ខេត្តសៀមរាប : កិច្ចប្រជុំខាងលើនេះត្រូវបានរៀបចំធ្វើឡើងនៅសាលប្រជុំស្នងការដ្ឋាននគរបាលខេត្តសៀមរាប កាលពីព្រឹកថ្ងៃទី២៦ខែសីហាឆ្នាំ២០១៤ ក្រោមអធិបតី លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ។ មានប្រសាសន៍ក្នុងកិច្ចប្រជុំនាឱកាសនោះស្នងការនគរបាលខេត្តសៀមរាប លោក ឩត្តមសេនីយ៍ទោ សត ណាឌី បានបញ្ជាក់ថាដោយអនុវត្តតាមការយកចិត្តទុកដាក់ខ្ពស់ជាប្រចាំលើការ ការពារថែរក្សា សន្តិសុខ សុខវត្ថិភាព និងសណ្តាប់ធ្នាប់សង្គម ជូនថ្នាក់ដឹកនាំ គ្រប់លំដាក់ថ្នាក់ ក៏ដូចជាប្រជាពលរដ្ឋនិងការអនុវត្តនូវគោលនយោបាយភូមិឃុំមាន សុវត្ថិភាពឲ្យកាន់តែមាន សុវត្ថិភាពថ្វេរដង ពីសំណាក់ ឯ.ឩ នាយឩត្តមសេនីយ៍ នេត សាវឿន អគ្គស្នងការនគរបាលជាតិ ក្រសួងមហាផ្ទៃ។
ជាក់ស្តែងថ្ងៃនេះស្នងការដ្ឋាននគរបាលខេត្តសៀមរាបបានបើកកិច្ចប្រជុំនេះឡើងគឺក្នុងគោលបំណងដើម្បីដាស់តើនក្រើនរំលឹកក៏ដូចជាផ្លាស់ប្តូរបទពិសោធន៍ល្អៗពីគ្នាទៅវិញទៅមកនិងរិះរកនូវគ្រប់វិធានការជំនាញថ្មីៗដើម្បីយកទៅអនុវត្តបន្តនៅតាមបណ្តាការិយាល័យជំនាញនិងតាមបណ្តាមូលដ្ឋាន ក៏ដូចជា នូវតាមបណ្តាគោលដៅរៀងៗខ្លួនឲ្យកាន់តែទទួលបាននូវលិទ្ធផលល្អថ្វេរដង ។ 
លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប បានមានប្រសាសន៍បន្តថាលោកសង្ឃឹមយ៉ាងមុតមាំបន្ទាប់ពីកិច្ចប្រជុំ ត្រួតពិនិត្យវាយតម្លៃសកម្មភាពការងារគ្រប់ផ្នែករយះពេល១ឆ្នាំរបស់កងកម្លាំងនគរបាលជាតិចំណុះស្នងការដ្ឋាននគរបាលខេត្តសៀមរាបដែលមានវត្តអស់លោកលោកស្រីបានចូលរួមប្រជុំនិងទទួលបាននូវការផ្លាស់ប្តូរបទពិសោធន៍ល្អៗពីគ្នាទៅវិញទៅមកនិងរិះរកនូវគ្រប់វិធានការជំនាញថ្មីៗដើម្បីយកទៅអនុវត្តបន្តឲ្យកាន់មានប្រសិទ្ធភាពពិសេសត្រូវអនុវត្តនិងសម្រេចឲ្យបាននូវភារះកិច្ចស្នូលរៀងៗខ្លួនដែលថ្នាក់លើប្រគល់ជូន ទើបយើងអាចសម្រេចបានលិទ្ធផលល្អក្នុងការអនុវត្តនូវគោលនយោបាយភូមិឃុំមាន សុវត្ថិភាពព្រោះខេត្តសៀមរាបគឺជាតំបន់ទេសចរណ៍៕ ដោយ លោក ខេង ខេមរា 
