ភ្នំពេញ៖ បុរសម្នាក់ជិះម៉ូតូក្នុងស្ថានភាពស្រវឹងរហូតដ៏កាន់ចង្កូតលែនជបបណ្តាលឲ្យដួលបោកខ្លួនរងរបួសធ្ងន់ កើតហេតុនេះកើតឡើងនៅវេលាម៉ោង១និង៣០នាទីយប់ថ្ងៃទី ១២ ខែសីហា ឆ្នាំ២០១៤ ស្ថិតនៅតាមបណ្ដោយផ្លូវលេខ៤២៨មុខផ្ទះលេខ7Eក្នងសង្កាត់បឹងត្របែក ខណ្ឌ ចំការមន។
តាមប្រភពព័ត៌មានបានឲ្យដឹងថានៅមុនពេលកើតហេតុគេបានបុរសម្នាក់ជិះម៉ូតូម៉ាក់FTR ពណ៌ទឹកប្រាក់ ពាក់ស្លាកលេខភ្នំពេញ1AM.8696 បើកបរក្នុងស្ថានភាពស្រវឹង ហើយរ៉េចង្កូតពេញផ្លូវ ក្នុងទិសដៅពីកើតទៅលិច ខណៈមកដល់ចំណុចកើតហេតុរូបគាត់កាន់ចង្កូតលែនជប់ក៏ដួលបោកខ្លួននៅលើខឿនមុខផ្ទះបណ្តាលឲ្យសន្លប់ស្ដូកស្ដឹងប្រហែលជា៥០នាទីទើបរថយន្ដសាមុយមកយកទៅសង្គ្រោះនៅមន្ទីរពេទ្យ។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុហើយក៏យកម៉ូតូទៅរក្សារទុកនៅប៉ុស្ដិ៏នគរបាលរដ្ឋបាលសង្កាត់បឹងត្របែក រោងចាំម្ចាស់ម៉ូតូមកទទួលយកត្រឡប់មកវិញ៕
