ខេត្តកំពង់ធំ.លោកជំទាវ ពុំ ចន្នីនីអគ្គលេខាធិការ កាកបាទក្រហមកម្ពុជា តំណាងដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា អមដំណើរដោយ ឯកឧត្តមសុខ លូ ប្រធានគណៈ កម្មាធិការ សាខាកាកបាទក្រហមកម្ពុជា សាខាខេត្តកំពង់ធំ និងលោកជំទាវ រួមទាំងអភិបាលរងខេត្ត ក្រុមប្រឹក្សាខេត្ត មន្ទីរអង្គភាពពាក់ព័ន្ធ ចូលរួម ចែកអំណោយជូនដល់បងប្អូនប្រជាពលរដ្ឋ ដែលកំពុងតែរងគ្រោះដោយសារទឹកជំនន់ ចំនួនពីរទីតាំងផ្សេងគ្នា ស្ថិតនៅក្នុងឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ។
អំណោយកាកបាទក្រហមដែលបានចែកជូនដល់បងប្អូនប្រជាពលរដ្ឋ ទីតាំងទីមួយ ភូមិចាក់ក្រញ៉ាញ់ និងភូមិព្រិច ស្ថិតនៅក្នុងឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ សរុបចំនួន២១២ គ្រួសារក្នុងមួយគ្រួសារទទួលបានអង្ករ៣០គ.ក មីមួយកេស ត្រីខ ទឹកស៊ីអ៊ីវ. មុងភួយសារ៉ុង អាវយឺត២ សម្រាប់ការជួយដោះស្រាយ ការលំបាកខ្វះខាតរបស់បងប្អូនប្រជាពលរដ្ឋដែលកំពុងតែរងគ្រោះដោយសារ ទឹកជំនន់មួយគ្រា។
ឯកឧត្តមសុខលូ.ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ បានមានប្រសាសន៍ថា ក្រោមការគិតគូររបស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជា ដល់បងប្អូនប្រជាពលរដ្ឋដែលកំពុងតែរងគ្រោះដោយសារទឹកជំនន់ នៅគ្រប់ទិសទី ក្នុងការជួយសង្គ្រោះនិងដោះស្រាយរាល់ការលំបាក របស់ប្រជាពលរដ្ឋ ក្នុងនោះអាជ្ញាធរគ្រប់លំដាប់ថ្នាក់ រួមទាំងមន្ទីរពាក់ព័ន្ធ ព្រមទាំងសាខាកាកបាទក្រហមកម្ពុជាខេត្ត ស្រុកក្រុង ភូមិឃុំសង្កាត់បានចូលជួយដល់បងប្អូនឲ្យ បានទាន់ពេលវេលាដោយមិនទុកប្រជាពលរដ្ឋណាម្នាក់អត់អាហារដោយពុំបានដឹងឮពីអាជ្ញាធរនោះឡើយ។
លោកជំទាវពុំ ចន្ទីនី អគ្គលេខាធិការកាកបាទក្រហមកម្ពុជា បានមានប្រសាសន៍កោតសរសើរអភិបាលខេត្តកំពង់ធំ.និងក្រុមការងារ បានយកចិត្តទុកដាក់ចំពោះសុខទុក្ខរបស់បងប្អូន ប្រជាពលរដ្ឋក្នុងភូមិសាស្ត្រខេត្តកំពង់ធំ.បានដឹកនាំសហការី ជួយសង្គ្រោះ និងនាំយកអំណោយស្បៀងអាហារ ទៅផ្តល់ជូនបងប្អូន ប្រជាពលរដ្ឋដល់លំនៅដ្ឋាន ដោយមិនពិបាកឲ្យប្រជាពលរដ្ឋ លុយទឹកមកទទួលអំណោយនោះទេ។
លោកជំទាវពុំ ចន្ទីនី បានពាំនាំការផ្តាំផ្ញើរសាកសួរសុខទុក្ខ ពីសម្តេចកក្កិព្រឹទ្ធបណ្ឌិត ឲ្យបងប្អូនប្រជាពលរដ្ឋ ថែរក្សាសុខភាពអនាម័យពិសារទឹកស្អាតសម្រាកក្នុងមុងនិង មើលថែក្មេងៗនិងចាស់ជរា រួមទាំងកាត់បន្ថយការផឹកសុរា ដែលជាហេតុបង្កឱ្យមានគ្រោះដល់អាយុជីវិតបាន ដោយការស្រវឹងធ្លាក់ចូលទឹក៕ ដោយប៊ុនរដ្ឋា
