ខេត្តកំពង់ធំ៖ រថយន្តកូរ៉េ ៥តោន ដឹកហ្គាសគេចពន្ឋ បើកបរដោយ ក្មេងទំនើង បានព្រលះពីក្រោយគោយន្ត កន្ត្រៃដឹកឈើជំរ៉ឹង បណ្តាលឲ្យឈើជំរ៉ឹង បុកតៃកុងគោយន្ត កន្ត្រៃពីក្រោយខ្នង របួសធ្ងន់ ស្ថិតនៅក្នុងស្ថាន ភាពដណ្ហើមចង្រិត ខណៈពេលដែលបើកបរ លើកំណាត់ផ្លូវជាតិលេខ៦ យប់ថ្ងៃទី ២០ ខែ កុម្ភះ ឆ្នាំ ២០១៤ នៅចំនុច ភូមិថ្នល់បែក ឃុំ ត្រពាំងឬស្សី ស្រុកកំពង់ស្វាយ ខេត្តកំពង់ធំ ។
ចំណែរថយន្តត្រូវបាន ឈើជំរ៉ឹងដោតជាប់ ផ្នែកខាងមុខរថយន្តជាប់ រីឯតៃកុងឡានទំនើង គ្មានសីលធម៌ ពុំត្រូវបាននិយាយសមរម្យ និងការឆ្លើយតបជាមួយនឹង ភ្នាក់ងារសារពត៌មាននោះទេ បែរជាបញ្ជេញអត្តចរិក ជម្លើយឆ្លើយអស់លេខដាក់ ពុំត្រូវបានគេស្គាល់ឈ្មោះ នោះទេ រីឯសមត្ថកិច្ចប៉ូលិសចរាចរ ស្រុកកំពង់ស្វាយ ប្រហែលជាប់សាច់ឈាម ជាមួយម្ចាស់រថយន្ត ទើបបានជាមានការ ឃុបឃិត បង្វៀងដានមិនឲ្យដឹងថាទាំង អត្តសញ្ញាណ និងជាកម្មសិទ្ធរបស់អ្នកណា ។
តែតាមប្រភពពត៌មាន ច្បាស់ការណ៍ ដែលបានបញ្ជាក់ពីលោក ខេន ឈុនគ័រ អធិការស្រុកកំពង់ស្វាយ បាន អះអាងថា តាមសេចក្តីរាយការណ៍ ពីនាយប៉ុស្តិ៍រដ្ឋបាល ឃុំ ត្រពាំងឬស្សី ថារថយន្តដឹកហ្គាស គេចពន្ឋនេះ ជាកម្មសិទ្ធរបស់ ឈ្មួញដ៏ល្បីមួយរូប ដែលមានឈ្មោះ បោះ សំលេង នៅក្នុងខេត្តកំពង់ធំ ដែលកន្លងមក ធ្លាប់រកស៊ីពាក់ព័ន្ឋទៅនឹងបទល្មើសឈើ គ្រញូង ដឹកសាំងគេចពន្ឋ ឥឡូវដឹកហ្គាសគេចពន្ឋទៀត តែគ្មានសមត្ថកិច្ចណាហ៊ានក្អកជាមួយនោះទេ តែពុំត្រូវបានប្រភពណាមួយ ហ៊ានបញ្ជាក់ថា ថៅកែហ្គាសនេះឈ្មោះ អ្វីនោះទេ គ្រាន់តែត្រូវបានគេស្គាល់ហាសនាម ថា ( យាយនោមឆេះ) ដែលគេស្គាល់ជាទូទៅ ។
រថយន្តកូរ៉េ៥ភ្លៅ ពណ៌ ខៀវ ពាក់ស្លាកលេខ ស្វាយរៀង 3A-0755 បានដឹកហ្គាសចេញពី ថ្នល់បែកទៅ ភ្នំពេញ ដែលនៅចំពីមុខរថយន្ត មានដាក់ អក្សថា តារា ធី ស៊ី ចំណែកតៃកុង ត្រូវបានលោក ខេន ឈុនគ័រ បញ្ជាក់តាមទូរស័ព្ទថា ឈ្មោះ ម៉ៅ រស់នៅខេត្តកំពង់ចាម ក្រោយពីកើតហេតុ ត្រូវបានដឹកអ្នករបួសធ្ងន់ម្នាក់ និងស្រាលម្នាក់ ទៅសម្រាកនៅមន្ទីរពេទ្យ ឯកជន មួយនៅក្នុងខេត្តកំពង់ធំ ចំណែករថយន្ត ត្រូវបានសមត្ថកិច្ច នាំយកទៅរក្សាទុកនៅអធិការស្រុកកំពង់ស្វាយ រងចាំភាគីទាំងសងខាង ចូលមកដោះស្រាយ ដោយសន្តិវិធី ។ 
