ភ្នំពេញ: ជនសង្ស័យចំនួន១១នាក់ត្រូវបានកម្លាំងអធិការដ្ឋាន នគរបាលខណ្ឌជ្រោយចង្វារ បើកប្រតិបត្តិការស្រាវជ្រាវ និងបង្ក្រាបបាន
នៅថ្ងៃទី១២ ខែកុម្ភៈ ឆ្នាំ២០២២នេះ វេលាម៉ោង១៨:០០នាទី កម្លាំងផ្នែកប្រឆាំងគ្រឿងញៀន សហការជាមួយកម្លាំងអន្តរាគមន៍ និងប៉ុស្តិ៍នគរបាលរដ្ឋបាល ព្រែកលៀប បើកប្រតិបត្តិការចុះបង្ក្រាបករណីជួញដូរ និងប្រើប្រាស់ដោយខុសច្បាប់ នូវសារធាតុញៀន នៅចំណុចផ្លូវលំ ក្រុម៦ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ បានឃាត់ខ្លួនអ្នកជួញដូរថ្នាំញៀន៤នាក់ និង អ្នកប្រើប្រាស់ចំនួន ៧នាក់។
វត្ថុតាំងដកហូត៖ ថ្នាំញៀន ចំនួន ៣៤កញ្ចប់តូច
បច្ចុប្បន្នជនសង្ស័យ និងវត្ថុតាង កំពុងឃាត់ខ្លួននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់ ៕
