ខេត្តបាត់ដំបង ÷ យុវជនម្នាក់បានបាត់បង់ជីវិតភ្លាមៗនៅនឹងកន្លែង ខណ:កំពុងជិះម៉ូតូ ស្រាប់តែត្រាក់ទ័រដែលបើកនៅខាងមុខ បត់ឆ្វេងដោយគ្មានផ្តល់សញ្ញា ក៏ត្រូវម៉ូតូជ្រុលទៅបុកយ៉ាងពេញទំហេងតែម្តង។
ហេតុការណ៍នះ បានកើតឡើងនៅព្រឹកថ្ងៃទី ២៧ ខែមេសា ឆ្នាំ២០២២ វេលាម៉ោង ៦ និង ២៥ នាទី នៅលេី កំណាត់ផ្លូវជាតិលេខ៥៩ ត្រង់ចំណុចភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។
ករណីគ្រោះថ្នាក់ចរាចរណ៍នេះដែរ គឺបាន បង្កឡេីងដោយត្រាក់ទ័រ ១ គ្រឿង ដែលបានបើកបរពីជើងទៅត្បូង លុះដល់ត្រង់ចំណុចកើតហេតុខាងលើ ក៏បានបត់ចូលទៅចម្ការ ដោយមិនបានមើលមុខ មើលក្រោយអោយបានច្បាស់លាស់ ទើបត្រូវម៉ូតូដែលបើកបរមកពីក្រោយបុកពេញទំហេងទៅលើដែករ៉ៃត្រាក់ទ័រ និងបានស្លាប់ភ្លាមៗតែម្តង។
ជនរងគ្រោះមានឈ្មោះ សេង ពិសិទ្ធ ភេទប្រុសអាយុ ១៩ ឆ្នាំ រស់នៅក្នុងភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាក់ដំបង គោលដៅស្របទិសគ្នា ពីជេីងទៅក្បូង ដោយភ្លាមៗនោះដែរអ្នកបើកបរត្រាក់ទ័របានដាក់មេផាយបាត់ស្រមោលមុនពេលសមត្ថកិច្ចចុះទៅដល់។
ក្រោយពីសមត្តកិច្ចជំនាញចរាចរណ៍បានធ្វេីការវាស់វេងរួច ក៏ប្រគល់សាកសពជូនទៅសាច់ញាតិយកទៅធ្វេីបុណ្យតាមប្រពៃណី ចំណែកវត្ថុតាងត្រូវបានសមត្តកិច្ចយកទៅរក្សាទុកនៅប៉ុស្តិ៍នគរបាលដ្ឋបាលភ្នំព្រឹក ជាបណ្តោះអាសន្ន ៕ អត្ថបទ : ព្រាប.ស