បន្ទាយមានជ័យះមន្ត្រីរដ្ឋបាលជលផលសហការជាមួយសមត្ថកិច្ចប៉ូលិសនិងប្រជាសហគមន៍នេសាទចុះង្ក្រាបបានឧបករណ៍នេសាទខុសច្បាប់ជាច្រើនក្នុងដែនអតីតះទ្បូតិ៍លេខ២នៃឃុំសំបួរស្រុកមហ្គលបូរីខេត្តបន្ទាយមានជ័យកាលពីថ្ងៃទី៣០ កក្កដា២០១៤។ លោក ហ៊ី សេងគ្រី នាយធ្នែករដ្ឋបាលជលផលមង្គលបូរីបានអោយដឹងថាដោយទទួលបានព័ត៍មានពីបងប្អូនប្រជាពលរដ្ឋដែលបានរាយការណ៍ថា
មានបទល្មើសនេសាទបានកើតទ្បើងនៅចំនុចនៅចំនុចរហាលសន្ទូងនិង ចំនុចអូរជីកនៃទីតាំងខាងលើលោកក៍បានចុះសហការជាមួយប៉ុស្តិ៍ឃុំសំបួរនិងកំសហគមន៍នេសាទ រុះរើបានរបាំងព្រួលកាត់អូរចំនួន២កន្លែងប្រវែង៦០ម៉ែត្រ (ព្រួលប្រវែង៤០ម៉ែត្រ )បង្គោលចំនូន៥០ដើម សាច់មងប្រវែង៥០ម៉ែត្រ លបចំនួន១១ លូស្បៃមុង ១មាត់ ។ 
លោកបានបន្តទៀតថាការចុះបង្ក្រាបនេះធ្វើទ្បើងជាបន្តបន្ទាប់និងជាច្រើនលើកផងដែលក្នុងរដូវហាមនេសាទនេះ។ទោះបីជាការបង្ក្រាបពេលខ្លះបានទាំងមនុស្សផង ដូចជាកាលពីថ្ងៃទី១៤ កន្លងទៅមនុដ្ស៤នាក់ត្រូវបានចាប់បានពេលដែលកំពុងប្រើឧបករណ៍ឆក់ត្រីក្នុងកន្លែងអភិរក្សពូជត្រីរហាលដៃស្នាហើយបញ្ជូនទៅតុលាការយ៉ាងណាក៍បទល្មើសនេសាទនៅតែកើតមាន។ ឧបករណ៍នេសាទទាំងអស់ដែលបង្ក្រាបបានខាងលើត្រូវបានធ្វើការបំផ្លាញនិងដុតកំទេសចោល៕
