ព្រះវិហារ៖ ឯកឧត្តម នាយឧត្តមសេនីយ៍ ហ៊ូ សាគុណ អគ្គស្នងការរងនគនគរបាលជាតិ ប្រធាននាយកដ្ឋានកណ្តាលនគរបាលព្រំដែន នៅថ្ងៃទី០៣ ចុងសប្តាហ៍នេះ បាននាំយកអំណោយដ៏ថ្លៃថ្លា របស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ឧបត្ថម្ភដល់កងកម្លាំងនគរបាលជាតិ ដែលកំពុងឈរជើងការពារទឹកដី នៅទិសយោធភូមិភាគទី៤ ក្នុងភូមិសាស្ត្រខេត្តព្រះវិហារ នាឱកាសចុះសួរសុខទុក្ខ នៃពិធីបុណ្យភ្ជុំបិណ្ឌ រួមមាន៖ មី, ត្រីខ, ទឹកភេសជ្ជះ នឹងថវិការ ចំនួន ៤០លានរៀល ។
នៅក្នុងពិធីប្រគល់អំណោយនេះ ឯកឧត្តម នាយឧត្តមសេនីយ៏ ហ៊ូ សាគុណ អគ្គស្នងការរងនគនគរបាលជាតិ ប្រធាននាយកដ្ឋានកណ្តាលនគរបាលព្រំដែន បានថ្លែងថា ក្នុងបរិបទនេះកងកម្លាំងនគរបាលជាតិ គឺដៃម្ខាងការពារបូរណភាពទឹកដី នឹងដៃម្ខាងទៀតប្រយុទ្ធប្រឆាំង នឹងជំងឺកូវីដ-១៩ ។
អគ្គស្នងការរងនគរបាលជាតិ នាយឧត្តមសេនីយ៍ ហ៊ូ សាគុណ បានសង្កត់ធ្ងន់ថា ស្ថិតក្នុងបរិបទមួយ ដែលបច្ចុប្បន្ននេះ មេរោកូវីដ-១៩ បាននឹងកំពុងវាយលុក ធ្វើឲ្យកងកម្លាំងនគរបាលការពាព្រំដែនយើង ត្រូវបង្កើននូវស្មារតីបន្ថែមទ្វេរឡើង។ ហើយត្រូវចូលរួមចំណែកទប់ស្កាត់ការឆ្លងរាលដាលនៃជំងឺកូវីដ-១៩ ដោយអនុវត្តឲ្យបានទៀងទាត់តាមការណែនាំរបស់ក្រសួងសុខាភិបាល និងការណែនាំរបស់រាជរដ្ឋាភិបាល «៣កុំ និង៣ការពារ» ដើម្បីការពារខ្លួនយើង ក្រុមគ្រួសារ និងអង្គភាព ពីការឆ្លងជំងឺកូវីដ-១៩ និងត្រូវសម្របសម្រួលខ្លួនក្នុងការរស់នៅជាមួយបរិបទជំងឺកូវីដ-១៩ តាមបែបគន្លងថ្មី ហើយត្រូវថែរក្សាសុខភាព អនាម័យ ក្នុងការរស់នៅឲ្យបានល្អ ដោយប្រកាន់យកនូវការហូបស្អាត ផឹកស្អាត និងរស់នៅស្អាតជានិច្ច។
ជាមួយគ្នានេះ ឯកឧត្តម នាយឧត្តមសេនីយ៍ ហ៊ូ សាគុណ ក៏បានថ្លែងកោតសរសើរលើកទឹកចិត្ត នឹងវាយតំលៃខ្ពស់ចំពោះស្មារតីការតស៊ូ នឹងភាពអំណត់អត់ធន់ព្យាយាមប្រឈមនូវរាល់គ្រប់ឧបសគ្គ ក្នុងបុព្វហេតុការពារជាតិ ការពារបូរណភាពទឹកដីតាមបន្ទាត់ព្រំដែនទទួលបានលទ្ធផលល្អប្រសើរតបតាមប្រសាសន៍ ដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ដោយមិនឲ្យបាត់បង់មួយមីលីម៉ែតនោះនោះឡើយ ៕ សួនលីណា
