កំពង់ធំ៖ បន្ទាប់ពីររាជរដ្នាភិបាលបានលុបចោលឡូនេសាទធ្វើអោយប្រជាពលរដ្នប្រកបរបរនេសាទជាលក្ខណៈគ្រូសារ និងប្រគល់ដែននេសាទ ទាំងនោះជូនសហគមន៍នេសាទ ចូលរួមគ្រប់គ្រង និងប្រើប្រាស់ធនធានឲ្យមាន និរន្តរភាព ប៉ុន្តែដោយសហគមន៍នេះ បានផុតអាណ្ណត្តិ និងគណៈកម្មការសហគមន៍ចាស់ មួយចំនួន បានផ្លាស់ប្តូរទីលំនៅ ទើបមានការបោះឆ្នោត ជ្រើសរើសគណៈកម្មការសហគមន៍ថ្មីនៅពេលនេះ ពិធីនេះ ត្រូវបានប្រារព្វឡើង ស្ថិតនៅភូមិចំបក់ខាងជើង ឃុំតាំងក្រសាំង ស្រុកសន្ទុក ដោយមានការចូលរួមពីរលោកពេជសុធា អភិបាលរងស្រុកសន្ទុក លោកប៉ែនវណ្ណរិទ្ធនាយខ័ណ្ឌរដ្នបាលជលផលកំពង់ធំ ព្រមទាំងនាយផ្នែក នាយសង្កាត់ មេភូមិ មេឃុំ និងប្រជាពលរដ្នជាច្រើនរយនាក់ដែលមកពីរ៣ភូមិក្នុង២ឃុំគីឃុំជ្រាប និងឃុំតាំងក្រសាំង ។
លោក ពេជ សុធា អភិបាលស្រុកសន្ទុក បានមានប្រសាសន៍ យោងតាមប្រសាសន៍សម្ដេច ហ៊ុនសែន ថាមិនទុកអោយប្រជាពលរដ្ន ណាម្នាក់អត់បាយស្លាប់ឡើយ មានន័យថាទុកអោយប្រជាពលរដ្ន នេសាទដោយស្របច្បាប់ ដោយសេរី តែហាមកាប់ព្រៃលិចទឹកជាជំរកត្រីពង កូន ហាមនេសាទប្រើឧបករណ៍ឆក់ត្រី ឬឧករណ៍ខុសច្បាប់ផ្សេងៗដែលត្រូវបានហាមឃាត់ គំរោងរាជរដ្នាភិបាលនិងបង្កើតប្រព័ទ្ធប្រឡាយទឹកសំរាប់អោយប្រជាពលរដ្នធ្វើស្រែប្រាំង និងសំរាប់ការដាំដុះដំណាំផ្សេងៗ ចៀសវាងការអោយកូនចៅចេញទៅរកការងារក្រៅប្រទេសដោយមានច្បាប់ឬខុសច្បាប់សុទ្ធតែប្រថុយប្រឋាននិងគ្រោះថ្នាក់ ដោយគេធ្វើបាប ការកេងប្រវ័ញ្ចផ្លូវភេទ ការកេងកំលាំងពលកម្ម ដោយគ្មានការទំនាក់ទំនងផ្សេងៗទៀត។ល។
ការជ្រើសតាំងនេះ មានបក្ខជន១៥នាក់ ជុំរុះ៦នាក់យកតែ៩នាក់ ក្នុងនោះអ្នកដែលត្រូវជាប់ឆ្នោតជាប្រធានមាន ឈ្មោះ ងីមពុត អនុប្រធានទី១ នាមពៅ អនុប្រធានទី២អ៊ុំនីនិង៦នាក់ទៀតត្រូវបានរៀបចំតាមបច្ចេកទេសនិងបទពិសោធន៍របស់រដ្នបាលជលផល។ក្នុងនោះដែរក៏មានការឧបត្ថមកូនបង្កងចំនួន១០០០០ក្បាល លោក ប៉ែន វណ្ណរិទ្ធ នាយខណ្ទរដ្ឋបាល ជលផលកំពង់ធំ បានមានប្រសាសន៍ថាបងប្អូនបានដឹងហើយថា ការបោះឆ្នោតជ្រើសរើសគណះកម្មាសមាគមន៍នេសាទពេលនេះគីពឹងផ្អែកលើអនុក្រិតស្ដីពីរការគ្រប់គ្រងសហគមន៍នេសាទមានអាណត្តិ៥ឆ្នាំត្រូវបោះឆ្នោតជ្រើសរើសសហគមន៍ម្ដង។ សុំអោយបងប្អូនយល់ថារាជរដ្នាភិបាលបានលុបឡូតិ៍នេសាទនេះគោលដៅសំខាន់គីប្រគល់ធននធានទាំងនេះអោយប្រជាពលរដ្នជាអ្នកគ្រប់គ្រង កុំច្រឡំថាធនធានជលផលជារបស់មន្ដ្រីជលផលអោយសោះគីជាធនធានរបស់បងប្អូនគ្រាន់តែមន្ដ្រីយើងជាអ្នកគ្រប់គ្រងផ្នែកបច្ចេកទេសតែប៉ុណ្ណោះ និងសូមប្រើប្រាស់ឧបករណ៍នេសាទស្របច្បាប់ ។
ក្នុងនោះដែរ លោក ប៉ែន វណ្ណរិទ្ធ បានធ្វើការផ្តាំផ្ញើរ ដល់គណៈកម្មការ សហគមន៍ថ្មី ទី១ ត្រូវសាមគ្គីភាព ផ្ទៃក្នុងល្អ ទី២ មិនត្រូវយកដែនរបស់សហគមន៍នេះ ទៅលក់ ជួល ឬប្រវាស់ ទី៣ ត្រូវ មិនត្រូវយកតួនាទីរបស់ខ្លួន ដើម្បីបំរើលប្រយោជន៍ បុគ្គលឬក្រុមគ្រួសារខ្លួន ទី៤ ត្រូវចាត់ទុលអាជ្ញាធរ ភូមិ ឃុំ ប៉ុស្តិ៍រដ្ឋបាល ជាអាណាព្យាបាល ទី៥ ត្រូវស្វែងរកដៃគូរ អភិវឌ្ឍន៍ ជាពិសេសបញ្ជូលផែនការ គ្រប់គ្រងសហគមន៍ ទីក្នុង ផែនការអភិវឌ្ឍន៍ឃុំ ទី៦ ត្រូវធ្វើការរៀបចំបែងចែក តួនាទីភារៈកិច្ច ក្នុងជួរគណៈកម្មការ ឲ្យបានច្បាស់លាស់ ទី៧ ធ្វើការផ្ទេរទ្រព្យសម្បត្តិសហគមន៍ចាស់ មកសហគមន៍ថ្មី ឲ្យបានត្រឹមត្រូវ ខណ្ទរដ្ឋបាលជលផល កំពង់ធំ មានបំណងនិងជួយកូនបង្កង ១ម៉ឺនក្បាល សម្រាប់លែងក្នុងដែនសហគមន៍ នៅក្នុងខែ កក្កដា ខាងមុខ ដើម្បីឲ្យធានាបាននូវសហគមន៍ គ្មានបទល្មើសនេសាទ ៕ 
