ភ្នំពេញ៖រថយន្តហាយលែនឌឺបើកដោយបុរសជនជាតិចិនអមដោយនារីជនជាតិម្នាក់ជ្រុលទៅបុក ជាមួយម៉ូតូរីម៉កកង់បីប៉ុន្តែមិនបណ្តាលឲ្យនរណាម្នាក់រងរបួសនោះទេ។ ប្រភពពត៌មានពីកន្លែង កើតហេតុបានឲ្យដឹងថា នៅមុនពេលកើតហេតុមានម៉ូតូរីម៉កកង់បីមួយគ្រឿង ពាក់ស្លាកលេខ ភ្នំពេញ
1BC-6925បើកដោយបុរសម្នាក់ហ្សង រ៉ា អាយុ៥៣ឆ្នាំ ស្នាក់នៅភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ តាមបណ្តោយផ្លូវមហាវិថីសហព័ន្ឋរុស្សី ក្នុងទិសដៅ ពីលិចទៅកើត មកដល់ចំណុចកើតហេតុស្រាប់តែមានរថយន្តហាយលែនឌឺ ពណ៌ទឹកប្រាក់ ពាក់ស្លាកលេខភ្នំពេញ 2J-7795 បើកដោយបុរសជនជាតិចិននិងរួមដំណើរដោយស្ត្រីជនជាតិចិនមា្នក់ តាមបណ្តោយផ្លូវសហព័ន្ឋរុស្សី ក្នុងទិសដៅពីកើតទៅលិច គោលបំណងបើកបត់ឆ្លងផ្លូវ ក៏មកបុកចំពីមុខម៉ូតូរីម៉កកង់បីប៉ុន្តែមិនបណ្តាលឲ្យនរណាម្នាក់រងរបួសនោះទេ។
ក្រោយពេលកើតហេតុភាគីទាំងសងខាងបានធ្វើការសម្របសម្រួលគ្នានៅនិងកន្លែងកើតហេតុ ដោយមិនបានពាក់ព័ន្ឋដល់សមត្ថកិច្ចនោះទេ៕