អង្គស្នួល=ឯកឧត្តមនាយឧត្តមសេនីយ៏ សែម សុវណ្ណនី អគ្គនាយកមជ្ឈមណ្ឌលជាតិ គ្រប់គ្រងកងកម្លាំងរក្សាសន្តិសុខ បោសសម្អាតមីន និងកាកសំណល់សង្គ្រាមកម្ពុជានិងជាប្រធានក្រុមការងារចុះជួយឃុំពើកស្រុកអង្គស្នួលខេត្តកណ្តាលបានអំណោយដ៏ថ្លៃថ្លា នៅទឹកមួយចំនួនជូនដល់គ្រួសាររងគ្រោះ ដោយសារខ្យល់ព្យុះ ក្នុងភូមិចំការ ជោ ឃុំពើក ស្រុកអង្គស្នួល ខេត្តកណ្តាល។
តាមរបាយការណ៏របស់មន្ត្រីក្នុងមូលដ្ឋានបានឲ្យដឹងថាផ្ទះដែលទទួលរងគ្រោះដោយសារខ្យល់ព្យុះមាន ទំហំ ៥X៦ m ធ្វើអំពីឈើប្រកសង្កសីកំពស់៣,៥m ត្រូវបានខូចខាតទាំងស្រុង ដោយខ្យល់កន្ទ្រាក់កាលពីយប់ថ្ងៃទី ១៧ខែកក្កដាឆ្នាំ ២០១៤ បណ្តាលឲ្យខូចខាតទាំងស្រុង។ ប្រភពបានឲ្យដឹងទៀតថាគ្រួសាររងគ្រោះមានឈ្មោះ ឈន តារា ភេទ ប្រុសអាយុ៣៩ឆ្នាំ ប្រពន្ធឈ្មោះ អុន នីម អាយុ៣៥ឆ្នាំនិងមានកូនចំនួន៤នាក់ រស់ក្នុងបន្ទុក ដែលគ្រួសារក្រីក្រ ។
ឯកឧត្តមនាយឧត្តមសេនីយ៏ សែម សុវណ្ណនី បានមានប្រសាសន៏ទៅកាន់ គ្រួសាររងគ្រោះថា ដោយសារតែមានការប្រែប្រួលផ្នែកអាកាសធាតុ និងថ្មីនេះ ខាងក្រសួងធនធានទឹកក៏បានជូនដំណឹងឲ្យពលរដ្ឋមានការប្រុងប្រយត្ន័ដូច្នេះ បងប្អូនទាំងអស់មិនថាតែស្រុកអង្គស្នួលទេ ត្រូវតែប្រុងប្រយត្ន័ទាំងគ្នា។ ឯកឧត្តមបន្តថា ថ្ងៃនេះលោកបាននាំនៅអំណោយដ៏ថ្លៃថ្លារបស់សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមក ជូនដល់ដៃ ក្រុមគ្រួសារដែលបានរងគ្រោះ ដោយសារខ្យល់ព្យុះ រួម គ្រួសាររង គ្រោះធ្ងន់ចំនួន ២លានរៀល និងសម្ភារះឧប្បភោគបរិភោគជាច្រើន។
ដោយ ឡែកគ្រួសារដែលរស់នៅជិតនោះចំនួន២គ្រួសារដែលរងគ្រោះស្រាល ក៏បាន ទទួលនៅថវិកា ចំនួន៨០ ម៉ឺនរៀលនិងសម្ភារះឧប្បភោគបរិភោគដូចគ្នា។ ឯកឧត្តមនាយឧត្តមសេនីយ៏ សែម សុវណ្ណនី ក៏បានពាំនាំនៅការផ្តាំផ្ញើសួរ សុខទុកពីសំណាក់សម្តេចទាំងបី ដល់បងប្អូនប្រជាពលរដ្ឋដែលជួបនៅបញ្ហារង គ្រោះដោយគ្រោះធម្មជាតិ ដែលនៅលើពិភពលោកយើងនេះប្រទេសណាក៏ជួប នៅបញ្ហានេះដែរ ។ សម្តេចទាំងបី សូមឲ្យបងប្អូនចូលរួមប្រុងប្រយត្ន័ ចំពោះ បញ្ហាខាងលើ ការពារនៅសុខភាពជាចម្បង ហើយរាជរដ្ឋាភិបាលយកចិត្តទុក ដាក់យ៉ាងខ្លាំង និងចូលរួមសោកស្តាយចំពោះបញ្ហានេះផងដែរ៕