ខេត្តបន្ទាយមានជ័យ៖ មានករណីគ្រោះថ្នាក់ចរាចរមួយបានកើតឡើងរវាងរថយន្តធុនធំដឹកអែស្កាវ៉ាទ័រថយក្រោយចូលផ្ទះមិនរួចយ៉កទៅមុខក៏បុកនិងរថយន្តនីសាន់ដឹកអេតចាយពេញនៅចំពាក់កណ្តាលផ្លូវបណ្តាលអោយស្ទះចរាចរជាងកន្លះម៉ោងតែសំណាងល្អពុំមានមនុស្សគ្រោះថ្នាក់ឡើយ ។ គ្រោះថ្នាក់ចរាចរនេះកើតឡើងនៅវេលាម៉ោង៥ល្ងាចថ្ងៃទី២១សីហា២០១៤លើកំណាត់ផ្លូវជាតិលេខ៥ស្ថិតភូមិជំទាវ ឃុំឫស្សីក្រោក ស្រុកមង្គល់បូរីខេត្តបន្ទាយមានជ័យ។
លោកវីរះសេនីយ៏ត្រីយ៉តសុផលអធិការស្រុកមង្គលបូរីបានប្រាប់ថាអ្នកយកព៌ត័មានឲ្យដឹងថា:មុនពេ លកើតហេតុមានរថយន្តធុនហ៊ីណូពាក់ផ្លាក់លេខភ្នំពេញ.3A.6603ដឹកអែស្កាវ៉ាទ័រមួយគ្រឿងបានថយក្រោយចូលផ្ទះប៉ុន្តែចូលមិនរួចក៏បានបើកឡើងលើផ្លូវវិញក៏បានជ្រុលទៅបុករថយន្តនីសាន់ពាក់ស្លាកលេខផ.0418.ភព3ដឹកអេតចាយមកស្របទឹសគ្នាចំមួយចំហៀងខាងឆ្វេងខាងមុខបែកខ្ទេចកញ្ចក់មុខនៅពាក់កណ្តាលផ្លូវជាតិលេខ៥បណ្តាលឲ្យកកស្ទះចរាចរជាងកន្លះម៉ោងតែមិនបណ្តាលរងរបួសអ្នកណាមួយឡើយ។
លោកយ៉តសុផលបាននិយាយបន្តថា:ក្រោយពេលកើតហេតុកំលាំងនគរបាលចរាចរទៅពិនិត្យឃើញថារថយន្តធុនធំដឹកអ៊ែស្កាវ៉ាទ័រអាយ៉ែរឆ្លងកាត់ផ្លូវចូលផ្ទះគ្មានអ្នកចេញមកសញ្ញាទើបណ្តាលអោយបុករថយន្តនីសាន់ដឹកអេតចាយដែលដឹកសំប៉េងសំប៉ោងគ្មានសណ្តាប់ធ្នាប់យ៉ងដូច្នេះ។ ហើយចំណែករថយន្តទាំង២គ្រឿងប៉ូលីសចរាចរអូសយកទៅអធិការស្រុកមង្គលបូរីដើម្បីរងចាំការដោះស្រាយតាមផ្លូវច្បាប់៕