ខេត្តតាកែវ៖ បងប្អូនប្រជាពលរដ្ឋចំនួន ៣ភូមិនៅក្នុងឃុំឧត្តមសូរិយ៉ា ស្រុកត្រាំកក់ ខេត្តតាកែវបានមានទំនាស់ដីខ្នងប្រឡាយមានប្រវែង ប្រហែល៦០ម៉ែត្រ ទំហំប្រហែល ៥ម៉ែត្រទទឹង ហើយខ្នងប្រឡាយពួកគាត់ធ្លាប់ធ្វើដំណើរចេញចូលដឹកផលដំណាំគ្រប់រដូវរាង រាល់ឆ្នាំហើយខ្នងប្រឡាយនេះត្រូវបានបងប្អូនមួយគ្រួសារគាត់យកធ្វើជាកម្មសិទ្ធផ្ទាល់ខ្លួនទៅវិញ នេះជាបញ្ហារបស់គាត់ តែសំណាងល្អណាស់នៅរសៀលថ្ងៃទី០៤.០៩.២០១៤ នេះផងដែរ លោក ឡាយ វណ្ណៈ អភិបាលនៃគណៈអភិបាលខេត្តតាកែវ រួម ដំណើរជាមួយមន្ត្រីពាក់ពន្ធ័ និងអាជ្ញាធ័រមូលដ្ឋានបានអញ្ជើញចូលទៅដល់ចំណុច ភូមិ តាលឿ ឃុំឧត្តសូរិយា បានធ្វើការវ៉ែកញ៉ែក ដោះស្រាយទៅលើបញ្ហាដីធ្លីនេះបានទទួលលទ្ធផលល្អជូនបងប្អូនប្រជាពលរដ្ឋនៅទីនោះបានសម្រេចដោយរយៈពេលខ្លី ក្នុងឳកាស នោះផងដែរ លោក ឡាយ វណ្ណៈ អភិបាលនៃគណៈអភិបាលខេត្តតាកែវបាន
មានប្រសាសន៍សម្របសម្រួលជូនបងប្អូនទាំអសងខាងថា៖ បញ្ហាដីខ្នងប្រឡាយនេះជាដីរបស់យើងទាំងអស់គ្នាហើយបងប្អូនឈប់លឺមាត់លឺអីទៀតបើដីខ្នងប្រឡាយនេះ ជាដី សាធារណៈ ទុកអោយបងប្អូននៅតំបន់នេះប្រើប្រាស់ទៅតាមតម្រូវការរបស់បងប្អូនហើយចាប់ពីពេលនេះតទៅសូមអោយបងប្អូន រួមគ្នាសាមគ្គីគ្នាអោយបានសកម្ម ថែរក្សាផ្លូវនេះ ក៏ដូនជាផ្លូវដទៃទៀតផងដែរពីព្រោះផ្លូវថ្នល់ទាំងអស់បំរើផលប្រយោជន៍ដល់បងប្អូនទាំងអស់គ្នា ដូច្នេះបងប្អូនពូមីងទាំងអស់មេត្តាអធ្យាស្រ័យ ហើយប្រឡាយនេះជាផ្លូវទឹក បើកចេញចូលពេលណាទឺកជនលិចលង់ បើកចេញពេលណាត្រូវការទឹកបូមបញ្ចូលស្រោចស្រប់ដដីស្រែបងប្អូនទៀត ។
ក្រោយមកលោកអភិបាល បានទទួលការយល់ព្រមពីភាគីទាំង ២ ហើយក៏បានសម្រេចបោះបង្គោលក្បាលដីសងខាងហើយលោកអភិបាលតាកែវបានអោយ មន្ទីរធនធានទឹក ខេត្តតាកែវស្តាប្រឡាយនេះឡើងវិញជូនប្រជាពលរដ្ឋអោយប្រើប្រាស់ជាធម្មតា។ (វាសនាតាកែវ) បិទអង្គសិខាសាលាស្តីពីការពាក់មួកសុវត្ថិភាពរាល់ពេលធ្វើដំណើរជិត ឫ ឆ្ងាយ និងគ្រប់ពេលវេលាបើពិសារគ្រឿងស្រវឹងសូមកុំបើកបរ នៅរសៀលថ្ងៃទី04-09-2017 លោក សម កុសល នាយកនាយកដ្ឋានធនធានមនុស្ស និងទីស្នាក់ការកណ្តាលសាខាកាកបាទ ក្រហមកម្ពុជា និងលោកស្រី នូ សុវណ្ណនីប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ ជាគណៈអធិបតីក្នុងអង្គ ពិធីនេះផងដែរ ។
អង្គពិធិនេះមានការអញ្ជើញចូលរួមពីសំណាក់អស់លោកលោកស្រីមន្ត្រីក្រោមឳវាទរបស់សាខាកាកបាទក្រហម កម្ពុជាខេត្តតាកែវ និងមន្ត្រីនគរបាលចរាចរណ៍ផ្លូវគោគខេត្តតាកែវ ព្រមទាំងសិក្ខាកាមសរុប 160 នាក់ ជាយុវជន និងអ្នកស្ម័គ្រចិត្ត នៃសាខាកាកបាទក្រហមកម្ពុជាខេត្តតាកែវបានអញ្ជើញចូលរួមក្នុងអង្គសិក្ខាសាលារយៈពេល ១ថ្ងៃនៅសាលាគរុកោសល្យ និង វិក្រិត្យការខេត្តតាកែវ ។ អង្គពិធីនេះផងដែរក្រោមការចូលរួមឧបត្ថម្ភដោយអង្គការសុខភាពពិភពលោក និងក្រោមកម្មវិធីសុវត្ថិភាពចរាចរណ៍សកលរបស់ ប្លូមបឺតភីលែលត្រីភី។ នាឳកាសនោះផងដែរ លោកស្រី នូ សុវណ្ណនី ប្រធានគណៈកម្មាធិការ សាខា កាកបាទក្រហមកម្ពុជាខេត្តតាកែវ បានមានប្រសាសន៍នៅក្នុងអង្គពិធីបិទវគ្គសិក្ខាសាលានេះថា ៖ សារៈសំខាន់ពីរ របស់អង្គសិក្ខា សិលានេះគឺ ពាក់មួកសុវត្ថិភាពរាល់ពេលធ្វើដំណើរ ជិត ឫ ឆ្ងាយ និង គ្រប់ពេលវេលាបើពិសារគ្រឿងស្រវឹងកុំបើកបរ ហើយក្នុង គោលបំណងបង្កើននូវការយល់ដឹងពីការគោរពច្បាប់ចរាចរណ៍ ដើម្បីការពារ អាយុជីវិតរបស់យើង គ្រប់គ្នានេះជាបញ្ហាមួយ យ៉ាងសំខាន់ក្នុងការចូលរួមចំណែកក្នុងការកាត់បន្ថយនូវអត្រាគ្រោះថ្នាក់របស់បងប្អូនយើងផងដែរ ។
ពាក់ពន្ធ័ទៅលើបញ្ហានេះលោកស្រី ប្រធានបានបន្តថា៖ សុវត្ថិភាពចរាចរណ៍ផ្តោតលើសារៈប្រយោជន៍នៃការពាក់មួកសុវត្ថិភាពចំពោះអ្នកបើកបរម៉ូតូ និងអ្នករួមដំណើរ ហើយនិងការមិនបើកបរក្រោមឥទ្ធិពលគ្រឿងស្រវឹងចំពោះអ្នកប្រើប្រាស់គ្រឿងយន្ត យានយន្តគ្រប់ប្រភេទ ហើយសកម្ម ភាពអប់រំផ្សព្វផ្សាយអំពីសុវត្ថិភាពជាប់ជាប្រចាំជាពិសេសរៀងរាល់ចុងសប្តាសហ៍ដោយយុវជនកាកបាទក្រហមកម្ពុជាក្រោម ការដឹកនាំដ៏ខ្ពងខ្ពស់របស់សម្តេចគតិព្រឹត្តបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា តែងតែបានគិតគូរយកចិត្តទុកដាក់ទៅលើបញ្ហានេះជាចម្បង ។
លោកស្រីប្រធានបានបន្តទៀតថា ៖ នៅក្នុងប្រទេសកម្ពុជា ការស្លាប់ និងការរងរបួលដោយគ្រោះថ្នាក់ចរាចរណ៍ គឺជាបញ្ហាសុខភាពសាធារណៈ គួរអោយព្រួយបារម្ភណ៍ និងធ្វើអោយប៉ះពាល់ដល់អាត្រាក្រីក្ររបស់ប្រជាពលរដ្ឋផងដែរ ។ ក្នុងឆ្នាំ២០១៣ យោងតាមរបាយការណ៍របស់ប្រពន្ធ័ព័ត៍មានជនរងគ្រោះដោយសារគ្រោះថ្នាក់ចរាចរណ៍បានអោយដឹង
ថា ៖ មានអ្នកស្លាប់ចំនួន ១៥៥០នាក់ ដោយសារគ្រោះថ្នាក់ចរាចរន៍ ដូច្នេះបងប្អូន កូនក្មួយទាំងអស់ពេលត្រឡប់ទៅវិញមេត្តាជួយធ្វើការអប់រំនិងផ្សព្វផ្សាយទៅដល់បងប្អូនយើងនៅតាមបណ្តាមូលដ្ឋានអោយគាត់បានជ្រាបដឹងពីច្បាប់ចរាចរណ៍ផ្លូវគោគ នៅពេល បើកបរត្រូវពាក់មួកសុវត្ថិភាព អោយបានគ្រប់ៗគ្នាហើយគោរពច្បាប់និងមានការអធ្យាស្រ័យគ្នារវាងគ្នានិងគ្នា នៅពេលបើកបរ ។ បន្ទាប់មកគណៈអធិបតីបានចែកមួកសុវត្ថិភាពចំនួន 160នាក់ ក្នុងម្នាក់ទទួលបានមួក១ ជូនដល់សិក្ខាកាមទាំងអស់៕
