កំពង់ឆ្នាំង៖នេះសំដីរបស់លោក ជ័យ សាលួន ប្រធានសហគមន៍អភិវឌ្ឍន៍កសិកម្មជ័យជំនះឃុំគោកបន្ទាយ ដែលបាននិយាយទៅកាន់សមាជឹកក្នុងអង្គប្រជុំវិសាមញ្ញស្ងាត់ៗមួយ នៅព្រឹកថ្ងៃទី០២ ខែកញ្ញា ឆ្នាំ២០១៤ នៅក្នុងសហគមន៍អភិវឌ្ឍន៍ជ័យជំនះឃុំគោកបន្ទាយ ដើម្បី
បណ្តេញគូទំនាស់ម្នាក់ចេញ។ សមាជឹកក្នុងសហគមន៍រិះគន់ថា ការប្រជុំលួចលាក់នេះខុសច្បាប់ ខុសលក្ខ័និក្កៈរបស់សមាគមន៍ ព្រោះគ្មានវត្តមានអាជ្ញាធរមូលដ្ឋាន និងមន្ទីរពាក់ព័ន្ធចូលរួម ដោយលោក ជ័យ សាលួន ធ្វើជាអ្នកទាត់បាល់ផង ចាប់បាល់ផង និងអាជ្ញាកណ្តាលផង។
សមាជឹកក្រុមប្រឹក្សាភិបាលក្នុងសហគមន៍ខាងលើបានថ្លែងអោយដឹងថា៖ លោកប្រធានសហគមន៍ និងលោកស្រសី សុខ សុឃៀង មានទំនាស់ជាមួយគ្នាយូរឆ្នាំហើយ ក្នុរៀងប្អូនស្រី លោកស្រី សុខ សុឃៀង ខ្ចីលុយសហគមន៍មិនសង បែរជាលោកប្រធានសហគមន៍មកកាត់ប្រាក់ខែ លោកស្រី សុខ សុឃៀង សងជំនួសទៅវិញ។ ទើបពេលនេះគេបើកអង្គប្រជុំបោះឆ្នោតបណ្តេញលោកស្រីជាសមាជឹកក្នុងក្រុមប្រឹក្សាភិបាលសហគមន៍ ជាគូទំនាស់ជាមួយលោកប្រធានសហគមន៍ អោយចេញពីសហគមន៍ ដែលគេសង្កេតឃើញថានៅក្នុងសមាជឹកដែលបានចូលរួមប្រជុំនាព្រឹកនោះ ភាគច្រើនជាសាច់ញាតិបងប្អូនរបស់លោកប្រធានសហគមន៍នេះតែម្តង។
លោកស្រី សុខ សុឃៀង ជាសមាជឹកក្រុមប្រឹក្សាភិបាលដែលគេមានបំណងបោះឆ្នោត បណ្តេញចេញបានអោយអ្នកយកព័ត៌មានយើងដឹងថា៖នៅក្នុងនីតិវិធីបោះឆ្នោត នៃការបណ្តេញលោកស្រីចេញពីសហគមន៍ នៅក្នុងកម្មវិធីប្រជុំមានសមាជឹកចូលរួមតែ៤៧នាក់ប៉ុណ្ណោះ ភាគច្រើនជាសាច់ញាតិបងប្អូនរបស់លោកប្រធានសហគមន៍ ដែលនៅក្នុងចំនួនសមាជឹករួមជាង៥៦៣នាក់ ភាគច្រើមិនបានមកប្រជុំ ហើយនីតិវិធីបោះឆ្នោតព្រឹកនេះគឺមិនមានលក្ខណៈប្រជាធិប្បតេយ្យនិងជាសម្ងាត់នោះទេ ដែលលោកស្រីមិនអាចទទួលយកបានឡើយ។
នៅម៉ោង១២និង៣៤នាទីថ្ងៃត្រង់ ថ្ងៃទី០២ ខែកញ្ញានេះ លោក ជ័យ សាលួន ប្រធានសហគមន៍អភិវឌ្ឍន៍កសិកម្មជ័យជំនះឃុំគោកបន្ទាយ បានបញ្ជាក់ប្រាប់តាមទូរស័ព្ទថា៖លទ្ធផលនៅក្នុងកិច្ចប្រជុំវិសាមញ្ញរបស់លោកកាលពីព្រឹកម៉ិញគឺអ្នកគាំទ្រលោកស្រី សុខ សុឃៀង មានចំនួន ១៩នាក់ និង២៧នាក់បានបោះឆ្នោតដកគាត់ចេញ កុំអោយគាត់ចេះតែដើរបរិហាកេរ្ត៍សហគមន៍ប្រាប់ដល់អ្នកព័ត៌មានទៀត។លោកបានបន្តថា៖សមាជឹកទាំងអស់មាន៥៦៣នាក់ ហើយអ្នកដែលបានមកចូលរួមប្រជុំទាំង៤៧នាក់នោះសុទ្ធតែជាតំណាងក្រុមនីមួយៗនៅក្នុងសហគមន៍ ដោយយើងមិនអាចហៅសមាជឹកទាំងអស់មកបានទេ។ចំណែកលោកស្រី សុខ សុឃៀង គាត់មិនយល់ព្រមក្នុងកិច្ចប្រជុំលើកនេះទេ គាត់ចង់អោយបោះឆ្នោតវិសាមញ្ញម្តងទៀតដែលអនុឡោមទៅតាមច្បាប់វគ្គ២ មិនដឹងថាធ្វើថ្ងៃណាបានធ្វើពិតប្រាកដនោះទេ ប៉ុន្តែច្បាប់លើកក្រោយនេះមិនតំរូវអោយលើកជាក្រុមនោះទេ គឺមានសមាជឹក១០បោះឆ្នោត១០ មាន២០បោះឆ្នោត២០។
ដោយឡែកលោក ងិន ហ៊ុន ប្រធានមន្ទីរកសិកម្មខេត្តបានអោយដឹងថា៖កិច្ចប្រជុំវិសាមញ្ញរបស់លោក ជ័យ សាលួន នេះគឺមិនត្រឹមត្រូវទៅតាមច្បាប់របស់សហគមន៍ក្នុងប្រទេសកម្ពុជាឡើយ ខណៈការបោះឆ្នោតរបស់ គាត់គឺធ្វើផ្ទុយស្រឡះពីនីតិវិធីនិងលក្ខ័ន្តិកៈសហគមន៍ ដែលករណីនេះលោកមិនអាចទទួលយកបានឡើយ។កន្លងមកគូរទំនាស់រវាងលោក ជ័យ សាលួន និងលោកស្រី សុខ សុឃៀង ត្រូវបានមន្ទីរកសិកម្មខេត្ត ក្រសួងកសិកម្ម ចុះទៅដោះស្រាយជាច្រើនលើកច្រើនសារ តែពួកគាត់មិនទទួលយកនិងធ្វើតាមឡើយ ដែលករណីនេះតាមផែនការរបស់ក្រសួង នឹងត្រូវបើកកិច្ចប្រជុំផ្ទៃក្នុងមួយនៅថ្ងៃទី០៤ ខែកញ្ញាខាងមុខនេះដើម្បីដោះស្រាយ និងអាចឈានដល់ការធ្វើសមាជ(មហាសន្និបាត)ក្នុងសហគមន៍នាពេលឆាប់ៗខាងមុខ ដើម្បីបញ្ចប់វិវាទរ៉ាំរ៉ៃខាងលើ។
នៅក្នុងកិច្ចប្រជុំវិសាមញ្ញកាលនេះគេសង្កេតឃើញលោក ជ័យ សាលួន ដែលជាប្រធានសហគមន៍ បានប្រើពាក្យសំដីអសុរសនិងមិនសមរម្យជាច្រើនទៀតនៅក្នុងអង្គប្រជុំ ដៀមដាមទាំងអ្នកកាសែតទៀតផង ដែលបញ្ហានេះសមាជឹកនៅក្នុងសហគមន៍យល់ថា មានតែធ្វើមហាសន្និបាតបោះឆ្នោតជ្រើសរើសប្រធានសហគមន៍ និងសមាជឹកក្រុមប្រឹក្សាភិបាលទេថ្មីទើបបញ្ចប់រឿងនេះបាន៕