ភ្នំពេញ-បុរសជនជាតិអូស្ត្រាលីម្នាក់បានរងរបួសធ្ងន់ធ្ងរខណះពេលស្រវឹងស្រាជោកជាំទៅឈរកាន់បង្កាន់ដៃថ្មនៅមុខផ្ទះជាន់ទី១បណ្តាលអោយរអិលដៃធ្លាក់ចុះមកដី ដែលហេតុការណ៍នេះបង្កអោយមានភាពភ្ញាក់ផ្អើលកាលពីវេលាម៉ោង៩នឹង១០នាទីយប់នៅចំណុចផ្ទះលេខ១០៦A ផ្លូវ៥៩២
ស្ថិតក្នុងសង្កាត់បឹងកក់ទី២ខណ្ឌទួលគោក។ បុរសជនជាតិអូសស្ត្រាលីខាងលើឈ្មោះអេឡិច ស៊ី អាយុ៣២ឆ្នាំ ជាគ្រូបង្រៀនភាសាអង់ក្លេសនៅវិទ្យាស្ថានឯកជនមួយស្នាក់នៅផ្ទះជួលជាន់ទី១កើតហេតុខាងលើ។ តាមការអោយដឹងពីរនារីជាមិត្តភក្តិបុរសជនជាតិអូស្ត្រាលីខាងលើសុំមិនបញ្ចេញឈ្មោះបានប្រាប់សមត្ថកិច្ចនឹងក្រុមអ្នកយកពត៏មានថា មុនពេលកើតហេតុរូបគាត់បានឃើញបុរសជនជាតិអូស្ត្រាលីខាងលើបានអង្គុយផឹកស្រាបៀរតែម្នាក់ឯងនៅក្នុងផ្ទះ តាំងពីម៉ោងយ៥ល្ងាចរហូតដល់ម៉ោងកើតហេតុខាងលើមិនដឹងជាយ៉ាងម៉េចក៏បានមកឈរកាន់បង្កាន់ដៃថ្មនៅខាងមុខផ្ទះជាន់ទី១នោះបណ្តាលអោយរអិលដៃធ្លាក់មកដីបែកក្បាលហូរឈាម កក្លាក់របួសធ្ងន់ធ្ងរ ត្រូវបានប្រជាពលរដ្ឋរស់នៅក្បែរៗនោះជួយធ្វើចលនាដង្ហើមនឹងហៅសមត្ថកិច្ចនឹងរថយន្តសាមុយមកដឹកយកជនរងគ្រោះខាងលើយកទៅធ្វើការសង្គ្រោះ។នារីជាមិត្តភក្តិបុរសជនជាតិអូស្ត្រាលីរូបនោះបានបញ្ចាក់អោយដឹងទៀតថាការដែលបុរសជនជាតិអូសស្ត្រាលីនេះ១ថ្ងៃៗផឹកតែស្រាស្រវឹងរៀងរាល់ថ្ងៃនឹងមកពីររូបគេរងសម្ពាត់ផ្លូវចិត្តខ្លាំងពេករហូតរកវិធីដោះស្រាយមិនបាន ពីរព្រោះរៀលថ្ងៃរូបគាត់តែងតែឃើញបុរសបរទេសរូបនោះផឹកស្រាជាប្រចាំពេលគាត់សួរថាកើតអីបុរសបរទេសរូបនោះបានត្រឹមតែប្រាប់ថារូបគេមានបញ្ហាជាមួយគ្រួសារជាច្រើននៅឯលប្រទេសគេដោយដោះស្រាយគ្នាមិនត្រូវទើបគេមករស់នៅឯលស្រុកខ្មែរតែម្តង់ទៅ ហើយរូបគាត់បានសួរថាមានបញ្ហាអីជាមួយគ្រួសារនៅឯលប្រទេសកំណើត តែបុរសបរទេសនោះមិនព្រមប្រាប់ទេ ហើយក៏មិនព្រមអោយនរណាដឹងនឹងជួយដោះស្រាយដែរ ។
តែបើតាមការអោយដឹងពីរប្រជាពលរដ្ឋដែលរស់នៅក្បែរៗនោះបានអោយដឹងថាមុនពេលកើតហេតុរូបគាត់បានឃើញបុរសជនជាតិអូស្ត្រាលីខាងលើនោះបានមករស់នៅក្នុងផ្ទះខាងលើនេះ រយះពេល៣ខែមកហើយដោយរយះពេល៣ខែនោះគាត់ឃើញបុរសជនជាតិអូស្ត្រាលីនោះស្រវឹងស្រាជារៀងរាល់ថ្ងៃតែម្តង់ លុះដល់យប់កើតហេតុក៏ឃើញបុរសជនជាតិអូស្ត្រាលីនោះបានអង្គុយផឹកស្រាបៀរនៅក្នុងផ្ទះរបស់ខ្លួននៅជាន់ទី១ ដោយផឹកស្រាអស់ជាច្រើនកំប៉ុង ក៏បានដើរមកឈរកាន់បង្កាន់ដៃនៅមុខផ្ទះដោយគាត់ស្រវឹងខ្លាំងពេកក៏កាន់បង្កាន់ដៃនោះមិនជាប់បណ្តាលអោយរអិលដៃក៏ធ្លាក់មកដីបែកក្បាលហូរឈាមកក្លាក់រងរបួសធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះបន្ទាននៅគ្លីនិចឯកជនមួយ។ក្រោយពេលកើតហេតុសមត្ថកិច្ចខណ្ឌទួលគោកកំពង់ធ្វើការទាកទងទៅស្ថានទូតអូស្ត្រាលីប្រចាំនៅកម្ពុជាដើម្បីស្វែងរកក្រុមគ្រួសារជនរងគ្រោះខាងលើផងដែរ៕
