ខេត្តព្រះវិហារ
ជនសង្ស័យម្នាក់ត្រូវបានសមត្ថកិច្ចនគរបាលមូលដ្ឋានចាប់ឃាត់ខ្លួនករណីរំលោភសេពសន្ថវះកូនស្រីចុងរបស់ខ្លួនជាអនីតិជនអាយុ១១ឆ្នាំនៅថ្ងៃទី១៨សីហា២០១៤ស្ថិតភូមិឈូកឃុំត្បែង២ស្រុកគូលែនខេត្តព្រះវិហារតាមពាក្យបណ្ដឹងរបស់ម្ដាយក្មេងស្រីរងគ្រោះ។
ម្តាយក្មេងស្រីរងគ្រោះបានប្ដឹងសមត្ថកិច្ចថាករណីចាប់រំលោភសេពសន្ថវះនេះដោយសារបងប្អូនសាច់ញាតិនៅក្បែរគ្នាមានការសង្ស័យហើយបានតាមដានមើលក៍ឃើញសកម្មភាពល្មើសជាក់ស្ដែងហើយបានរាយការណ៍ប្រាប់គាត់នៅពេលត្រទ្បប់មកពីស៊ីឈ្នួលដកស្ទូងវិញ។ម្តាយក្មេងស្រីរងគ្រោះនិយាយថាប្ដីរបស់គាត់មិនបានជួយរកស៊ីចិញ្ចឹមគ្រួសារនោះទេគឺតែងតែផឹកស្រាស្រវឹងរាល់ថ្ងៃ។
សមត្ថកិច្ចនគរបាលស្រុកគូលែនបានអោយដឹងថាឪពុកចុងជាជនសង្ស័យឈ្មោះប៉ាន់ពឿតអាយុ២៩ឆ្នាំបានល្បួងកុមារីឈ្មោះខថនអាយុ១១ឆ្នាំអោយលុយចំនួន១០០០ពាន់រៀលរួចក៍បានចាប់រំលោភសេពសន្ថវះនៅលើផ្ទះរបស់ខ្លួនបានសម្រេចកាលពីវេលាម៉ោង៨និង៣០នាទីព្រឹកថ្ងៃទី១៧សីហា២០១៤ខណះពេលម្តាយក្មេងរងគ្រោះចេញទៅស៊ីឈ្នួលដកស្ទូងនៅតាមភូមិឆ្ងាយៗ។
សមត្ថកិច្ចនគរបាលជំនាញនិយាយថាក្មេងស្រីរងគ្រោះបាននិយាយប្រាប់សមត្ថកិច្ចថាឪពុកចុងរបស់ខ្លួនបានចាប់រំលោភនាងប្រាកដមែនដោយគំរាមមិនអោយនិយាយប្រាប់ម្ដាយរបស់នាងអោយដឹងនោះទេ។ជនសង្ស័យក៍បាននិយាយសារភាពនៅចំពោះមុខសមត្ថកិច្ចថាពិតជាបានចាប់រំលោភសេពសន្ថវះកូនស្រីរបស់គាត់ប្រាកដមែនហើយបានចាប់រំលោភក្មេងស្រីរងគ្រោះចំនួន៤ដងរួចមកហើយសរុបទាំងលើកនេះ។
នៅរសៀលថ្ងៃទី១៩សីហា២០១៤នេះសមត្ថកិច្ចបានកសាងសំណុំរឿងនិងបញ្ជូនខ្លួនជនសង្ស័យទៅកាន់ស្នងការដ្ឋាននគរបាលខេត្តព្រះវិហារចាត់ការបន្តដើម្បីបញ្ជូនខ្លួនជនសង្ស័យទៅកាន់តុលាការខេត្តវិនិច្ឆ័យទោសទៅតាមផ្លូវច្បាប់៕
មង្គល
