខាតម៉ាស៊ីនវេចខ្ចប់ ១គ្រឿង ប៉ុន្តែ មិនបានរាលដាលខូចខាតសម្ភារផ្សេងឡើយ ព្រោះបានបុគ្គលិកនាំគ្នាជួយពន្លត់ទាន់ពេល។ ចំណែករថយន្តពន្លត់អគ្គីភ័យ ៣គ្រឿង របស់សមត្ថកិច្ចពុំបានបាញ់ទឹកពន្លត់ឡើយ ព្រោះពេលមកដល់ភ្លើងបានរលត់ទៅហើយ៕
