សៀមរាប : ករណីគ្រោះថ្នាក់ចរាចរណ៍រវាងរថយន្តក្រុងដឹកអ្នកដំណើររបស់ក្រុមហ៊ុន Capital និង រថយន្ត Vigo បានកើតឡើងកាលពីវេលាម៉ោង១៩និង៣០នាទីថ្ងៃ០៦ខែតុលាឆ្នាំ២០១៤កន្លងទៅនៅត្រង់ចំណុចលើផ្លូវជាតិលេខ៦ស្ថិតនៅភូមិខ្ចាស់ ឃុំ ខ្ចាស់ ស្រុក សូទ្រនិគមន៍ ខេត្តសៀមរាប ។
ប្រជាពលរដ្ឋដែលបានឃើញហេតុការនេះបាននិយាយថានៅមុនពេលកើតហេតុគឺមានរថយន្តក្រុងដឹកអ្នកដំណើររបស់ក្រុមហ៊ុន Capital ចំណុះ៤៥កៅអីបានបើកពីទិសខាង កើត ស្រប ជាមួយនិងរថយន្ត Vigo មួយគ្រឿងនេះដោយរថយន្ត Vigo បើកពីមុខរថយន្តក្រុងរួចអ្នកបើករថយន្ត Vigo នេះបានឈប់រថយន្តដើម្បីនិយាយទូរស័ព្ទនៅពេលដែល
អ្នកបើករថយន្ត Vigo ជាស្ត្រីបាននិយាយទូរស័ព្ទរួចក៏បានបើករថយន្តបត់ស្របពេលដែលរថយន្តក្រុងដឹកអ្នកដំណើររបស់ក្រុមហ៊ុន Capital ចំណុះ៤៥កៅអីមកដល់ផងនោះក៏បណ្តាលអោយរថយន្តក្រុងបើកមកបុកចំផ្នែកចំហៀងខាងឆ្វេងរបស់រថយន្ត Vigo បណ្តាលស្ត្រីម្នាក់បើករថយន្ត Vigo នេះទទួលរងគ្រោះថ្នាក់ធ្ងន់ ដោយឡែកសម្រាប់អ្នកជិះក្នុងរថយន្ត ក្រុង មិនមានគ្រោះថ្នាក់នោះទេ ។ ប្រភពព័ត៍មានពីកន្លែងកើតហេតុបានបញ្ជាក់ថាករណី
គ្រោះថ្នាក់ខាងលើនេះគឺបណ្តាលមកពីស្ត្រីអ្នកបើករថយន្ត Vigo បើកបរខ្វះការប្រុងប្រយ័ត្នដោយពេលឈប់រថយន្តនិយាយទូរស័ព្ទរួចក៏បានបើករថយន្តរបស់ខ្លួនបន្តដំណើរដោយមិនបានមើលឆ្វេងមើលស្តាំនិងមើលក្រោយអោយបានត្រឹមត្រូវទើបបណ្តាលអោយជួបនិងឩបទ្ទេហេតុគ្រោះថ្នាក់ចរាចរណ៍នេះតែម្តង ៕ ដោយ ខេង ខេមរា