តាកែវៈ នាព្រឹកថ្ងៃទី២១.០៨.២០១៤ លោក ឥត សារ៉ាត់ អគ្គមេបញ្ជាការរង និងជាប្រធានក្រុមការងារថ្នាក់ជាតិ ចុះមូលដ្ឋានខេត្ត តាកែវ និងលោក ស៊ូ ភិរិន្ទ រដ្ឋលេខាធិការទីស្តីការគណៈរដ្ឋមន្ត្រី លោក ឡាយ វណ្ណៈ អភិបាល នៃ គណៈអភិបាលខេត្តតាកែវ ជាអធិបតីក្នុងអង្គប្រជុំនេះ និងមានការអញ្ជើញចូលរួមពីសំណាក់លោកអភិបាល រងខេត្តព្រមទាំងលោកស្នងការនគរបាលខេត្ត លោកមេបញ្ជាការកងរាជអាវុធហត្ថ លោក
មេបញ្ជាការសិករង ខេត្ត និងអធិការស្រុក ក្រុង មេបញ្ជាការអាវុធហត្ថស្រុក ក្រុង អភិបាលស្រុកទូទាំងខេត្តតាកែវ ដែលបាន អញ្ជើញចូលរួមក្នុងអង្គប្រជុំនេះផងដែរ នាឳកាសនោះផងដែរលោក ឡាយ វណ្ណៈ អភិបាលនៃគណៈអភិបាល ខេត្តតាកែវបានមានប្រសាសន៍នៅក្នុងអង្គប្រជុំនេះថា ៖ សូមអោយអាជ្ញាធ័រក្រុងស្រុកទាំងអស់យកចិត្តទៅលើ បញ្ហាភូមិឃុំមានសុវត្ថិភាព បង្ក្រាបល្បែងស៊ីសងគ្រប់ប្រភេទ និងបញ្ហាផ្សេងៗទៀត ដែលកើតមាននៅក្នុង មូលដ្ឋានត្រូវធ្វើការរាយការណ៍ជាបន្ទាន់មកថ្នាក់ខេត្ត ហើយលោកអភិបាលខេត្តបានសង្កត់ធ្ងន់លើបញ្ហាការ ពារ
សុវត្ថិភាពសណ្តាប់ធ្នាប់សារធារណៈជូនបងប្អូនប្រជាពលរដ្ឋ គឺផ្នែកសន្តិសុខចោរប្លន់ ជាដើមនៅខេត្តតាកែវ ២ ករណីកន្លងមកនេះ ដូច្នេះយើងត្រូវរួមគ្នាការពារទប់ស្កាត់កុំអោយកើតមានតទៅទៀតដើម្បីប្រជាពលរដ្ឋ និង ធ្វើអ្វីៗ អោយមានជំនឿ និងទំនុកចិត្តកុំអោយដូចស្រុកមួយចំនួនមាត់យកចិត្តទុកដាក់ធ្វើការដោះស្រាយជូន ប្រជាពលរដ្ឋទុកអោយគាត់មកប្តឹងដល់អភិបាលខេត្តទង្វើនេះជាការមិនល្អនោះទេបើមានបញ្ហាអ្វីដោះស្រាយ មិនចេញនៅតាមបណ្តាលមូលដ្ឋានត្រូវរាយការណ៍ រឺ ធ្វើរបាយការណ៍មកខេត្តជាបន្ទាន់ លោក តឹក តុងលីម អភិបាលស្រុកត្រាំកក់ បានមានប្រសាសន៍ថា បញ្ហាបង្ក្រាបល្បែងស៊ីសង និង ក្មេងទំនើងនៅតាមបណ្តាភូមិឃុំ លោក នឹងអញ្ជើញមេឃុំ មេភូមិ និង ប៉ុស្តិ៍រដ្ឋបាលអោយចាត់វិធានការទាំងនេះ ។
លោកឧត្តមសេនីយ៍ត្រី អ៊ុក សំណាង ស្នងការនគរបាលខេត្តតាកែវបានមានប្រសាសន៍ថា ផ្តោតលើបញ្ហាភូមិឃុំមានសុវត្ថិភាពសូមសំណូម ពរដល់បងប្អូនប្រជាពលរដ្ឋមេត្តាចូលរួមអោយបានសកម្មជាមួយអាជ្ញាធ័រដែលមានសមត្ថកិច្ចនៅតាមបណ្តា មូលដ្ឋាន និង ផ្តល់ព័ត៍មានជាបន្ទាន់ . លោក ឡា ឡៃ មេបញ្ជាការករងរាជអាវុធហត្ថខេត្តបានមានប្រសាសន៍ ថា ការងារអ្វីដែលកើតមានឡើងនៅស្រុកណាយើងត្រូវតែរួមគ្នាជួយគ្នាធ្វើការដោះស្រាយអោយបានទាន់ពេល វេលាដើម្បីប្រជាជនយើងជាតួនាទីរបស់យើងជាកងកម្លាំង។
លោក ឥត សារ៉ាត់ ប្រធានក្រុមការងារជំនាញ សម្របសម្រួល ជាមួយកងកម្លាំងប្រដាប់អាវុធបានមានប្រសាសន៍ថា សមាជិកក្រុមការងារដែលមានភារៈកិច្ច ទទួលខុសត្រូវក្នុងផែនការនេះត្រូវធ្វើផែនការរបស់ខ្លួនព្រមទាំងគ្រប់សកម្មភាពត្រូវធ្វើរបាយការណ៍ជូនប្រធានក្រុមការងារ ករណីមានការចាំបាច់ត្រូវរាយការណ៍ជាបន្ទាន់តាមទូរសព្ទ័រាល់សកម្មភាពទាំងឡាយ ។