កំពង់ធំ៖ ដោយមានការយកចិត្តទុកដាក់ ពីសំណាក់លោក ឧត្តមសេនីយ៍ត្រី ជូ សំអាន ស្នងការ នៃស្នងការដ្ឋាននគរបាលខេត្តកំពង់ធំ បានចេញបញ្ជាអនុវត្តន៍គោលនយោបាយភូមិ ឃុំ មានសុវត្តិភាព ដើម្បីលុប បំបាត់ចោលនូវបទល្មើសផ្សេងៗ ដែលកើតមានឡើង ក្នុងទឹកដីខេត្តកំពង់ធំ ជាពិសេសបញ្ហាការចែកចាយ និងជួញដូរគ្រឿងញៀន ទើបមានដាក់បទបញ្ជាយ៉ាងក្តៅគគុក ទៅលើប៉ុស្តិ៍រដ្ឋបាល គ្រប់ស្រុកក្រុង ឲ្យរឹតបន្តឹងការចុះបង្ក្រាបគ្រឿងញៀន ។ 
ជាក់ស្តែង នៅល្ងាចវេលា ម៉ោង ៥.៣០នាទីថ្ងៃទី ១៩ ខែ សីហា ឆ្នាំ ២០១៤ លោក អនុសេនីយ៍ទោ វ៉ាន វិបុល នាយប៉ុស្តិ៍រដ្ឋបាល សង្កាត់កំពង់ធំ និងលោក លឹម សារិន ការិយាល័យប្រឆាំងគ្រឿងញៀន នៃស្នងការខេត្ត សហការជាមួយ កំលាំងអធិការក្រុងស្ទឹងសែន ចុះស្ទាក់ឃាត់ខ្លួនជនសង្ស័យម្នាក់ឈ្មោះ ឈ្មោះ យង់ រ៉ាវី ភេទប្រុសអាយុ ១៨ឆ្នាំ រស់នៅភូមិ អាចារ្យលាក់ សង្កាត់ អាចារ្យលាក់ ក្រុងស្ទឹងសែន ខេត្តកំពង់ធំ នៅចំនុចសួនកុមារ ស្ថិតនៅភូមិ ទី៤ សង្កាត់កំពង់ធំ ក្រុងស្ទឹងសែន ខេត្តកំពង់ធំ ដែលជាមុខសញ្ញាចែកចាយ និងប្រើប្រាស់គ្រឿងញៀនវត្ថុតាងដែលដកហូតរួមមាន ១.ទូរសព្ទដៃ1គ្រឿង .ម៉ូតូ១គ្រឿង .នីងសារធាតុញៀន មេតំវេតាមីន(ម៉ាទឹកកក) ចំនួន២កញ្ចប់តូច ស្មើនីង០,៧ក្រាម ហើយជនសង្ស័យបានឆ្លើយសារភាព។ 
បន្ទាប់ពីទទួលបានចម្លើយសារភាព ពីជនសង្ស័យ លោក អនុសេនីយ៍ទោ វ៉ាន វិបុល បានសុំការឯកភាព និងមានការបញ្ជាផ្ទាល់ ពីលោក សាយ ណូរ៉ា ព្រះរាជអាជ្ញារង អមសាលាដំបូងខេត្តកំពង់ធំ ឲ្យដឹកនាំកំលាំងចុះ ពីបង្ក្រាបគោលដៅទី២ នៅព្រឹកថ្ងៃទី ២០ ខែសីហា ឆ្នាំ ២០១៤ វេលាម៉ោង១០.៤០នាទីនៅចំនុចភូមិ ទី១ សង្កាត់កំពង់ធំ ក្រុងស្ទឹងសែន ខេត្តកំពង់ធំ ដោយកំលាំងសមត្ថកិច្ចបានចូលឆែកឆេរ លំនៅដ្ឋានរបស់ អ្នកស្រី ចាន់ មីលី អាយុ ៣៦ឆ្នាំ មានមុខរបរបំរើស្រាបៀរ សមត្ថកិច្ចបានទះឃើញ មានទូរស័ព្ទ ៦គ្រឿង ថ្នាំញៀនប្រភេទ ម៉ាទឹកកក ២កញ្ចប់ធំ ថវិការចំនួន ៨០ម៉ឺន២៥ដុល្លា ព្រមទាំងឧបករណ៍សម្រាប់ចែករំលែក គ្រឿងញៀនមួយចំនួន។
ក្រោយមកសមត្ថកិច្ចបានឃាត់ខ្លួនជនសង្ស៧យឈ្មោះ ចាន់មីលី និងលោក យ៉ា រ៉ូម៉ាន់ អាយុ រស់នៅភូមិ ព្រែកក្តាម ឃុំ កំពង់លូង ស្រុកពញ្ញាលឺ ខេត្តកណ្តាល ត្រូវជាប្តីប្រពន្ឋនឹងគ្នា ជនសង្ស័យទាំងបីនាក់ត្រូវបានសមត្ថកិច្ច បញ្ជូនមកស្នងការនគរបាល ខេត្តកំពង់ធំ ដើម្បីធ្វើកសាងសំណុំរឿង បញ្ជូនទៅកាន់តុលាការ ដាក់ទោសតាមច្បាប់។ ប្រជាពលរដ្ឋបានសម្តែងនូវការកោរសរសើរ ចំពោះការខិតខំប្រឹងប្រែង របស់សមត្ថកិច្ចប៉ុស្តិ៍រដ្ឋបាល និងអធិការ ក្រុងស្ទឹងសែន បានក្របួចជនចែកចាយគ្រឿងញៀន បង្ករអសន្តិសុខដល់ប្រជាពលរដ្ឋ និងសុំជួយ ជាកំលាំងចិត្ត កំលាំងកាយជម្រុញឲ្យមានការខិតខំបន្ថែមទៀត ដើម្បីជួយសង្គ្រោះសង្គមឲ្យរួចផុតពីគ្រោះ មហន្តរាយដោយសារសារធាតុញៀន
។
