ខេត្តព្រះសីហនុ កាលពីរសៀលថ្ងៃទី៣១ ខែកក្កដា ឆ្នាំ២០១៤ គណប្រតិភូខេត្តជៀងស៊ូ នៃសាធារណះរដ្ឋប្រជាមានិតចិន ដឹកនាំដោយលោក SHIHEPING អភិបាលខេត្តជៀងស៊ូចូលជួបពិភាក្សាការងារជាមួយអភិបាលខេត្តព្រះសីហនុ ដើម្បីបើកកិច្ចប្រជុំ ស្តីពីការចុះហត្ថលេខាលើកំណត់ហេតុអនុស្សារណះយោគយល់គ្នាស្តីពីការបង្កើតសម្ព័ន្ធភាពរវាងខេត្តព្រះសីហនុ និងខេត្តជៀងស៊ូ ។ 
លោក ឈិត សុខុន អភិបាលខេត្តព្រះសីហនុ បានស្វាគមន៌គណះប្រតិភូខេត្តជៀងស៊ូនៃសាធារណះរដ្ឋប្រជាមានិតចិន ដែលបានមកបំពេញទស្សនកិច្ចក្នុងខេត្តព្រះសីហនុ ដើម្បីពិភាក្សាគ្នាលើកិច្ចព្រមព្រៀងលើខ្លឹមសារកំណត់ហេតុយោគយល់គ្នាចំនួន៥ ទី១ ភាគីទាំងពីរសហការជាមួយគ្នា ដើម្បីជំរុញឲ្យមានការអភិវឌ្ឍន៌ ដោយឈរលើមូលដ្ឋាននៃការយោគយល់គ្នា ដើម្បីផលប្រយោជន៌រួមគ្នាក្នុងដែនសមត្ថកិច្ចរបស់ខ្លួនទៅតាមលក្ខណ្ឌ័ច្បាប់ និងលិខិតបទដ្ឋានរវាងប្រទេសទាំងពីរ នឹងផ្សព្វផ្សាយកិច្ចសហប្រតិបត្តិការវិស័យសេដ្ឋកិច្ច ពាណិជ្ជកម្ម វិស័យកសិកម្ម វិទ្យាសាស្ត្រ បច្ចេកវិទ្យា និងវិស័យទេសចរណ៌ក្រោមក្របខណ្ឌការងារដោយការចងសម្ព័ន្ធភាព រវាងប្រទេសកម្ពុជា និងប្រទេសចិន ។ ទី២ ដើម្បីអនុវត្តនូវកិច្ចសហប្រតិបត្តិការរវាងប្រទេសទាំងពីឲ្យបានទូលំទូលាយ ។ 
ទី៣ លើកទឹកចិត្តឲ្យសហគ្រាសទាំងពីរមានឪកាសស្វែងរកកិច្ចសហប្រតិបត្តិការ ដើម្បីផលប្រយោជន៌រួមគ្នាទៅវិញទៅមកក្នុងវិស័យវិនិយោគ ពាណិជ្ជកម្ម និងបច្ចេកវិទ្យា ដោយភាគីទាំងពីរនិងធ្វើការរួមគ្នា ដើម្បីរៀបចំគំរោងតំបន់សេដ្ឋកិច្ចពិសេសក្រុងព្រះសីហនុ ឲ្យកាន់តែមានភាពរីកចំរើន និងជួយសំរួលគាំទ្រដល់ការអនុវត្តគោលនយោបាយផ្សេងៗទៀត ព្រមទាំងផ្តល់លក្ខ័ណ្ឌអនុគ្រោះសំរាប់ការអនុវត្តកិច្ចសហប្រតិបត្តិការសំខាន់ៗរវាងរដ្ឋាភិបាលកម្ពុជា និងរដ្ឋាភិបាលចិន ។
ទី៤ ភាគីទាំងពីរបានចាត់ឲ្យក្រសួងការបរទេស និងកិច្ចសហប្រតិបត្តិការអន្តរជាតិខេត្តព្រះសីហនុខេត្ត សហការជាមួយខេត្តជៀងស៊ូ ធ្វើការទំនាក់ទំនងគ្នាអនុវត្តផែនការនេះឲ្យទទួលបានជោគជ័យ ។ និងទី៥ អនុស្សារណះយោគយល់គ្នានេះ និងបង្កើននូវប្រសិទ្ធិភាពការងារចាប់ពីពេលចុះហត្ថលេខានេះតទៅ ដើម្បីអោយខេត្តទាំងពីរមានឪកាសក្នុងការអភិវឌ្ឍលើគ្រប់វិស័យ កាន់តែល្អប្រសើរ និងឆាប់រហស័បន្ថែមទៀត
ដោយកន្លងមកមានអ្នកវិនិយោគចិនបានមកធ្វើការវិនិយោគបណ្តុកទុនក្នុងខេត្តព្រះសីហនុជាច្រើន យើងសង្ឃឹមថា នៅពេលខាងមុខនឹងមានអ្នកវិនិយោគចិន និងមកធ្វើការបណ្តាក់ទុនវិនិយោគនៅលើទឹកដីខេត្តព្រះសីហនុ កាន់តែច្រើនឡើងបន្ថែមទៀត ព្រោះខេត្តព្រះសីហនុ មានសក្តានុពលខាងកំពង់ផែអន្តរជាតិ ក្នុងការដឹកជញ្ជូនផលិតផលចេញ ចូលបានយ៉ាងរលូន ៕ ដោយ ស៊ុយ ចាន់ធា
