ស្រះកែវនិង បន្ទាយមានជ័យៈ ព្រៃឈើមានសារៈសំខាន់ណាស់ សម្រាប់មនុស្សនិងសត្វ មិនថាប្រទេសណា ក៏បានផ្តោតនូវសារៈសំខាន់និងយកចិត្តទុកដាក់បំផុត ក្នុងការថែរក្សានិងអភរក្សព្រៃឈើ និងជម្រុញឲ្យ មានការដាំដុះដើមឈើឡើងវិញ ដើម្បីជាការតាបស្នងនិងព្រៃឈើដែលបានរិចរិល។
ជាក់ស្តែង អាជ្ញាធរថៃ បានប្រារព្វពិធីដាំកូនឈើ នៅស្រុកតាផ្យា ខេត្តស្រះកែវ ព្រះរាជាណាចក្រថៃ ព្រមទាំងបានអញ្ជើញ លោកឩត្តមសេនីយ៏ត្រីភ្លន់តារាមេបញ្ជាការយោធាខេត្តបន្ទាយមានជ័យឲ្យចូលរួមក្នុងពិធីដាំកូនឈើ ដើម្បីរួមគ្នាផ្សាភ្ជាប់នូវចំណងមិត្តភាព ក៏ដូចជាការរួមគ្នាថែរក្សាអភិរក្សព្រៃឈើ រវាងប្រទេសជិតខាង កម្ពុជា និងថៃ ។
ពីធីដ៏អធឹកអធ័មនេះត្រូវបានអញ្ជើញចូលរួមជាអធិបតីភាព ខ្ពង់ខ្ពស់ពីសំណាក់លោកមេបញ្ជាការភូមិភាគថៃ និង អង្គភាពយោធាថ្នាក់ដឹកនាំភូមិភាគ៥ អមដំណើរដោយ គណៈបញ្ជាការឯកភាពខេត្ត ខេត្តបន្ទាយមានជ័យ ដោយមានការគាំទ្រនូវកិច្ចសហប្រតិបត្តិការរវាង ប្រទេសទាំងពី ដោយឯកឧត្តម អភិបាលខេត្តបន្ទាយមានជ័យ ដោយឯកឧត្តម បានយល់ពីតំលៃនិងគុណប្រយោជន៍ ដ៏មានសារៈសំខាន់ដែលបានមកពីព្រៃឈើ ដោយឡែកព្រៃឈើអាចខ្វះមនុស្សបាន តែមនុស្សមិនអាចខ្វះព្រៃឈើបាននោះទេ មនុស្សយើងត្រូវការព្រៃឈើ ចាប់តាំងពីកើតរហូតដល់ស្លាប់ ។
ចំណែកកូនឈើ ដែលត្រូវបាននាំយកមកដាំ គឺជាកូនឈើប្រភេទនាងនួន ឈើបេង ឈើគគី និងកូនឈើភេទមានដម្លៃផ្សេងទៀតសរុបចំនួន៧០០ដើម ដែលត្រូវបានដាំនៅស្រុកតាប្យាខេត្តស្រះកែវប្រទេសថៃ។ក្នុងន័យរក្សាចំណងមិត្តភាពក៏ដូចជាកិច្ចទំនាក់ទំនងសហប្រតិបត្តិការល្អទ្វេឡើងស្របនឹងគោលដៅរបស់ប្រមុខថ្នាក់ដឹកនាំយើងឬប្រជាពលរដ្ឋប្រទេសទាំងពីរគឺព្រំដែនមានសុខសន្តិភាពការអភិវឌ្ឍ ក្នងនាមប្រទេសជាសមាជិកអាស៊ាន ។
ដោយ គៀន ចាន់ហ៊ីន