រាជធានីភ្នំពេញ៖ជនសង្ស័យចំនួន ៩នាក់ត្រូវបានប៉ូលិសព្រហ្មទណ្ឌខណ្ឌ៧មករាសហការជាមួយប៉ូលីសខណ្ឌដូនពេញ ខណ្ឌឫស្សីកែវនិងព្រហ្មទណ្ឌកំរិតធ្ងន់ឃាត់ខ្លួននៅក្នុងប្រតិបត្តិការបង្ក្រាបជនសង្ស័យប្លន់កាលពី វេលាម៉ោង១១ព្រឹកថ្ងៃទី២៣ខែកុម្ភៈឆ្នាំ២០១៤នៅចំណុចផ្ទះហ្គេមលេខ៤០ផ្លូវចូលភោជនីយ៍ដ្ឋានចតុមុខខាងជើងស្ពានជ្រោយចង្វារក្នុងសង្កាត់ស្រះចក ខណ្ឌដូនពេញ។
ការឃាត់ខ្លួនជនង្ស័យ នេះបន្ទាប់ពីជនសង្ស័យចំនួន៣នាក់បានធ្វើសកម្មភាពគំរាមវាយប្លន់យកកាបូបប្រាក់ពីស្ត្រីម្នាក់ ជាបុគ្កលិកណាហ្គាវើលកាលពីវេលាម៉ោង៣និង៣០នាទីទៀបភ្លឺថ្ងៃទី២២ ខែកុម្ភៈឆ្នាំ២០១៤នៅច្រកឌឿនហែមនៅក្នុងសង្កាត់អូរឫស្សីទី៣ ខណ្ឌ៧មករា គឺប្លន់បាន១យប់ត្រូវបានមត្ថកិច្ចស្រាវជ្រាវឃាត់ខ្លួនបានតែម្តង។ ទោះបីជាយ៉ាងណាក្នុងចំណោមជនសង្ស័យដែលត្រូវចាប់ខ្លួនត្រូវបានសសមត្ថកិច្ចអោយដឹងថា ជាប់ពាក់ព័ន្ធធ្វើសកម្មភាពតែ២នាក់ប៉ុណ្ណោះតែក្នុងប្រតិបត្តិការត្រូវឃាត់សាកសួរទាំងអស់។
នៅពេលឃាត់ខ្លួនសមត្ថកិច្ចដកហូតបានម៉ូតូម៉ាកនិចពណ៌ខ្មៅលាយ ក្រហមមានស្លាកលេខភ្នំពេញ១CG.០៥៧៤មួយគ្រឿងដែលជននោះបានជិះធ្វើសកម្មភាពប្លន់។ ជនសង្ស័យដែលពាក់ព័ន្ធប្លន់១.ឈ្មោះ ប៉ែន មុនីករុណាហៅម៉ៅ អាយុ១៦ឆ្នាំ ស្នាក់នៅផ្ទះជួលក្នុងភូមិសាមគ្គី សង្កាត់ប្ញស្សីកែវខណ្ឌឫសស្សី កែវ, និង២.ឈ្មោះ លាង ឡុងនី អាយុ១៦ឆ្នាំ ជាសិស្សថ្នាក់ទី៧ ស្នាក់នៅផ្ទះលេខ២៩ ភូមិទួលសំបូរ សង្កាត់ព្រៃវែង ខណ្ឌដង្កោ។
តាមមន្ត្រីប៉ូលីស ខណ្ឌ៧មករា បានអោយដឹងថា ក្នុងចំណោមជនសង្ស័យដែលត្រូវឃាត់ខ្លួនមាន២នាក់ជាបក្សពួកសង្ស័យដែលបានធ្វើកម្មភាពប្លន់ស្ត្រីឈ្មោះម៉ៅ ពេជ្រពីលីកាអាយុ២០ឆ្នាំជាបុគ្គលិកផ្នែកកាសៀនៅណាហ្គា កាលពីវេលាម៉ោង៣និង៣០នាទីទៀបភ្លឺ ថ្ងៃទី២២ខែកុម្ភៈឆ្នាំ២០១៤នៅតាមផ្លូវឌឿនហែមក្នុង សង្កត់អូរឫស្សីទី៣ដោយយកអស់កាបូបមានប្រាក់១០០ដុល្លារនិង២ម៉ឺនរៀល,ជញ្ជៀនផ្លាទីន១វង់ទង្ងន់១ជីកន្លះនិងទូរស័ព្ទមួយគ្រឿង។
តាមមន្ត្រីប៉ូលីសរូបនោះបានអោយដឹងទៀតថា. នៅមុនពេលកើតហេតុជនជាជនរងគ្រោះបានជិះរថយន្តម៉ាកឡិចស៊ិសដោយមិត្តភក្កិប្រុសម្នាក់ជួនមកពីកន្លែងធ្វើការ។ នៅពេលដល់ផ្ទះចុះដើរតាមឌឿងហែមចូលទៅផ្ទះស្រាប់តែមានជនសង្ស័យចំនួន៣នាក់បានជិះម៉ូតូនិចមួយគ្រឿងខាងលើមកឈប់ក្បែរហើយ ពួកគេបានគំរាមវាយនឹងដែក៤ជ្រុងប្លន់យកកាបូបនិងទូរស័ព្ទរួចជិះគេចខ្លួន។ ក្នុងសម្មភាពប្លន់ស្ត្រីរងគ្រោះបានចាំស្លាកលេខម៉ូតូហើយបានប្តឹងសមត្ថកិច្ច។
ដោយមានការសហការរវាងនគរបាលព្រហ្មទណ្ឌខណ្ឌ៧មករា ជាមួយកម្លាំងនគរបាលព្រហ្មទណ្ឌកំរិតធ្ងន់ឈាន ទៅឆែកឆេររកអត្តញ្ញាណជនសង្ស័យនិងឈនទៅសហការជាមួយនគរបាលខណ្ឌឫស្សីកែវនិង នគរបាលខណ្ឌដូនពេញឃាត់ខ្លួនជនសង្ស័យដែលកំពុងប្រមូលផ្តុំគ្នាលេងហ្គេមព្រមទាំងដកហូត បានម៉ូតូដែលជិះធ្វើកម្មភាព។នៅរសៀលថ្ងៃទី២៣ខែកុម្ភៈសមត្ថកិច្ចបានបន្តស្រាវជ្រាវរកបក្សពួក ម្នាក់ទៀតដែលនៅសល់៕
