ស្ទឹងត្រែង៖ប្រជាពលរដ្ឋរស់នៅតាមដងទន្លេមេគង្គមានក្តីបារម្ភណ៏ចំពោះផលប៉ះពាល់ ពីកំពស់ទឹកទន្លេ មេគង្គ ព្រោះនៅខែកក្កដាឆ្នាំ២០១៤នេះ មានកំរិតកំពស់ខ្ពស់ជាងខែកក្កដាឆ្នាំកន្លងទៅ ធ្វើឲ្យផ្លូវមួយចំនួនក្នុងក្រុងបានលិចជាបណ្តើរៗ ធ្វើឱ្យពួកគាត់ពិបាកធ្វើចរាចរណ៏ ឆ្លងទឹកទៅមកម្ដងៗ និងព្រួយពីសុវត្ថិភាពរបស់ខ្លួន។ ទឹកទន្លេមេគង្កនៅខេត្តស្ទឹងត្រែងបានហក់ឡើងដល់កំរិតកំពស់១០ម៉ែត្រ៥៥នៅថ្ងៃទី១ខែសីហាឆ្នាំ២០១៤នេះហើយបើសិនជាឡើង ដូចពីរថ្ងៃកន្លងមកនោះ និងឈានទៅដល់ កំរិតប្រកាសអាសន្ន១០ម៉ែត្រ៧០និងធ្វើឱ្យប្រជាពលរដ្ឋព្រួយបារម្ភណ៏និងស្ថានភាពរស់នៅប្រចាំថ្ងៃ។
កញ្ញាសុភា អាយុ២០ឆ្នាំរស់នៅភូមិ ឃុំសំអាងស្រុកថាឡាបរិវ៉ាត់និយាយអះអាងថាទោះបីធ្លាប់ជួបប្រទះទឹកទន្លេមេគង្គ លិចជារៀងរាល់ឆ្នាំក៍ដោយ ក៍នៅតែមានការភ័យខ្លាចដែរ នាងខ្ញុំមានការព្រួយបារម្ភណ៍ច្រើនព្រោះអីកាលណាយើងឆ្លងសាឡាងអញ្ចឹង ទៅមកខ្លាចមានគ្រោះថ្នាក់ ពីព្រោះអីយើងជាអ្នកឆ្លងអញ្ចឹងវាពិបាកធ្វើដំណើរ អ្នកឆ្ងាយៗអីគេខ្លាចគ្រប់ៗគ្នា ហើយខូចខាតដំណាំដាំដុះច្រើនទៀត ដូចជានៅភូមិស្រែឬស្សី ជាដើមលិចអស់ហើយ ផ្លូវអីពេលហ្នឹងពិបាក ខ្ញុំចង់សំណូមពរឲ្យអាជ្ញាធរ ដែលពាក់ពន្ធ័ នៅក្នុងខេត្តទាំងអស់ ឲ្យគាត់បានសហការនិង ចូលរួមគ្នារបៀប ណាធ្វើម៉េចឲ្យ ប្រជាជនធ្វើដំណើរ ដោយសុវត្ថិភាព។
លោកប៊ុន ណារីអភិបាលក្រុងស្ទឹងត្រែងបានបញ្ជាក់ថា៖អាជ្ញាធរខេត្តក៍ដូចជាក្រុងបានប្រកាសជូនដំណឺងឲ្យបងប្អូនប្រជាពលរដ្ឋ លើកកំពស់ការប្រុងប្រយត្ន័ ចំពោះទឹកជំនន់នេះ។ ចំណែកសាលាក្រុងក៏ត្រៀមយ ន្តការ ជួយដល់ពួកគាត់ហើយផងដែរ យើងបានត្រៀមទីទួលសុវត្ថិភាពចំនួន១៧កន្លែងសំរាប់ធ្វើការជំលៀសពួកគាត់ ហើយកន្លែងខ្លះយើងបានកាប់ឆ្ការព្រៃសំអាត កន្លែងខ្លះយើងបានឱ្យគាត់ត្រៀមជារោងជា តង់ ជាស្បៀងអាហារ សំរាប់ពេលជំលៀស អញ្ចឹងមកដល់ថ្ងៃនេះ យើងបានត្រៀម ទូកចំនួន៨៦ កាណូត៣៤ ៥គ្រឿង រថយន្ត១៨គ្រឿងសំរាប់ធ្វើការជំលៀស។ 
លោកអភិបាលក្រុងបានបន្តថាក្នុងនោះដែរ យើងបានរៀបចំបង្កើតគណកម្មការ អនុកម្មការសំរាប់ជាកំលាំងអន្តរាគមន៍ ពេលដែលមានទឹកជំនន់មកដល់ តាមសង្កាត់និមួៗយើងបានធ្វើការបែងចែករួចជាស្រេច អភិបាលរងម្នាក់ត្រូវទទួលមួយសង្កាត់ អភិបាលរងមួយត្រូវទទួលមួយសង្កាត់ ចឹងយើងមានកំលាំងសហការ ពីកំលាំងអធិការដ្ឋាននគរក្រុង កំលាំងអាវុហត្ថក្រុង កំលាំងសឹករងក្រុង ហើយក៍យើងបានហសការជាមួយស្នងការនគរបាលខេត្តអាវុធហត្ថខេត្តដើម្បីត្រៀមបង្ការក្នុងពេលអន្តរាគមន៏ក្នុងគ្រោះទឹកជំនន់នេះ។
សូមបញ្ជាក់ថា៖ ខេត្តស្ទឹងត្រែងមាន ប្រជាពលរដ្ឋ ចំនួន៨១ភូមិ រស់នៅតាមដងទន្លេមេគង្គ ក្នុងចំណោម១២៨ភូមិហើយប្រជាពលរដ្ឋគិតថា ទឹកជំនន់ទន្លេមេគង្គនេះរឿងធម្មតា របស់ពួកគាត់គ្រាន់តែនៅពេលទឹកស្រកទៅវិញ ជួបប្រទះនូវផលប៉ះពាល់ខូចខាតផលដំណាំនិងធ្វើឲ្យខ្វះស្បៀងប្រចាំថ្ងៃ
ដោយឡែកនៅក្នុងក្រុងស្ទឹងត្រែង មានប្រជាពលរដ្ឋចំនួន១៥ភូមិនិងជាង ១៦០០គ្រួសាររងផលប៉ះពាល់ពីទឹកជំនន់នេះ ដែលត្រូវជំលៀសទៅរកទីទួលសុវត្ថិភាព ក្នុងពេលដែលទឹកទន្លេមេគង្គ ឡើងលើសកំរិតប្រកាសអាសន្ននោះ។តែនៅពេលល្ងាចថ្ងៃសុក្រទី០១សីហានេះ បើតាមការបញ្ជាពីលោកប៉ាង ប៉េងប្រធានមន្ទីរធន់ធានទឹក ទឹកទន្លេមេគង្គបានឡើងដល់កំពស់១០.៥៥ម៉ែត្រ បើសិនជានៅតែបន្តឡើង ដូចពីថ្ងៃកន្លងមកនោះនិងឈានដល់កំរឹតប្រកាសអាសន្នហើយ៕
