ភ្នំពេញ៖ ហេតុការណ៍គ្រោះថ្នាក់ចរាចណ៍មួយបានបង្កឡើងដោយរថយន្តកាមរីបាឡែនមួយគ្រឿងស្រវឹងស្រាជោគបើកបុករ៉ឺម៉កកង់បីបណ្ដាឲ្យរបួសនៅចំណុចមុខវិទ្យាល័យ ព្រះអង់អេង ហើយព្យាយាមបើករត់រហូត់ដល់ក្រោយវត្តមហាមន្ត្រីត្រូវសមត្ថកិច្ចឃាត់ជាប់ កាលពីវេលាម៉ោង១១និង២០នាទីយប់ថ្ងៃទី២១ ខែកុម្ភៈឆ្នាំ២០១៤ ស្ថិតក្នុងសង្កាត់បឹងកេងកងទី២ ខណ្ឌចំការមន។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញ រថយន្តកាមរីបាឡែន ពណ៌ទឹកប្រាក់ ពាក់ស្លាកលេខភ្នំពេញ2R-2922 បើកបរដោយបុរសម្នាក់ស្រវឹងស្រាជោគ បើកបរតាមបណ្ដយផ្លូវលេខ១៤៣ លុះមកដល់ចំណុចកើតហេតុស្រាប់តែរេចង្កូវទៅបុកនិងរ៉ឺម៉កកងបីបណ្ដាលឲ្យរងរបួសហើយរថយន្តបង្កបានព្យាយាមបើករត់រហូតក្រោយវត្តមហាមន្ត្រីត្រូវបានសមត្ថកិច្ចឃាត់ជាប់។
ក្រោយពេលកើតហេតុរថយន្តបានសម្រប់សម្រួលដោយចេញថ្លៃខូចខាត់ទៅលើជនរងគ្រោះដើម្បីបញ្ជប់រឿងដោយមិនរំខានដល់សមត្ថកិច្ច៕ 
