ខេត្តបន្ទាយមានជ័យ: ជាសក្ខីភាពបង្ហាញអោយកាន់តែច្បាស់ថែមទៀតនូវការគិតគូរនិងយកចិត្តទុកដាក់គ្រប់ពេលវេលា របស់ថ្នាក់ដឹកនាំគណបក្សប្រជាជនកម្ពុជា ចំពោះកិច្ចកានយោបាយការងារដឹកនាំបក្ស ពោលគឺ ដើម្បីនិរន្តភាពនៃការការពាប្រៀបឈ្នះនាពេលខាងមុខ លោក ម៉ុន មី សមាជិកអចិន្ត្រៃយ៍គណកម្មាធិការគណបក្សខេត្ត ត្រូវបានប្រកាសតំណែង ជាសមាជិកកណកម្មការបក្សខេត្តនិងជា ប្រធានគណកម្មាធិការគណបក្សប្រជាជនកម្ពុជាស្រុុកមង្គលបូរីនាព្រឹកថ្ងៃទី ២០ សីហា ២០១៤នៅគណបក្សប្រជាជនកម្ពុជាស្រុកមង្គលបូរី។ មានវត្តមានឯកឧត្ដម អ៊ុង អឿន ប្រធានគណកម្មាធិការគណបក្សប្រជាជនកម្ពុជាខេត្តបន្ទាយមានជ័យ និង សមាជិកគណបក្សប្រជាជនកម្ពុជាជាច្រើនរូបទៀតចូលរួមអបអរសាទរ។
ក្នុងសេចក្តីសម្រេចលេខ ២៧៤០៦ស ស គ កប្រកាសតែងតាំងលោក មុន មីជាប្រធានគណៈកម្មាធិការបក្សស្រុកមង្គលបូរីជាផ្លូវការ លោក មុន មី ប្តេជ្ញាចិត្តថាគោរពបទបញ្ជាផ្ទៃក្នុងគណបក្សឲ្យបានល្អ ចូលរួមអនុវត្តន៍គោលនយោបាយភូមិឃុំសុវត្ថិភាពជូនប្រជាពលរដ្ឋឲ្យមានប្រសិទ្ធភាពខ្ពស់ដើម្បីរក្សាសន្តិសុខជូនប្រជាពលរដ្ឋអនុវត្តន៍គោលនយោបាយរបស់រាជរដ្ឋាភិបាល។
ឯកឧត្ដម អ៊ុង អឿនបានថ្លែងថា:ក្នុងពិធីប្រកាសតែងតាំងនោះថាក្រោមការដឹកនាំរបស់គណបក្សប្រជាជនកម្ពុជាបានដាក់ចេញនូវគោលនយោបាយដ៏ត្រឹមត្រូវធ្វើឲ្យប្រទេសជាតិទទួលបាននូវសុខសន្តិភាពនិងបញ្ចប់សង្គ្រាមក្រោមនយោបាយឈ្នះឈ្នះរបស់សម្តេច តេជោ ហ៊ុនសែននាយករដ្ឋមន្ត្រីនៃប្រទេសកម្ពុជារយៈពេលកន្លងមកសម្រេចបាននូវសមិទ្ធផលនិងស្នាដៃធំៗជាច្រើនក្នុងប្រវត្តិសាស្ត្រ។
ឯកឧត្ដម អ៊ុង អឿន ផ្តាំផ្ញើដល់ប្រធានគណៈកម្មាធិការបក្សស្រុកមង្គលបូរីជាផ្លូវនោះត្រូវយកចិត្តទុកដាក់បទបញ្ជាផ្ទៃក្នុងរបស់គណបក្ស និងត្រូវចូលរួមអនុវត្តន៍គោលនយោបាយភូមិឃុំសុវត្ថិភាពឲ្យបានល្អ ខិតខំធ្វើកិច្ចសហប្រតិបត្តិការជាមួយ អាជ្ញាធរនិងអង្គការជាតិអន្តរជាតិសប្បុរសជនឲ្យកាន់តែជិតស្និទ្ធថែមទៀតដើម្បីពង្រឹងកំលាំងរបស់បក្សឲ្យបានរឹងមាំដើម្បីឲ្យទទួលបានជ័យជំនះនៅពេលបោះឆ្នោតខាងមុខ៕ដោយ:ឃិន គន្ធា