បន្ទាយមានជ័យ ះ យកតួនាទីជាមន្ត្រីប៉ូលីសប៉ុស្តិប៉ុស្តិរដ្ឋបាលសង្កាត់ព្រះពន្លានិងមេភូមិព្រៃឬស្សី យកខ្សែរហ៊ុំព័ទ្ទវត្ថុតាង ឬទីតាំងកើតហេតុនៃបទល្មើសរបស់ប៉ូលី ទៅហ៊ុំពទ្ធ័លើដីកម្មសិទ្ធិស្រប់ច្បាប់របស់ប្រជាពលរដ្ឋទៅវិញធ្វើអោយម្ចាស់ដីនិងពលរដ្ឋជិតខាងក្តៅក្រហាយ។ ហេតុការណ៍នេះកើតឡើងនៅរសៀលថ្ងៃទី១១ខែសីហា ២០១៤ ក្នុងទីតាំងដី១កន្លែងនៅភូមិព្រៃឬស្សីសង្កាត់ព្រះពន្លាក្រុងសិរីសោភណ័ខេត្តបន្ទាយមានជ័យ។
លោក អេង កិ អាយុ៥៦ឆ្នាំរស់នៅទីតាំងខាងលើបាននិយាយថា មានមន្ត្រីប៉ូលីសម្នាក់មិនស្គាលឈ្មោះដែលអះអាងថាជាមន្ត្រីប៉ុស្តិរដ្ឋបាលសង្កាត់ព្រះពន្លានិងមេភូមិព្រៃឬស្សីឈ្មោះ ឈ សុីលាប បានយកខ្សែរពណ៌លឿងដែលមានអក្សរប៉ូលីសយកមកធ្វើការហ៊ុំពទ្ធ័លើដីរបស់គាត់ដោយមិនដឹងរឿងថែមទាំងហាមនរណាក៏មិនអាចប៉ះពាល់ដីនេះបានឡើយ ដោយពួកគេអះអាងថាជាដីមានទំនាស់។ 
លោក អេង កិ បាននិយាយបន្ថែមថាកន្លងមកដីនេះធ្លាប់មានទំនាស់មែនរវាងលោកនិងឈ្មោះ ឆេង រដ្ឋា តាំងពីឆ្នាំ១៩៩២រហូតដល់ឆ្នាំ១៩៩៦តែតុលាការបានសំរេចអោយលោកឈ្នះលើក្តីនេះហើយសាលក្រមក៏បានចូលជាស្ថាពរហើយដែរនៅថ្ងៃទី០៨ខែមេសាឆ្នាំ១៩៩៦។ ទោះជាសាលក្រមចូលជាស្ថាពរហើយក្តីមកដល់ឆ្នាំ២០១៤នេះលោករងការប្តឹងតបពីភាគីម្ខាងទៀតដែលមានលុយនិងមានបក្ខពួកជាចៅសង្កាត់និងតុលាការបានហាមឃាត់មិនអោយលោកសាងសងផ្ទះឬចាក់ដីនិងថែមទាំងប្តឹងអោយតុលារចេញដីការរក្សាការពារលើដីទាំងបំពានសាលក្រមស្ថាពរថែមទៀតរហូតដល់ពេលនេះបែរជាប៉ូលិសនិងមេភូមិនៅតែមករំខាន់។ 
ឆ្លើយតបនិងការចោទប្រកាន់នេះលោក ឈ សុីលាប មេភូមិព្រៃឬស្សីបានអោយដឹងលោកគ្រាន់តែចូលរួមសហការប៉ុណ្ណោះ ក្រៅពីនោះលោកអត់ដឹងទេ។ លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យបានអោយដឹងតាមទូរសព្ទ័នារសៀលថ្ងៃទី១២នេះថា លោកអត់ដឹងនិងក៏មិនបានបញ្ជាអោយមន្ត្រីណាម្នាក់ទៅហ៊ុំពទ្ធ័ដីពលរដ្ឋណាឡើយ។លោកនិយាយបន្ថែមថាការយកខ្សែរបស់ប៉ូលីសទៅហ៊ុំដីឯកជនពលរដ្ឋវាជារឿងខុសច្បាប់ព្រោះខ្សែរនេះគេហ៊ុំតែកន្លែងកើតហេតុផ្សេងៗដែលមានបទល្មើសព្រហ្មទណ្ឌប៉ុណ្ណោះ។ហើយបញ្ហានេះលោកចាត់វិធានការបន្ទាន់មិនអោយពលរដ្ឋមានការថ្នាំងថ្នាក់និងសមត្ថកិច្ចឡើយ។ លោក ព្រះរាជអាជ្ញារង ផាន់ ភីរម្យ លោកបានបញ្ជាក់ការហ៊ុំពទ្ធ័ដោយគ្មានបញ្ជាពីតុលាការនោះវាជារឿងខុសនិងនីតិវិធីច្បាប់ ម្ចាស់ដីអាចមានសិទ្ធិប្តឹងពីបទព្រហ្មទណ្ឌប៉ះពាល់កម្មសិទ្ធិឯកជន៕ដោយ:ឃិន គន្ធា
